இந்திய அளவில் மிக அதிக முக்கியத்துவம் வாய்ந்த மாநிலமாக உத்தர பிரதேசம் உள்ளது.
ஒவ்வொரு நாடாளுமன்ற தேர்தலிலும் உத்தர பிரதேசத்தின் தாக்கமும் பங்களிப்பும் அதிகமாக இருக்கும்.
2014 மற்றும் 2019 ஆம் ஆண்டுகளில் நடந்த மக்களவைத் தேர்தல்களில் உத்தர பிரதேசத்தில் பாஜக அமோகமாக வெற்றி பெற்றது.
2024 தேர்தலிலும் அதே போக்கு தொடரும் என பாஜக எண்ணியிருந்த நிலையில், எக்சிட் போல் முடிவுகளும் அதையே காட்டின,
ஆனால், இன்று காலை முதல் வரும் போக்குகள் தலைகீழாக உள்ளன. காலை முதலே, உத்தர பிரதேசத்தில் காங்கிரஸ், சமாஜ்வாதி கட்சி அங்கம் வகிக்கும் இந்தியா கூட்டணி பாஜக-வை பின்னுக்குத் தள்ளி முன்னிலையில் உள்ளது.
உத்தர பிரதேசத்தில் பாஜக-வுக்கு ஏற்பட்டுள்ள பின்னடைவு பாஜக-வை ஆட்டம் காண வைத்துள்ளது.
சமீபத்திய தேர்தல் ஆணைய தரவுகளின் படி, உத்தர பிரதேசத்தில் பாஜக 33 தொகுதிகளிலும், காங்கிரஸ் 7 தொகுதிகளிலும், சமாஜ்வாதி கட்சி 36 தொகுதிகளிலும் முன்னிலையில் உள்ளன.