વિશ્વના ટોપ-10 ધનિકોની યાદીમાં મુકેશ અંબાણીને નુકસાન, હવે છઠ્ઠા સ્થાને પહોંચ્યા

નવી દિલ્હીઃ વિશ્વના ટોપ-10 ધનિકોની યાદીમાં મુકેશ અંબાણી (Mukesh Ambani) એક સ્થાન નીચે ખસી છઠ્ઠા સ્થાને પહોંચી ગયા છે. રિલાયન્સના શેરના ભાવમાં ઘટાડાને કારણે મુકેશ અંબાણીની સંપત્તિ ઓછી થઈ છે. એલન મસ્ક હવે વિશ્વના ચોથા સૌથી ધનિક વ્યક્તિ છે. 

બેજોસ છે નંબર વન
બ્લૂમબર્ગ બિલિનેયર ઇન્ડેક્સ પ્રમાણે મુકેશ અંબાણીની કુલ સંપત્તિ 78.8 અબજ ડોલર છે. તેઓ દુનિયાના છઠ્ઠા સૌથી ધનવાન વ્યક્તિ છે. આ ઇન્ડેક્સ પ્રમાણે એમેઝોનના પ્રમુખ જેફ બેજોસ પ્રથમ નંબર પર છે. તેમની કુલ સંપત્તિ 188 અબજ ડોલર છે. આ વર્ષે બેજોસની સંપત્તિમાં અત્યાર સુધી આશરે 73 અબજ ડોલરનો વધારો થયો છે. 

આ યાદીમાં 121 અબજ ડોલરની સાથે બિલ ગેટ્સ બીજા નંબર પર અને 99 અબજ ડોલરની સાથે માર્ક ઝુકરબર્ગ ત્રીજા સ્થાન પર છે. 

સોનાના ભાવમાં ફરી તેજીનો માહોલ, જાણો શું છે આજનો ભાવ  

કેમ નીચે આવ્યા અંબાણી
છેલ્લા ચાર કારોબારી સત્રમાં રિલાયન્સના શેર સતત ઘટાડા સાથે બંધ થયા હતા. તેના કારણે મુકેશ અંબાણીની સંપત્તિમાં ઘટાડો થયો છે. તેમની સંપત્તિ 78.8 અબજ ડોલર છે. 

અંબાણીના સ્થાને ચોથા સ્થાન પર એલન મસ્ક
આ યાદીમાં ચોથા સ્થાન પર Tesla અને SpaceXના સીઈઓ એલન મસ્ક આવી ગયા છે. તેમની કુલ સંપત્તિ 84.8 અબજ ડોલરની છે. તેમની સંપત્તિમાં એક દિવસમાં આશરે 8 અબજ ડોલરનો વધારો થયો છે. સોમવારે વોલ સ્ટ્રીટ પર ટેલ્સાના શેરોમાં 11 ટકાનો ઉછાળો જોવા મળ્યો હતો. આ વર્ષે તેમની સંપત્તિમાં 7.8 અબજ ડોલરનો વધારો થયો છે. પાંચમાં નંબર પર બર્નાર્ડ ઓર્નોલ્ટ છે, તેમની સંપત્તિ 84.6 અબજ ડોલર છે. 

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube