गुगलच्या एका जुन्या इव्हेंटचा व्हिडीओ सध्या व्हायरल होतोय ज्यामध्ये गुगलचे सीईओ सुंदर पिचाई यांनी Google AI बद्दल माहिती दिली आहे.
सुंदर पिचाई यांनी सांगितले की, गुगल एआयचे सखोल विश्लेषणाचा वापर करून डोळ्याच्या रेटिनाचे स्कॅनिंग करून अनेक आजारांचा शोध घेतला जाईल.
या फिचरचा वापर करुन आजारांचा अंदाज लावता येणार आहे. मात्र त्यासाठी रक्ताचा नमुना किंवा चिरफाड करावी लागणार नाही.
आता फक्त डोळा स्कॅन करूनच अनेक आजार ओळखता येणार आहेत. ज्यासाठी सीटी स्कॅन, एमआरआय आणि एक्सरे इत्यादींचा वापर करण्याची गरज नसणार आहे.
रेटिनल स्कॅनमुळे वय, Biological Sex, धूम्रपानाची सवय, मधुमेह, बीएमआय आणि रक्तदाब याविषयी माहिती मिळणार आहे.
यामध्ये प्रत्येक माहितीमध्ये दोन पर्याय दिले जाणार आहेत, त्यापैकी एकात अंदाज आणि दुसऱ्यामध्ये वास्तविक स्थितीची माहिती मिळणार आहे.
Google AI मुळे फक्त एक डॉक्टर अनेक वैद्यकीय अहवालांचे विश्लेषण करू शकेल.
24 तास किंवा 48 तासांनंतर रुग्णाची स्थिती काय असू शकते याचा अंदाज देखील डॉक्टरांना मिळणार आहे. अशा स्थितीत रुग्णावर काय उपचार करायचे आहेत ते लवकर कळू शकेल (सर्व फोटो - Freepik.com)