કર્મચારીઓ માટે ખુશખબર! જો તમે 30 મિનિટથી વધુ કામ કરશો તો તમને મળશે ઓવરટાઇમ, જાણો ક્યારે લાગુ થશે નિયમ

નવી દિલ્હી: New Wage Code Update: ન્યૂ વેજ કોડ લાગુ કરવાને લઈને ફરી એકવાર ચર્ચા શરૂ થઈ ગઈ છે. કહેવામાં આવી રહ્યું છે કે એપ્રિલ સુધીમાં આ શ્રમ કાયદો (New Labour Codes) લાગુ થઈ શકે છે. હાલમાં, સરકાર અમલીકરણ પહેલા તેના નિયમોને વધુ ફાઇન ટ્યુન કરવામાં વ્યસ્ત છે, જેથી અમલીકરણ પછી કોઈ સમસ્યા ન આવે. ચાલો જાણીએ કે આ કાયદાના અમલ પછી તમારા પર શું અસર થશે.

સેલરી સ્ટ્રક્ચરમાં ફેરફાર 
નોકરી કરતા લોકોના પગારના માળખામાં મોટો ફેરફાર થઈ શકે છે. કર્મચારીઓના ટેક હોમ સેલરી (Take Home Salary)માં ઘટાડો થઈ શકે છે. આ ઉપરાંત નવા લેબર કોડમાં કામના કલાકો, ઓવરટાઇમ, બ્રેક ટાઇમ જેવી બાબતો અંગે પણ જોગવાઈ કરવામાં આવી છે. આપણે તેને એક પછી એક સમજીશું, પરંતુ સૌ પ્રથમ આપણે સમજીએ કે નવો વેતન કોડ શું છે?

શું છે New Wage Code?
સરકારે 29 શ્રમ કાયદાઓને જોડીને 4 નવા વેજ કોડ તૈયાર કર્યા છે. સંસદે ઓગસ્ટ 2019માં ત્રણ લેબર કોડ, ઔદ્યોગિક રિલેશન, કામની સલામતી, આરોગ્ય અને કામ કરવાની પરિસ્થિતિઓ અને સામાજિક સુરક્ષા સંબંધિત નિયમોમાં ફેરફાર કર્યા હતા. આ નિયમો સપ્ટેમ્બર 2020 ના રોજ પસાર કરવામાં આવ્યા હતા

આ ચાર કોડ છે
1- કોડ ઓન વેજેજ
2- ઔદ્યોગિક રિલેશંસ કોડ
3- ઓક્યૂપેશનલ સેફ્ટી એન્ડ હેલ્થ (OSH)
4- સોશિયલ સિક્યોરિટી કોડ

એક સાથે લાગૂ થશે ચારેય કોડ
સરકારી સૂત્રોના જણાવ્યા અનુસાર આ તમામ કોડ એક સાથે લાગુ કરવામાં આવશે. વેતન સંહિતા અધિનિયમ, (Wage Code Act) 2019 મુજબ, કર્મચારીનો મૂળ પગાર કંપનીના ખર્ચ ((Cost To Company-CTC) )ના 50% કરતા ઓછો ન હોઈ શકે. હાલમાં ઘણી કંપનીઓ બેઝિક સેલરી ઘટાડે છે અને ઉપરથી વધુ ભથ્થાં આપે છે જેથી કંપની પરનો બોજ ઓછો થાય.

જો 30 મિનિટ વધુ કામ કર્યું તો ઓવરટાઇમ
નવા ડ્રાફ્ટ કાયદામાં ઓવરટાઇમમાં 30 મિનિટની ગણતરી કરીને 15 થી 30 મિનિટ વચ્ચે વધારાના કામનો સમાવેશ કરવાની જોગવાઈ છે. વર્તમાન નિયમ હેઠળ 30 મિનિટથી ઓછા સમયને ઓવરટાઇમ માટે લાયક ગણવામાં આવતો નથી. ડ્રાફ્ટ નિયમોમાં કોઈપણ કર્મચારીને 5 કલાકથી વધુ સમય સુધી સતત કામ કરવા માટે દબાણ કરી શકાતું નથી. દર પાંચ કલાક પછી તેને 30 મિનિટનો બ્રેક આપવો ફરજિયાત કરવામાં આવ્યો છે.

સેલરી સ્ટ્રક્ચર સંપૂર્ણપણે બદલાઈ જશે
વેજ કોડ એક્ટ, 2019 લાગુ થયા પછી કર્મચારીઓના પગારનું માળખું સંપૂર્ણપણે બદલાઈ જશે. કર્મચારીઓની 'Take Home Salary' ઘટશે, કારણ કે Basic Pay વધારવાથી કર્મચારીઓનો PF વધુ કપાશે, એટલે કે તેમનું ભવિષ્ય વધુ સુરક્ષિત થઈ જશે. PFની સાથે ગ્રેચ્યુટી (Monthly Gratuity) માં પણ યોગદાન મળશે. એટલે કે ટેક હોમ સેલરી ચોક્કસ વધશે. પરંતુ કર્મચારીને નિવૃત્તિ પર વધુ રકમ મળશે. નવો વેતન કોડ અસંગઠિત ક્ષેત્રના કર્મચારીઓ માટે પણ લાગુ થશે. પગાર અને બોનસ સંબંધિત નિયમો બદલાશે. દરેક ઉદ્યોગ અને ક્ષેત્રમાં કામ કરતા કર્મચારીઓના પગારમાં સમાનતા આવશે.

કામના કલાકો, રજાઓ ઉપર પણ અસર થશે 
EPFO બોર્ડના સભ્ય અને ભારતીય મજદૂર સંઘના મહાસચિવ વિરજેશ ઉપાધ્યાયના જણાવ્યા અનુસાર, કામના કલાકો, વાર્ષિક રજાઓ, પેન્શન, PF, ટેક હોમ સેલરી, કર્મચારીઓની નિવૃત્તિ જેવા મહત્વપૂર્ણ મુદ્દાઓ પર નિયમોમાં ફેરફાર કરવામાં આવ્યો છે. શ્રમ મંત્રાલયના લેબર રિફોર્મ સેલના એક અધિકારીના જણાવ્યા અનુસાર, મજૂર સંઘે પીએફ અને વાર્ષિક રજાઓને લઈને માંગ કરી છે, યુનિયન માંગ કરી રહ્યું છે કે અર્ન્ડ લીવ 240 થી વધારીને 300 કરવામાં આવે.

તમને જણાવી દઈએ કે પહેલા તેને 1લી એપ્રિલ 2021થી લાગૂ કરવાની હતી, ત્યારબાદ જુલાઈમાં તેને લાગુ કરવાની ચર્ચાએ જોર પકડ્યું, ત્યારપછી તેને 1લી ઓક્ટોબરથી લાગુ કરવાની હતી. જો કે, હવે એવું કહેવામાં આવી રહ્યું છે કે તેને એપ્રિલ સુધીમાં લાગુ કરવામાં આવી શકે છે.