ડોલરના મુકાબલે રૂપિયામાં 5 વર્ષનો સૌથી મોટો ઉછાળો, સીધો જ 100 પૈસા મજબૂત

મુંબઈ : આંતરરાષ્ટ્રીય માર્કેટમાં કાચા તેલની કિંમતો ઘટવાને કારણે તથા અમેરિકા દ્વારા ઈરાનથી તેલ આયાત પર પ્રતિબંધોમાં ભારતને છૂટ આપવાની સંભાવના વધવાની વચ્ચે શુક્રવારે ભારતીય રૂપિયો ડોલરને મુકાબલે 100 પૈસા ઉછળીને 72.45 રૂપિયા પ્રતિ ડોલર પર બંધ થયો. શેર માર્કેટમાં તેજીનું જોર ચાલવાથી અને વિદેશી ટ્રેઝરીની તરફથી નવું ઈન્વેસ્ટમેન્ટ આવવાથી રૂપિયાની ધારણા મજબૂત થઈ છે. ગત બે દિવસોમાં રૂપિયો 150 પૈસા મજબૂત થયો છે. ગુરુવારે ડોલરના મુકાબલે રૂપિયામાં 50 પૈસાની મજબૂતી આવી હતી. 

આંતરબેંક વિદેશી મુદ્રા બજારમાં રૂપિયો 73.14 પ્રતિ ડોલરના ભાવ પર મજબૂત ખૂલ્યો. વેપારના દરમિયાન આ એક સમય 102 પૈસાની તેજીની સાથે 72.43ના દિવસના ઉચ્ચતમ સ્તરને સ્પર્શી ગયો. અંતમાં તેજી 100 પૈસા રહી. માર્કેટ બંધ થવાના સમયે વિનિમય દર 72.45 રૂપિયા પ્રતિ ડોલર હતું. સપ્ટેમ્બર 2013ના બાદ રૂપિયાનું આ સૌથી મજબૂત સ્તર છે. કાચા તેલની કિંમતોમાં સતત ઘટાડાથી ચાલુ ખાતાનું નુકશાન વધવાની ચિંતા ઘટી ગઈ છે. તેનાથી રૂપિયામાં સુધારમાં મદદ મળી છે. બોમ્બે સ્ટોકએક્સચેન્જ શુક્રવારે 580 અંકોની તેજીની સાથે 35,011.65 અંક પર બંધ થયો.  

આ કારણોથી રૂપિયામાં આવી તેજી
માર્કેટના સૂત્રોએ કહ્યું કે, આર્થિક મોરચા પર ઓક્ટોબર મહિના દરમિયાન વસ્તુ તેમજ સેવા ટેક્સ (જીએસટી) સંગ્રહ એક લાખ કરોડના સ્તરને પાર કરી ગયુ. જ્યારે કે વેપાર કરીને સુગમતાના સંદર્ભમાં વર્લ્ડ બેંકના તાજા લિસ્ટમાં ભારત 23 સ્થાનથી સુધરીને 77મા સ્થાન પર પહોંચી ગયું. આર્થિક મોરચા પર આ અનુકૂફ સમાચારોથી વેપારી ધારણામાં સુધાર થયો. આ ઉપરાંત વેપારીઓએ કહ્યું કે, બેંકો તેમજ નિવેશકારોનું ડોલરનું વેચાણ તથા અન્ય પ્રમુખ મુદ્રાઓની તુલનામાં ડોલર નબળું થવાથી રૂપિયાની મજબૂતી વધી છે. તેમણે કહ્યું કે, ઘરેલુ શેર માર્કેટ વધારાની સાથે ખુલવાથી પણ રૂપિયાને સમર્થન મળ્યું છે. 

વધુ મજબૂત થઈ શકે છે
આંતરરાષ્ટ્રીય માર્કેટમાં કાચા તેલની કિંમતો એપ્રિલ બાદ સૌથી નીચા સ્તરે છે. કેમ કે, તેલ ઉત્પાદક દેશો તરફથી ઉત્પાદન તેના ઉચ્ચતમ સ્તર પર છે. તેનાથી વિરુદ્ધ કાચા તેલની વૈશ્વિક માંગમાં પણ ઘટાડો જોવા મળી રહ્યો છે. જો આ ધારણા મજબૂત થઈ રહી છે તો આગામી દિવસોમાં રૂપિયામાં વધુ મજબૂતી જોવા મળી શકે છે.