Gold Rate Update: સોનામાં સામાન્ય વધારો, ચાંદીના ભાવમાં ઉછાળો, જાણો નવી કિંમત

નવી દિલ્હીઃ સોના તથા ચાંદીની હાજર કિંમતોમાં ગુરૂવારે તેજી જોવા મળી છે. એચડીએફસી સિક્યોરિટીઝ પ્રમાણે વૈશ્વિક બજારોમાં કિંમતોમાં વધારાને કારણે રાષ્ટ્રીય રાજધાનીમાં સોનાનો ભાવ 82 રૂપિયા વધીને 51,153 રૂપિયા પ્રતિ 10 ગ્રામ પર પહોંચી ગયો છે. સિક્યોરિટીઝ પ્રમાણે તેના પાછલા સત્રમાં સોનાનો ભાવ 51,071 રૂપિયા પ્રતિ 10 ગ્રામ પર રહ્યો હતો. તો ચાંદીની કિંમત 1074 રૂપિયાની તેજીની સાથે 62,159 રૂપિયા પ્રતિ કિલોગ્રામ પર પહોંચી ગયોછે. તેના પાછલા સત્રમાં ચાંદીની કિંમત 61085 રૂપિયા પ્રતિ કિલોગ્રામ રહ્યો હતો. 

એચડીએફસી સિક્યોરિટીઝ પ્રમાણે, 'આંતરરાષ્ટ્રીય સ્તર પર સોનાની કિંમતોમાં તેજીને કારણે દિલ્હીમાં 24 કેરેટ સોનાના ભાવમાં 82 રૂપિયાનો વધારો જોવા મળ્યો છે.'

આંતરરાષ્ટ્રીય બજારમાં સોના-ચાંદીની કિંમત
વૈશ્વિક બજારમાં સોનાની કિંમતમાં તેજી જોવા મળી છે. આંતરરાષ્ટ્રીય સ્તર પર સોનાનો ભાવ 1891 ડોલર પ્રતિ ઔંસ રહ્યો. તો ચાંદીની કિંમસ સામાન્ય સુધારની સાથે 24 ડોલર પ્રતિ ઔંસ પર પહોંચી ગઈ છે.

વર્લ્ડ બેન્કે જણાવ્યું  અર્થતંત્ર સામે ક્યા છે પડકાર, GDPમા  9.6 ટકાના ઘટાડાનું અનુમાન

અમેરિકામાં પ્રોત્સાહન પેકેજને લઈને અનિશ્ચિતતા અને અમેરિકી અર્થવ્યવસ્થામાં રિકવરી સાથે જોડાયેલી ચિંતાઓને લઈને ડોલરના મૂલ્યમાં ઉતાર-ચઢાવથી સોનાની કિંમતોમાં તેજી જોવા મળી છે. 

વાયદા કારોબારમાં રહ્યો આ ભાવ
મલ્ટી કોમોડિટી એક્સચેન્જ પર ડિસેમ્બરમાં ડિલિવરી વાળું સોનું 108 રૂપિયા એટલે કે 0.22 ટકાની તેજીની સાથે 50,156 રૂપિયા પ્રતિ 10 ગ્રામ પર રહ્યો. તેમાં 15,404 લોટ માટે કારોબાર થયો. તો  MCX પર ડિસેમ્બરમાં કરાર વાળી ચાંદીની કિંમત555 રૂપિયાના વધારા સાથે 60,919 રૂપિયા પ્રતિ કિલોગ્રામ પર પહોંચી ગઈ છે. તેમાં 16,402 લોટ માટે કારોબાર થયો હતો.

બિઝનેસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube