Paytm Share Buyback : 850 કરોડના શેર પરત ખરીદશે પેટીએમ, જાણો શું હશે કિંમત
Paytm Share Buyback Scheme : આજે મંગળવારે પેટીએમની મૂળ કંપની વન 97 કમ્યુનિકેશનના બોર્ડની બેઠક થઈ. આ બેઠકમાં પેટીએમ શેર બાયબેકની જાહેરાત થઈ છે. કંપની 850 કરોડ રૂપિયાના શેર પરત ખરીદશે. તે માટે કિંમત 810 રૂપિયા પ્રતિ શેરથી વધુ હશે નહીં.
Trending Photos
- 12
- 9
- 9
- 5
)
નવી દિલ્હીઃ પેટીએમની મૂળ કંપની વન 97 કમ્યુનિકેશન લિમિટેડ (One97 Communications) ના બોર્ડે શેર બાયબેક ઇશ્યૂની જાહેરાત કરી છે. કંપની બોર્ડે 850 કરોડ રૂપિયાના શેર બાયબેક સ્કીમ (Share Buyback Scheme) ની જાહેરાત કરી છે. આ શેર બાયબેક ઓપન માર્કેટ દ્વારા થશે. પેટીએમના શેર મંગળવારે બીએસઈ પર 538.40 રૂપિયા પર બંધ થયો. આ બાયબેક 810 રૂપિયા પ્રતિ શેરની વધુ કિંમત પર થશે નહીં. Paytm એ જણાવ્યું હતું કે 31 માર્ચ, 2022 ના રોજ મહત્તમ બાયબેક કદ કુલ સંપૂર્ણ ચૂકવેલ શેર મૂડી અને કંપનીના મફત અનામતના 10 ટકાથી ઓછું છે. કંપની લઘુત્તમ બાયબેક કદ અને મહત્તમ બાયબેક કિંમતના આધારે લઘુત્તમ 5,246,913 ઇક્વિટી શેર બાયબેક કરશે. કંપનીએ એક રિલીઝમાં આ જાણકારી આપી છે.
શેરધારકોને થશે મોટો ફાયદો
પેટીએમે એક એક્સચેન્જ ફાયલિંગમાં કહ્યું હતું- મેનેજમેન્ટને વિશ્વાસ છે કે બાયબેક ઓફર શેરધારકો માટે ફાયદાકારક હશે. આ લિસ્ટિંગ બાદથી કંપનીની પ્રથમ બાયબેક ઓફર છે. કંપનીએ જણાવ્યું કે તેની પાસે 9182 કરોડ રૂપિયાની લિક્વિડિટી છે. આ શેર બાયબેક કંપનીની લિસ્ટિંગના 13 મહિનાથી ઓછા સમયમાં આવી રહ્યું છે. કંપનીના શેર તેના આઈપીઓ કિંમતથી 75 ટકા નીચે આવી ગયા હતા. આઈપીઓ દ્વારા પેટીએમે 2150 રૂપિયાની કિંમતના તાજા શેર જારી કરી 18300 કરોડ રૂપિયા ભેગા કર્યાં હતા. આ આઈપીઓ નવેમ્બર 2021માં આવ્યો હતો. આ દેશનો સૌથી મોટો આઈપીઓ હતો.
શું હોય છે બાયબેક ઓફર?
બાયબેક ઓફરને શેર પરચેઝ ઓફર પણ કહે છે. આ એક એવી કોર્પોરેટ ગતિવિધિ છે, જેમાં કોઈ કંપની પોતાના શેર ધારકો પાસેથી શેર પરત ખરીદે છે. સામાન્ય રીતે કંપની કરંટ માર્કેટ પ્રાઇઝથી ઉચ્ચ કિંમત પર બાયબેક કરે છે. બાયબેક બે પ્રકારે થાય છે. ટેન્ડર ઓફર અને ઓપન માર્કેટ ઓફર.
પેટીએમ કેમ લાવી રહી છે બાયબેક ઓફર?
કંપનીઓ ઘણીવાર પોતાના શેરની કિંમતને સપોર્ટ કરવા માટે બાયબેક ઓફર લાવે છે. પેટીએમના શેર આ વર્ષે અત્યાર સુધી 60 ટકા તૂટી ચુક્યા છે. તેથી પેટીએમ માટે આ કારણ યોગ્ય છે. સાથે કંપની પોતાના શેરધારકોને ફાયદો પહોંચાડવા માટે પણ બાયબેક ઓફર લાવે છે. પેટીએમના મામલામાં આ યોગ્ય કારણ છે. કંપનીએ કહ્યું છે કે બાયબેક ઓફરથી શેરધારકોને ફાયદો થશે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
