Kapil Dev ની બોલિંગ એક્શન કોપી કરવા રણવીરે જે કર્યું એ બધાનું કામ નથી! ફિલ્મ જોઈને ક્રિકેટર્સ પણ ચોંકી ગયા
કબીર ખાનની ફિલ્મ '83'માં કપિલ દેવની ભૂમિકા માટે બોલિવૂડ સુપરસ્ટાર રણવીર સિંહની ખૂબ પ્રશંસા થઈ રહી છે, પરંતુ અભિનેતા માટે પોતાનું બેસ્ટ આપવું સરળ નહોતું.
Trending Photos
- 5
- 5
- 5
- 8
)
નવી દિલ્હીઃ કબીર ખાનની ફિલ્મ '83'માં કપિલ દેવની ભૂમિકા માટે બોલિવૂડ સુપરસ્ટાર રણવીર સિંહની ખૂબ પ્રશંસા થઈ રહી છે, પરંતુ અભિનેતા માટે પોતાનું બેસ્ટ આપવું સરળ નહોતું. બોલિવૂડ સ્ટાર રણવીર સિંહને ફિલ્મ '83'માં કપિલ દેવની ભૂમિકા ભજવવા બદલ ક્રિકેટ ચાહકો અને ફિલ્મ રસિયાઓ તરફથી ઘણો પ્રેમ અને પ્રશંસા મળી રહી છે. ત્યારે, રણવીરે ખુલાસો કર્યો છે કે પ્રખ્યાત બેકવર્ડ-રનિંગ કેચને પૂર્ણ કરવામાં તેને 6 મહિનાનો સમય લાગ્યો હતો, જે દિગ્ગજ ક્રિકેટરે 25 જૂન, 1983ના રોજ મદન લાલની બોલ પર સર વિવિયન રિચર્ડ્સને આઉટ કરવા માટે લીધો હતો. ફિલ્મ '83'ને બોક્સ ઓફિસ પર બમ્પર ઓપનિંગ મળી છે. રણવીરને ચાહકો તરફથી સારો પ્રતિસાદ મળ્યો છે અને ફિલ્મને ભારત સહિત વિશ્વભરમાંથી અપાર પ્રેમ અને આદર મળી રહ્યો છે.
રણવીરે કપિલ દેવ સાથે સમય વિતાવ્યો હતો-
રણવીર સિંહે કહ્યું, 'મેં કપિલ સર સાથે તેમના ઘરે થોડો સમય વિતાવ્યો હતો અને તેમનો એવો પ્રભાવશાળી વ્યવહાર છે કે લોકો તેમના પ્રેમમાં પડી જશે. તેંમનું સ્મિત, તેમનું હાસ્ય, તેમનું ચાલવું, તેમની વાતો, તેમનો ડાન્સ.. હા, તેમના ડાન્સ મૂવ્સ ખૂબ જ સુંદર છે. હું જોતો હતો કે તે શું કરી રહ્યા છે અને તેમના મગજમાં શું ચાલી રહ્યું છે. 1983માં તે સમયે તે શું વિચારતા હશે? તેમને આટલી નજીકથી જોઈને મને ઘણી મદદ મળી.'
કપિલની નકલ કરવી મુશ્કેલ હતી-
જ્યારે તેમને પૂછવામાં આવ્યું કે કપિલની બોલિંગ સ્ટાઈલ, તેમનું વલણ કે બેટિંગ શીખવા માટે સૌથી મુશ્કેલ કયો ભાગ હતો? રણવીરે જવાબ આપ્યો, 'હું મારા શાળાના દિવસોમાં ક્રિકેટ રમતો હતો અને હું એક સારો ફિલ્ડર હોવા ઉપરાંત ખૂબ જ આક્રમક બેટ્સમેન હતો. તેથી જ બેટિંગમાં કોઈ સમસ્યા ન હતી. અભિનયની વાત કરીએ તો અમે પ્રોફેશનલ છીએ, તેથી પાત્રમાં ઘૂસવું અમારું કામ છે.'
રણવીર કપિલના રંગમાં રંગાઈ ગયો હતો-
રણવીર સિંહે વધુ કહ્યું, 'હા, બોલિંગ શીખવી એ સૌથી મુશ્કેલ કામ હતું. મને તેમના કાંડાની સ્થિતિ, તેમનો પ્રખ્યાત જમ્પ, બોલ ફેંકતા પહેલા છાતી પર બોલને ઘસવું, એવી બાબતો ગમતી. જેમાં મને ઘણા મહિનાઓ લાગ્યા. વાસ્તવમાં, મારું બાયોમિકેનિક્સ કપિલ સર કરતાં અલગ છે. હું 'સિમ્બા' ફિલ્મમાંથી આવી રહ્યો હતો અને મારા સ્નાયુઓ મોટા હતા. તેથી જ સંધુ સરે મને એથ્લેટિક ફિઝિક મેળવવા કહ્યું હતું.'
કેચને ફરીથી રિક્રિયેટ કરવું સરળ ન હતું-
રણવીર સિંહે સર વિવિયન રિચાર્ડ્સને આઉટ કરવા માટે કપિલ દેવના પ્રખ્યાત બેકવર્ડ-રનિંગ કેચને પૂર્ણ કરવા માટેનો તેમનો સંઘર્ષ પણ શેર કર્યો, જે કેચે લોર્ડ્સમાં ભારતની જીતમાં મુખ્ય ભૂમિકા ભજવી હતી. રણવીર સિંહે કહ્યું, 'મેં ઘણી વખત પ્રેક્ટિસ કરી હતી અને સંધુ સર મને આશ્વાસન ઇનામ તરીકે બેટિંગ કરવા માટે 6 ઓવર આપતા હતા, જે મને સૌથી વધુ ગમ્યું હતું. મને એક ધ્યેય આપવામાં આવ્યો હતો અને મારે તેનો પીછો કરવો પડતો હતો. તે મજા હતી.'
કપિલની ઐતિહાસિક ઈનિંગ્સનો રેકોર્ડ ન હતો-
1983ના વર્લ્ડ કપ દરમિયાન ઝિમ્બાબ્વે સામે કપિલ દેવની 175 રનની ઇનિંગ્સ રેકોર્ડ થઈ શકી ન હતી કારણ કે તે દિવસે બીબીસીના કર્મચારીઓ હડતાલ પર હતા. આ મહાન ઇનિંગ્સની ઝીણવટ વિશે શીખવું કેટલું મુશ્કેલ હતું? આના પર રણવીરે કહ્યું, 'એમાં કોઈ શંકા નથી કે તે મુશ્કેલ હતું, કારણ કે તે ઈનિંગ્સનો કોઈ વીડિયો રેકોર્ડિંગ નથી. આ વાત મને કપિલ સર માટે પણ ખરાબ લાગે છે. તે ક્રિકેટ ઈતિહાસની સર્વશ્રેષ્ઠ ઈનિંગ્સમાંથી એક હતી અને હવે લોકો ફિલ્મ જોયા પછી તેની પ્રશંસા કરી રહ્યા છે.'
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
