સલમાન ખાને કરેલી ગદ્દારી નથી ભૂલ્યા સંજય લીલા ભણસાલી! કહ્યું- 'તે બદલાઈ ગયો છે અને જો હું ફોન કરું તો...'

Sanjay Leela Bhansali says Salman Khan has ‘Changed’: બોલીવૂડ ઈન્ડસ્ટ્રીના પ્રખ્યાત નિર્દેશક સંજય લીલા ભણસાલીની ફિલ્મ 'ગંગુબાઈ કાઠિયાવાડી' બોક્સ ઓફિસ પર ધૂમ મચાવી રહી છે. સતત વિવાદો વચ્ચે પણ આ ફિલ્મે બોક્સ ઓફિસ પર સારો બિઝનેસ કર્યો છે અને લોકો તેને ખૂબ પસંદ પણ કરી રહ્યા છે. આ દરમિયાન, એવા અહેવાલો આવ્યા હતા કે સંજય લીલા ભણસાલી અને સલમાન ખાન ફરીથી હાથ મિલાવવાના છે અને બંને 'ઇન્શાઅલ્લાહ'માં સાથે કરવાના હતા. ચાહકોને આશા હતી કે સલમાન ખાન સાથે આલિયા ભટ્ટની જોડી ધૂમ મચાવશે... પરંતુ ફિલ્મ ફ્લોર પર જતા પહેલા જ બંધ થઈ ગઈ છે. હવે આ ફિલ્મને લીધે ફરી એકવાર સંજયનું દર્દ ઉભરાઈ આવ્યું છે.

તમને જણાવી દઈએ કે સંજય લીલા ભણસાલી અને સલમાન ખાને લગભગ બે વર્ષ પહેલા અભિનેતાના ચાહકોને ગિફ્ટ આપી હતી અને તેઓએ 'ઇન્શાઅલ્લાહ'ની જાહેરાત કરી હતી. સલમાન ખાન અને આલિયા ભટ્ટ પહેલીવાર સ્ક્રીન સ્પેસ શેર કરવાના હતા. તો તાજેતરમાં બોલીવૂડ હંગામા સાથેની વાતચીતમાં સંજય લીલા ભણસાલીએ 'ઇન્શાલ્લાહ' વિશે વાત કરતાં કહ્યું હતું કે 'સલમાન મારો ખૂબ સારો મિત્ર છે અને હું 'પદ્માવત' પછી તેની સાથે કામ કરવા માંગતો હતો... મેં આ માટે ઘણી કોશિશ કરી પરંતુ તે કામ ન આવ્યું. માણસ તરીકે, આપણે બધા બદલાઈએ છીએ, તેથી તે બદલાયો અને હું પણ બદલાયો.

સંજય લીલા ભણસાલીએ વધુમાં કહ્યું કે, મારા માટે 'મૌન' કરનારા લોકો માટે મારા હૃદયમાં ખૂબ જ આદર છે. તેણે મારા માટે 'હમ દિલ દે ચૂકે સનમ' કર્યું હતું અને 'સાવરિયા' વખતે પણ તેણે મને સપોર્ટ કર્યો હતો, તેથી આજે હું જે કંઈ છું તેમાં સલમાન ખાનનો મોટો રોલ છે. હવે બધુ તેના પર નિર્ભર છે કે તે મારી સાથે કામ કરવા માંગે છે કે નહી. જો ભગવાનની ઈચ્છા હશે તો અમે 'ઈન્શાઅલ્લાહ'માં ચોક્કસ સાથે કામ કરીશું. અગાઉ એક ઈન્ટરવ્યુમાં સંજયે કહ્યું હતું કે જ્યારે 'ઈન્શાઅલ્લાહ' બંધ થઈ ત્યારે મારું અને આલિયાનું દિલ તૂટી ગયું હતું.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube