సంక్రాంతి స్పెషల్ నోరూరించే మైసూర్ పాక్ రెసిపీ.. తయారీ చాలా సులభం..

మైసూర్ పాక్ అంటే ఇష్టపడని వారు ఉండరు. అందరూ ఎంతో ఇష్టపడి మరీ తింటూ ఉంటారు.

సంక్రాంతి సందర్భంగా ఆంధ్రప్రదేశ్లోని చాలామంది ఈ స్వీట్ ను ఎక్కువగా తయారుచేసుకొని తింటూ ఉంటారు.

ముఖ్యంగా పిల్లలు ఎక్కువగా ఈ స్వీట్ ను తినేందుకు ఆసక్తి చూపుతూ ఉంటారు.

మైసూర్ పాక్ ను వివిధ పద్ధతుల్లో తయారు చేసుకుంటారు. ఈరోజు మనం సులభమైన పద్ధతిలో ఎలా తయారు చేసుకోవాలో ఇప్పుడు తెలుసుకుందాం..

మైసూర్ పాక్ కు కావలసిన పదార్థాలు: శనగపిండి - 1 కప్పు, పంచదార - 2 కప్పులు, నీరు - 3/4 కప్పు, నెయ్యి - 1 కప్పు, నూనె - 1 కప్పు, యాలక పొడి - 1/4 టీస్పూన్

తయారీ విధానం: ఈ మైసూర్ పాక్ ను తయారు చేసుకోవడానికి ముందుగా స్టవ్ పై ఒక బౌల్ పెట్టుకొని అందులో శనగపిండిని వేసి నెమ్మదిగా కలుపుతూ వేయించుకోండి.

ఇలా వేయించుకున్న తర్వాత శెనగపిండిని పక్కకు పెట్టుకొని.. అదే పాత్రలో తగినంత పంచదార వేసుకొని తీగ పాకం వచ్చేంతవరకు కలుపుతూ ఉండండి.

పాకం వచ్చిన తర్వాత తగినంత నెయ్యి వేసుకొని మరికొద్ది సేపు కలుపుకోండి. చివరగా ఇందులో శెనగపిండిని వేసుకుని, నెమ్మదిగా వేడి మీద కాగుతున్న నెయ్యిని పోసుకుంటూ కలుపుకోండి.

ఇలా నెయ్యిని పోసుకుంటూ కలుపుకొని ఒక ట్రే తీసుకొని అందులో ఈ మిశ్రమాన్ని పోసుకొని ముక్కలుగా కట్ చేసుకోవాల్సి ఉంటుంది.

మిశ్రమం బాగా ఆరిన తర్వాత చిన్న చిన్న కట్ చేసిన ముక్కలు ఒక్కొక్కటిగా తీసుకుంటూ గాజు సీసాలో భద్రపరుచుకోండి.