பிரதமர் பதவிக்கு காய் நகர்த்துகிறாரா நிதீஷ் குமார்..!!

2024ம் ஆண்டிற்கான மக்களவைத் தேர்தல் 7 கட்டங்களாக நடைபெற்ற நிலையில், இன்று வாக்குகள் எண்ணப்படுகின்றன.

சமீபத்திய முன்னிலை நிலவரங்கள் பாஜக தலைமையிலான தேசிய ஜனநாயக கூட்டணிக்கு அதிர்ச்சியை ஏற்படுத்தியுள்ளன என கூற வேண்டும்.

எளிதில் பெரும்பான்மை வலுவை எட்டுவோம் என்று பாஜக கூறி வந்த நிலையில், பாஜவும் அதன் கூட்டணி கட்சிகளும் இணைந்து பெரும்பான்மைக்கு தேவையான இடங்களை மட்டுமே பெறும் நிலையில் உள்ளது.

பாஜக கூட்டணி கட்சிகளுடன் இணைந்தே பெரும்பான்மை வலு பெரும் நிலையில் உள்ளது. மாலை வரை இதே நிலை நீடித்தால் பாரதிய ஜனதா கூட்டணி ஆட்சி அமைக்கலாம்.

மத்தியில் யார் ஆட்சி அமைக்கப் போகிறார்கள் என்ற எதிர்பார்ப்பு எழுந்துள்ள நிலையில், நிதீஷ் குமாருடன் எதிர் கட்சித் தலைவர்கள் தொடர்பு கொண்டிருப்பாதாக தகவல் வெளியாகியுள்ளது.

சந்திரபாபு நாயுடுவின் நிதீஷ் குமாரையும் காங்கிரஸ் தேசியத் தலைவர் கார்கே மற்றும் மேற்குவங்க முதலமைச்சர் மம்தா பானர்ஜி தொடர்பு கொண்டு பேசியதாக தகவல் வெளியாகியுள்ளது.

அதோடு, நிதிஷ் குமார் அனுபவம் மிக்க அரசியல்வாதி. நிதிஷ் குமார் பிரதமராக வேண்டும் என்று மக்கள் விரும்புகிறார்கள் என நிதிஷ் குமார் கட்சி எம்.எல்.சி காலித் அன்வர் கூறியுள்ளார்.