ભારતના સૌથી મોંઘા કોરિયોગ્રાફર, 1 ગીતથી 50 લાખની કમાણી, ઘણા હીરો કરતા છે ધનવાન

નવી દિલ્હીઃ હિન્દી સિનેમામાં ફિલ્મોની કહાની અને ગીત એકબીજાના હંમેશા પૂરક રહ્યાં છે. મેકર્સે હંમેશા તે સ્વીકાર્યું છે કે પડદા પર દર્શકોને ટકાવી રાખવા માટે કહાનીની સાથે ગીત પણ ખુબ જરૂરી છે. સમય બદલાયો અને ફિલ્મોમાં ડાન્સ નંબર્સનું ચલણ વધવા લાગ્યું. ફિલ્મોમાં ગીત કેવા હશે કોણ ગાશે અને કઈ રીતે શૂટ કરવામાં આવશે આ બધુ ફિલ્મની સ્ક્રિપ્ટ પ્રમાણે ડાયરેક્ટર્સ નક્કી કરે છે. તેથી સિંગર્સની સાથે ફિલ્મોમાં કોરિયોગ્રાફરોનું મહત્વ ખુબ વધી જાય છે. આજે ફિલ્મ ઈન્ડસ્ટ્રીમાં એવા ઘણા ટોપ કોરિયોગ્રાફર્સ છે, જેણે પોતાના ઇશારા પર સિતારાઓને નચાવ્યા છે, પરંતુ શું તમે જાણો છો કો ભારતનો સૌથી મોંઘો કોરિયોગ્રાફર કોણ છે.

ભારતના જે કોરિયોગ્રાફરની વાત અમે કરી રહ્યાં છીએ, તેણે ઘણા સિતારાઓને પોતાના ઈશારા પર નચાવ્યા છે. સરોજ ખાન, રેમો, પ્રભુદેવા અને ગીતા જેવા ઘણા કોરિયોગ્રાફર્સે લોકોને નાચવા પર મજબૂર કર્યાં, પરંતુ તે ક્યારેય દેશના સૌથી મોંઘા કોરિયોગ્રાફર ન બની શક્યા... કોણ છે સૌથી મોંઘા કોરિયોગ્રાફર આજે અમે તમને જણાવીશું...

આ પણ વાંચોઃ સંગીત સમ્રાટ ઉસ્તાદ રાશિદ ખાનનું નિધન, 55 વર્ષની ઉંમરે લીધા અંતિમ શ્વાસ

કોણ છે ભારતમાં ટોપ કોરિયોગ્રાફર
આ નામ છે ફરાહ ખાન.... જે બે દાયકા સુધી ભારતમાં ટોપ કોરિયોગ્રાફર રહી છે. દેશમાં સૌથી વધુ કમાણી કરનારમાં સામેલ છે. રિપોર્ટ્સ પ્રમાણે ફરાહ એક કોરિયોગ્રાફર તરીકે પ્રતિ ગીત 50 લાખ રૂપિયા સુધીનો ચાર્જ કરે છે. મિડ-ડેના રિપોર્ટ પ્રમાણે ફરાહે રેમો ડિસૂઝા, ગણેશ હેગડે અને વૈભવી મર્ચંટને પછાડી દીધા છે. જે અત્યારે સંયુક્ત રૂપે બીજા સ્થાન પર છે અને દરેક ગીત માટે 25-50 લાખ રૂપિયાની વચ્ચે ચાર્જ કરે છે. 

કોરિયોગ્રાફરથી બની ડાયરેક્ટર
ફરાહ ખાને એક ડાન્સર અને કોરિયોગ્રાફરના રૂપમાં શરૂઆત કરી, પરંતુ બાદમાં તે ફિલ્મ નિર્માતા પણ બની ગઈ અને તેણે મૈં હું ના', 'તીસ માર ખાન' અને 'હેપ્પી ન્યૂ યર' જેવી હિટ ફિલ્મોનું નિર્દેશન કર્યું છે. ફિલ્મ નિર્દેશન અને નિર્માણમાં ઉતરવાથી ફરાહને પોતાની સંપત્તિ વધારવામાં મદદ મળી છે. 

આ પણ વાંચોઃ OMG! એવું તે શું થયું હતું કે પંકજ ત્રિપાઠીએ ખાઈ લીધા હતા કીડા? કારણ જાણી ચોંકી જશો

કેટલી છે નેટવર્થ
રિપોર્ટ્સ પ્રમાણે કોરિયોગ્રાફરથી ફિલ્મ નિર્માતા બનેલી ફરાહ ખાનની નેટવર્થની વાત કરવામાં આવે તો તેની સંપત્તિ 85 કરોડ રૂપિયા કરતા વધારે છે. બેકઅપ ડાન્સરના રૂપમાં પોતાનું કરિયર શરૂ કરનાર વ્યક્તિ માટે આ ખુબ મોટી સિદ્ધિ છે. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube