આ IPOsની લિસ્ટિંગ ગેઇન જાણીને તમારી આંખો ખુલ્લી જ રહી જશે, રોકાણકારોને પર થયો રૂપિયાનો વરસાદ

Best performing IPOs: ગયા વર્ષે ઘણા આઈપીઓ આવ્યા હતા, જેમાંથી કેટલાકમાં હ્યુન્ડાઈ ઈન્ડિયા અને NTPC ગ્રીન જેવા મોટા આઈપીઓ સામેલ હતા. હ્યુન્ડાઈ ઈન્ડિયાના આઈપીઓએ લિસ્ટિંગના દિવસે રોકાણકારોને નિરાશ કર્યા હતા. જ્યારે NTPC ગ્રીન પણ માત્ર ત્રણ ટકાના પ્રીમિયમ પર લિસ્ટેડ હતી. સામાન્ય રીતે જ્યારે રોકાણકારો IPOમાં નાણાંનું રોકાણ કરે છે, ત્યારે તેઓ અપેક્ષા રાખે છે કે લિસ્ટિંગ ગેઇન તેમના ખિસ્સા ભરશે. લિસ્ટિંગ ગેઇન એટલે ઇશ્યૂ કિંમત અને લિસ્ટિંગ કિંમત વચ્ચેનો તફાવત. હ્યુન્ડાઈ ઈન્ડિયા જેવા મોટા આઈપીઓ ભલે આ બાબતમાં રોકાણકારોની અપેક્ષાઓ પર ખરા ઉતર્યા ન હોય, પરંતુ આવા ઘણા આઈપીઓ છે જેણે પહેલા જ દિવસે રોકાણકારોને માલામાલ બનાવી દીધા છે.

પહેલા જ દિવસે કરી દીધા માલામાલ
પાવર ટ્રાન્સમિશન અને ડિસ્ટ્રિબ્યુશન સેક્ટરની વિશાળ કંપની Kay Cee Energy & Infraનો આઈપીઓ ડિસેમ્બર 2023માં આવ્યો હતો. તેની પ્રાઇસ બેન્ડ રૂપિયા 51 થી 54 રૂપિયા નક્કી કરવામાં આવી હતી. જ્યારે આ IPO શેરબજારમાં લિસ્ટ થયો ત્યારે રોકાણકારોની ખુશીની કોઈ સીમા નહોતી. તે શેર દીઠ રૂ. 252ના ભાવે લિસ્ટ થયો હતો, જે ઇશ્યૂ કિંમત કરતા 366% વધારે હતો. આ IPOએ 366.67% ના પ્રીમિયમ સાથે તેના લિસ્ટિંગ સાથે નવો રેકોર્ડ બનાવ્યો છે. હાલમાં આ શેર 300 રૂપિયાથી ઉપર ટ્રેડ થઈ રહ્યો છે, આ હિસાબે આઈપીઓ પર દાવ લગાવનારા શેર હોલ્ડ કરનારાઓનો નફો અકબંધ છે.

ડુપ્લિકેટ PAN કાર્ડનો કરો છો ઉપયોગ તો તરત જ કરો સરેન્ડર, પકડાશો તો થશે હજારોનો દંડ

38 રૂપિયાના થઈ ગયા 130
ગોયલ સોલ્ટ પ્રાઈવેટ લિમિટેડના આઈપીઓના લિસ્ટિંગે પણ બધાને ચોંકાવી દીધા હતા. કંપનીના શેર NSE SME પર 130 રૂપિયા પ્રતિ શેરના ભાવે લિસ્ટ થયા હતા. જ્યારે તેની ઈશ્યુ કિંમત માત્ર 38 રૂપિયા હતી. એટલે કે તેનું લિસ્ટિંગ 242% પ્રીમિયમ પર થયું હતું. નોંધનીય છે કે, ગોયલ સોલ્ટ સોડિયમ ક્લોરાઇડ (NaCl)ની તમામ જાતોના સૌથી મોટા ઉત્પાદકો અને ડીલરોમાંનું એક છે. કંપનીના શેર અત્યારે 200 રૂપિયાથી વધુના ભાવ પર મળી રહ્યા છે. તેવી જ રીતે આ વર્ષે NSE SME પર Esconet Technologiesનું લિસ્ટિંગ પણ સફળ રહ્યું હતું. જે લોકોએ તેના IPOમાં નાણાંનું રોકાણ કર્યું હતું તેમને બમ્પર નફો થયો હતો. તે શેર દીઠ રૂ. 290ના ભાવે લિસ્ટ થયો હતો, જ્યારે ઇશ્યૂ ભાવ રૂ. 84 હતો.

200% થી વધુ આપ્યો ગેઇન
મીડિયમ એન્ડ સ્મોલ સાઈઝ આઈપીઓના લિસ્ટિંગમાં Sungarner Energiesએ પણ ખૂબ જ નામ બનાવ્યું છે. કંપનીના શેર 200 ટકાથી વધુના પ્રીમિયમ પર લિસ્ટ થયા હતા. 2023માં આ IPOની ઇશ્યૂ કિંમત રૂ. 83 હતી અને લિસ્ટિંગ રૂ. 250 પ્રતિ શેરના ભાવે કરવામાં આવ્યું હતું. આજે આ કંપનીના શેર 550 રૂપિયાથી ઉપર ટ્રેડ થઈ રહ્યા છે. કલ્પના કરો કે જેઓએ તે સમયે આના પર દાવ લગાવ્યો હતો તેમને આજે કેટલો ફાયદો થયો હશે. આવી જ રીતે ઓવેસ મેટલ એન્ડ મિનરલ પ્રોસેસિંગ અને અલ્પેક્સ સોલર લિમિટેડે લગભગ 200% નો લિસ્ટિંગ ગેઇન આપ્યો હતો.

16 રૂપિયાનો મલ્ટિબેગર શેરે ફરીથી લગાવી અપર સર્કિટ, એક વર્ષમાં 284%નું આપ્યું રિટર્ન

100% વધારે રહ્યું પ્રીમિયમ 
ડિફેન્સ સેક્ટરની કંપની Paras Defence And Space Technologiesના શેર 2021 માં 171.43% ના પ્રીમિયમ પર લિસ્ટ થયા હતા. તેની ઈશ્યુ કિંમત 175 રૂપિયા હતી અને લિસ્ટિંગ કિંમત 475 રૂપિયા હતી. હાલમાં કંપનીનો શેર 1100 રૂપિયાની આસપાસ ટ્રેડ થઈ રહ્યો છે. ફાર્મા કંપની સિગાચી ઇન્ડસ્ટ્રીઝના IPO લિસ્ટિંગ પર રોકાણકારોને 252.76%નો લિસ્ટિંગ ગેઇન મળ્યો હતો. કંપનીનો આઈપીઓ 2021માં આવ્યો હતો, તેની ઈશ્યૂ કિંમત 163 રૂપિયા હતી અને લિસ્ટિંગ રૂપિયા 575 હતું. જો કે, બાદમાં કંપનીના શેર આ પ્રદર્શન જાળવી શક્યા ન હતા. આ ઉપરાંત Latent View Analyticsનો IPO 169.04%ના પ્રીમિયમ પર, ટાટા ટેક્નોલોજીનો 139.99% અને Happiest Minds Technologiesનો 111.45%ના પ્રીમિયમ પર લિસ્ટિંગ થયો હતો.