जगात 5440000000 लोक वापरतात इंटरनेट; दिवसभरातील किती तास मोबाईलवर असतात पाहिलं का?

इंटरनेट वापरणाऱ्यांची टक्केवारी किती?

जगाची एकूण लोकसंख्या 800 कोटींहून अधिक आहे. त्यापैकी 67 टक्के लोक इंटरनेट वापरतात.

किती लोक नेट वापरतात?

म्हणजेच जगभरातील 544 कोटी म्हणजेच 5440000000 लोक इंटरनेटचा वापर करतात, असं 'डेटा रिपोर्ट एआय डॉटकॉम'वरील आकडेवारीमध्ये म्हटलं आहे. ही आकडेवारी एप्रिल 2024 ची आहे.

वर्षभरात जवळपास 80 कोटी युझर्स

मागील वर्षभरामध्ये इंटरनेट वापरणाऱ्यांमध्ये 3.4 टक्क्यांनी वाढ झाली आहे. म्हणजेच वर्षभरात 17.8 कोटी लोक नव्याने इंटरनेटला जोडले गेले.

णहिलांचं प्रमाण किती?

जगातील एकूण महिला लोकसंख्येपैकी 64.4 टक्के महिला इंटरनेट वापरतात. पुरुषांचा विचार केला तर हीच आकडेवारी 69.8 टक्के इतकी आहे.

दिवसातील किती वेळ इंटरनेटवर असतात?

जगभरातील इंटरनेट वापरकर्त्यांचा विचार केल्यास सरासरी प्रत्येक व्यक्ती दिवसातील 6 तास 35 मिनिटं इंटरनेट वापरतो. यामध्ये कामाच्या वेळेच्या तासांचाही समावेश आहे.

मोबाईलवरुन इंटरनेट वापरणारे किती अन् लॅपटॉपवर लॉगइन करणारे किती?

जगातील एकूण इंटरनेट युझर्सपैकी 96.3 टक्के युझर्स हे मोबाईलवरचे आहेत. तर लॅपटॉप किंवा पीसीवरुन नेट वापरणाऱ्यांची संख्या 62.2 टक्के इतकी आहे.

शहरी आणि ग्रामीण भागात किती फरक?

जगभरातील शहरी भागामधील 79.9 टक्के लोक इंटरनेट वापरतात. ग्रामीण भागात हेच प्रमाणे 49.6 टक्के इतकं आहे.