ஐடிஆர் தாக்கல் செய்வதால் நமக்கு கிடைக்கக்கூடிய முக்கிய நன்மைகள் பற்றி இந்த பதிவில் காணலாம்.
வருமானம் மற்றும் நிதிநிலையின் சான்றாகவும் ஐடிஆர் பயன்படுகின்றது. ஆதார் அட்டைக்கு விண்ணப்பிக்கும் போது அடையாளச் சான்றாகவும் இது பயன்படுகிறது.
கூடுதல் வரியை கட்டும்போது, ரீஃபண்டை பெற, ஐடிஆர் தாக்கல் செய்வது அவசியமாகின்றது. இதன் மூலம் கூடுதலாக நாம் செலுத்திய வரியை சரியான முறையில் திரும்பப்பெற முடியும்.
தெளிவான மற்றும் எந்த வித சட்ட மீறல்களும் இல்லாத நிதி பதிவை பராமரிக்க சரியான நேரத்தில் வருமான வரி கணக்கை தாக்கல் செய்வது அவசியமாகும்.
கடன்கள் மற்றும் விசா விண்ணப்பத்திற்கு ஐடிஆர் தாக்கல் மிக முக்கியமாகும். வங்கிகள் வருமான ஆதாரமாக ஐடிஆர் -ஐ கோருகின்றன. இது கடன் கிடைப்பதற்கான சாத்தியக்கூறுகளை அதிகமாக்குகின்றது.
தொடர்ந்து ஐடிஆர் தாக்கல் செய்வது அரசாங்க டெண்ட்ர்களளின் ஏலத்தில் பங்கு கொள்ளவும், நிதி ஸ்திரத்தன்மை மற்றும் சட்ட இணக்கத்தை நிரூபிக்கவும் உதவுகின்றது.
தொடர்ந்து ஐடிஆர் தாக்கல் செய்வது நமது க்ரெடிட் ப்ரொஃபைலை மேம்படுத்துகின்றது.
ஐடிஆர் தாக்கல் செய்வது அந்த ஆண்டின் இழப்புகளை அடுத்த ஆண்டுகளுக்கு கொண்டு செல்ல உதவும். இது வர்த்தகர்களுக்கும், அதிக முதலீடு செய்யும் தனு நபர்களுக்கும் பயன்படும்.
ஜூலை 31 ஐடிஆர் தாக்கல் செய்வதற்கான கடைசி தேதியாகும். அதன் பிறகு தாக்கல் செய்தால் அபராதத்துடன் இதை தாக்கல் செய்ய வேண்டும்.