Gold Price Today, 19 February 2021: 10,000થી વધુ સસ્તું થયું સોનું, 9 મહિનાના નીચલા સ્તરે પહોંચ્યું

નવી દિલ્હી: Gold, Silver Rate Update, 19 February 2021: અત્યારે સોનું ખરીદનારાઓની ચાંદી છે, કારણ કે સતત 6 દિવસથી સોનું સસ્તું થઇ રહ્યું છે, હવે તેનો ભાવ 46,000 રૂપિયાથી ઓછો થઇ ગયો છે. ગઇકાલે સોનું 46126 રૂપિયા પર બંધ થયું છે. આ પ્રકારે આ અઠવાડિયામાં સોનું 1200 રૂપિયા પ્રતિ 10 ગ્રામ સુધી સસ્તું થઇ ચૂક્યું છે. ચાંદીપણ આ અઠવાડિયામાં 2500 રૂપિયા પ્રતિ કિલો તૂટી ચૂકી છે.

મલ્ટી કોમોડિટી એક્સચેંજ (એમસીએક્સ) પર સવારે સોનાના ભાવમાં ઘટાડો જોવા મળ્યો છે. આજે સવારે સોનામાં એપ્રિલની ફ્યૂચર ટ્રેંડ 171.00 રૂપિયાના ઘટાડા સાથે 46,443.00 રૂપિયાના સ્તર પર ટ્રેડ થઇ રહ્યું હતું. તો ચાંદીની માર્ચની ફ્યૂચર ટ્રેડ 903.00 રૂપિયાના ઘટાડા સાથે 67,591.00 ના સ્તર પર ટ્રેંડ થઇ રહી હતી. 

WhatsApp એ ફરી રિલીઝ કરી પ્રાઇવેસી પોલિસી, જાણો લો ખતરો

ફેબ્રુઆરીમાં અત્યાર સુધી સોનું 2400 રૂપિયા થઇ સસ્તું
1 ફેબ્રુઆરી 2021ના રોજ જ્યારે બજેટ રજૂ થયું ત્યારે MCX પર સોનું 48394 રૂપિયા પ્રતિ 10 ગ્રામના લેવલ પર બંધ થયું હતું, આજે સોનું 45995 રૂપિયા પ્રતિ 10 ગ્રામ પર છે, એટલે કે ફક્ત 19 દિવસમાં જ સોનું 2400 રૂપિયા પ્રતિ 10 ગ્રામ સુધી સસ્તું થઇ ચુક્યું છે. જો વર્ષની શરૂઆત એટલે કે 1 જાન્યુઆરી 2021 થી કરીએ તો સોનું 4200 રૂપિયા સસ્તું છે. 

9 મહિનાના નીચલા સ્તર પર સોનું
એક્સપર્ટ્સનું માનવું છે કે સોનું-ચાંદી ખરીદવા ઇચ્છો છો તો આ યોગ્ય સમય હોઇ શકે છે. સોનાની કિંમત 46,000 રૂપિયા પ્રતિ 10 ગ્રામથી પણ નીચે સરકી ગઇ છે. MCX પર સોનાનો ભાવ મે 2020 ના લેવલ પર આવી ગયો છે. વર્ષની શરૂઆતમાં સોનાને લઇને બુલિયન એક્સપર્ટ્સ અનુમાન હતું કે 2021 થી 60,000 રૂપિયાને પાર જશે. પરંતુ હવે ટર્મમાં એક્સપર્ટ્સ સોના-ચાંદીને લઇને વધુ ચિતિંત નથી. 

Delhi: લોકોને મળી રહ્યો છે 'મોત'નો મેસેજ, મચી ગયો હડકંપ

MCX Gold: ગુરૂવારે MCX પર સોનું એપ્રિલ વાયદા 100 રૂપિયાથી વધુ ઘટીને 46126 રૂપિયા પ્રતિ 10 ગ્રામ પર બંધ થયો હતો. આજે તેમાંથી એક એકદમ નાના દાયરામાં કારોબાર જોવા મળ્યો છે. ગત અઠવાડિયાથી માંડીને અત્યાર સુધી સોનું સતત 6 સેશનથી વધુ ઘટાડો જોવા મળ્યો છે. 

સોનું ઉચ્ચતમ સ્તરથી 10,200 રૂપિયા સસ્તું!
ગત કોરોના સંકટના લીધે લોકોએ સોનામાં જોરદાર રોકાણ કર્યું હતું. ઓગસ્ટ 2020 માં MCX પર 10 ગ્રામ સોનાનો ભાવ 56191 રૂપિયાના ઉચ્ચતમ સ્તર પર પહોંચી ગયું હતું. ગત વર્ષે સોનામાં 43 ટકાનું રિટર્ન આપવામાં આવ્યું હતું. જો ઉચ્ચત્તમ સ્તર સાથે તુલના કરીએ તો સોનું 18 ટકા સુધી તૂટી ચુક્યું છે. સોનું  MCX પર 45995 ટ્રેંડ કરી રહ્યું છે. એટલે કે લગભગ 10,200 રૂપિયા સસ્તું મળી રહ્યું છે. 

આ અઠવાડિયાની સોનાની ચાલ

ગત અઠવાડિયાની સોનાની ચાલ
 

MCX Silver: આજે ચાંદીની ચાલ પણ ઢીલી છે. MCX પર ચાંદીના માર્ચ વાયદા 850 રૂપિયા પ્રતિ કિલોથી વધુ તૂટી ચૂક્યો છે. ચાંદી 68,000 રૂપિયાની નીચે ટ્રેંડ કરી રહ્યો છે. કાલે અને આજના ઘટાડો મળીને ચાંદી બે દિવસમાં 1500 રૂપિયાથી વધુ સસ્તી થઇ ચૂકી છે. બજેટના દિવસે 1 ફ્રેબ્રુઆરીના રોજ ચાંદીના માર્ચ વાયદા 73666 પર બંધ થયું હતું. તેને ફક્ત ચાંદી આજે 6000 રૂપિયા સસ્તી છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube