PF ખાતા ધારકો માટે સૌથી મહત્ત્વના સમાચાર, ઝડપથી પુરી કરો EPFO એ જણાવેલી આ કામગીરી

નવી દિલ્લીઃ સેન્ટ્રલ પ્રોવિડન્ટ ફંડ ઓર્ગેનાઈઝેશને (EPFO) તેના ગ્રાહકોને ઘણી સુવિધાઓ પૂરી પાડે છે. આજકાલ, EPFOના સબસ્ક્રાઇબર્સ સંબંધિત તમામ કામ ઓનલાઈન થઈ શકે છે. તેવી જ રીતે તેની ઈ-નોમિનેશન સેવા પણ ઓનલાઈન કરી શકાય છે. આ માટે તમે ઘરે બેઠા EPFOની વેબસાઈટ પર આ કામ સરળતાથી કરી શકો છો. જો તમે EPFOની તમામ સુવિધાઓનો લાભ લેવા માંગતા હોવ તો તમારે તમારું નોમિનેશન કરવું પડશે. આ માટે તમારે EPFO ઓફિસ જવાની જરૂર નથી. આજે અમે તમને ઘરે બેઠા ઈ-નોમિનેશન કેવી રીતે કરવું તે જણાવવા જઈ રહ્યા છીએ.

EPFOએ ટ્વીટ કરીને માહિતી આપી-
EPFOએ તેના અધિકૃત ટ્વીટર હેન્ડલ પરથી એક ટ્વીટ કરીને તેના સબસ્ક્રાઈબર્સને આ અંગેની જાણકારી પણ આપી છે. EPFOએ આ ટ્વિટમાં લખ્યું છે કે, 'EPF સભ્યો વર્તમાન EPF/EPS નોમિનેશનને બદલવા માટે નવું નોમિનેશન ફાઇલ કરી શકે છે. નવીનતમ PF નોમિનેશનમાં ઉલ્લેખિત નોમિનીનું નામ અંતિમ માનવામાં આવશે, જ્યારે એકાઉન્ટ ધારક થકી નવેસરથી નોમિનેશન કર્યા પછી, અગાઉનું નોમિનેશન રદ કરવામાં આવશે. ચાલો આખી પ્રક્રિયાની સ્ટેપ બાય સ્ટેપ જાણીએ.

સ્ટેપ-
1. સૌથી પહેલા તમારે EPFOની વેબસાઈટ (https://www.epfindia.gov.in/site_en/index.php) પર જવું પડશે અને સર્વિસના વિકલ્પ પર ક્લિક કરવું પડશે.
2. બાદમાં કર્મચારીઓ માટેના વિભાગ પર ક્લિક કરો. રીડાયરેક્ટ થયા પછી, તમારે મેમ્બર UAN/ઓનલાઈન સર્વિસ વિકલ્પ પર ક્લિક કરવું પડશે.
3. આ પછી સબસ્ક્રાઇબરને ઓફિશિયલ મેમ્બર e-SEWA પોર્ટલ પર રીડાયરેક્ટ કરવામાં આવશે, જ્યાં UAN અને પાસવર્ડની મદદથી લોગ ઇન કરવું.
4. આ પછી ડ્રોપ ડાઉન મેનૂમાં મેનેજ ટેબ પર જાઓ અને ઇ-નોમિનેશન પસંદ કરો. આમાં હા વિકલ્પ પસંદ કરો અને કુટુંબ ઘોષણા અપડેટ કરો.
5. કૌટુંબિક વિગતો ઉમેરો પર ક્લિક કરો અને નોમિનેશન વિગતો પસંદ કરો જેમાંથી તમે શેર કરવાની કુલ રકમ જાહેર કરી શકો છો.
6. આ પછી સેવ EPF નોમિનેશન પર ક્લિક કરો. પછીના પેજ પર ગયા પછી, e-sign વિકલ્પ પર ક્લિક કરો.
7. તમારા આધાર કાર્ડ સાથે જોડાયેલા મોબાઈલ નંબર પર OTP મોકલવામાં આવશે, ત્યારબાદ આ પ્રક્રિયા પૂર્ણ થશે.