தளபதி விஜய் நடித்துள்ள லியோ படம் அக்டோபர் 19-ந் தேதி பல பிரச்சனைகளுக்கு பிறகு திரையரங்கில் வெளியானது.
விஜய் படம் என்பதால் போட்டியாக வேறு எந்த தமிழ் படமும் ரிலீஸ் ஆகவில்லை. இதனால் தமிழ்நாட்டில் உள்ள அனைத்து திரையரங்குகளிலும் லியோ வெளியானது.
இரண்டாவது வாரத்திலும் லியோ படம் வெற்றிநடை போடுவதால், இந்த வாரம் புதிய படங்கள் வெளியாகவில்லை.
இந்த வாரம் பாரதிராஜாவின் மகன் மனோஜ் பாரதிராஜா இயக்கிய மார்கழி திங்கள் படம் மட்டும் திரையரங்குகளில் வெளியாகிறது.
விக்னேஷ் சிவனும் நயன்தாராவும் இணைந்து தயாரித்த கூழாங்கல் படம் சோனி லிவ் ஓடிடி தளத்தில் அக்டோபர் 27-ந் தேதி வெளியாகிறது.
மேலும் யாரோ திரைப்படம் நேரடியாக ஆஹா ஓடிடி தளத்தில் வெளியாக உள்ளது.
பி.வாசு இயக்கத்தில் ராகவா லாரன்ஸ் நடித்த சந்திரமுகி 2 திரைப்படம் அக்டோபர் 26-ந் தேதி நெட்பிளிக்ஸ் ஓடிடி தளத்தில் வெளியாகி உள்ளது.
ஜெயம் ரவி, நயன்தாரா நடித்த இறைவன் படம் நெட்பிளிக்ஸில் ரிலீஸ் ஆகி உள்ளது.
சரத்குமார் மற்றும் அமிதாஷ் நடித்த பரம்பொருள் படம் இந்த வாரம் ஓடிடியில் வெளியாக உள்ளது.