Akshaya Tritiya 2023 Offers: અખાત્રીજ પર ખરીદો સોનું, ફ્રીમાં ગોલ્ડ કોઈનની સાથે મળશે બમ્પર ડિસ્કાઉન્ટ

નવી દિલ્હીઃ Akshaya Tritiya 2023 Gold Offers: અખાત્રીજનું પર્વ નજીક આવી રહ્યું છે. આ મહિનાની 22 તારીખે અખાત્રીજ મનાવવામાં આવશે. આ દિવસો સોનાની ખરીદી શુભ માનવામાં આવે છે. આ કારણ છે કે અખાત્રીજ (Akshaya Tritiya 2023) ના શુભ અવસરે સોનાની માંગ વધુ રહે છે. આ સાથે સોનીની દુકાનો અને શો રૂમ પર ભીડ જોવા મળે છે. આ દિવસે લોકો ગોલ્ડ જ્વેલરીથી લઈને ઘણી ખરીદી કરે છે, પરંતુ અખાત્રીજ પર સોનાની ખરીદી સૌથી વધુ હોય છે. તેનું કારણ છે કે આપણે સોનાને સંપત્તિ માનીએ છીએ, અને સોનામાં રોકાણ કરવું સારૂ માનવામાં આવે છે. 
 

જો તમે પણ અખાત્રીજના અવસર પર સોનાની ખરીદી કરવા જઈ રહ્યાં છો તો તમારા માટે ખુશખબર છે. આ દિવસોમાં સોનાની કિંમત સાતમાં આસમાન પર છે. તેવામાં અખાત્રીજ પર ઘણા મોટા જ્વેલર્સોએ ગ્રાહકોને આકર્ષિત કરવા માટે બમ્પર ડિસ્કાઉન્ટ ઓફર (Akshaya Tritiya 2023 Gold Discount Offers)શરૂ કરી છે. તે હેઠળ કોઈ ગોલ્ડ જ્વેલરી મેકિંગ ચાર્જ પર ડિસ્કાઉન્ટ આપી રહ્યું છે તો કોઈ ફ્રી સોનાનો સિક્કો આપી રહ્યું છે. અખાત્રીજ પર સોનાના સિક્કા, ઈંટ, ઘરેણા વગેરે ખરીદતા પહેલાં આ ઓફર અને ડિસ્કાઉન્ટ વિશે માહિતી મેળવી લેવી જરૂરી છે. તેમાં તમે ઓછા ખર્ચે સોનામાં જોરદાર રોકાણ કરી શકો છો. આવો આ ઓફર વિશે જાણીએ. 

આ પણ વાંચોઃ 7th Pay Commission: કર્મચારીઓને મળશે DA ની ભેટ, આ વખતે 8000 ₹ વધીને આવશે પગાર
 

જાણો અખાત્રીજ પર કઈ રીતે મેળવશો ફ્રી સોનાનો સિક્કો
માલાબાર ગોલ્ડ એન્ડ ડાયમન્ડ્સ (Malabar Gold and Diamonds Akshaya Tritiya 2023 Offers)ગ્રાહકોને અખાત્રીજ પર ગોલ્ડ અને ડાયમંડ જ્વેલરીના મેકિંગ ચાર્જ પર 50 ટકા સુધીની છૂટ આપી રહ્યું છે. એટલું જ નહીં અહીં 30,000 રૂપિયાથી વધુની ગોલ્ડ જ્વેલરી ખરીદવા પર તમને 100 mg ગોલ્ડ કોઈન ફ્રીમાં આપવામાં આવી રહ્યો છે. 
 

ગોલ્ડ જ્વેલરી મેકિંગ ચાર્જ પર મોટું ડિસ્કાઉન્ટ
આ સિવાય ટાટાની જ્વેલરી બ્રાન્ડ તનિષ્ક (Tanishq Akshaya Tritiya 2023 Offers) અખાત્રીજ પર ગ્રાહકોને મેકિંગ ચાર્જ પર 25 ટકા સુધીનું ડિસ્કાઉન્ટ આપી રહી છે. તમે આ ઓફરનો લાભ 14 એપ્રિલથી 24 એપ્રિલ સુધી ઉઠાવી શકો છો. પીસી ચંદ્રા જ્વેલર્સ (PC Chandra Jewellers Akshaya Tritiya 2023 Offers)જ્વેલરી મેકિંગ ચાર્જ પર 15 ટકા સુધીનું ડિસ્કાઉન્ટ આપી રહ્યું છે. આ ઓફર તમે 23 એપ્રિલ સુધી ઉઠાવી શકો છો. તમે આ ઓફરમાં સસ્તા ભાવમાં સોનાની ખરીદી કરી શકો છો. 
 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube