भारताचा स्टार क्रिकेटपटू विरोट कोहली जगभरात लोकप्रिय आहे. मैदानावर त्याने अनेक विक्रम आपल्या नावावर केले आहेत.
आता मैदानाबाहेरही त्याच्या नावावर एक मोठा विक्रम जमा झाला आहे. कमाईच्याबाबतीत कोहलीने 1 हजार कोटींचा टप्पा पार केला आहे.
कमाईच्या बाबतीत विराट कोहलीने अनेक आंतरराष्ट्रीय क्रिकेटर्सना मागे टाकलं आहे. विराटची एकूण संपत्ती आता 1050 इतकी झाली आहे.
इंस्टाग्रामवरही विराट प्रचंड लोकप्रिय आहे. इन्स्टावर त्याचे जवळपास 2.5 मिलिअनहून अधिक फॉलोअर्स आहेत.
स्टॉक ग्रोने दिलेल्या आकडेवारीनुसार क्रिकेटर्सच्या यादीत विराट कोहलीची कमाई सर्वाधिक आहे.
बीसीसीआयच्या वार्षिक करारानुसार विराट कोहली ए+ श्रेणीत येतो. या श्रेणीतील खेळाडूंना वर्षाला 7 कोटी रुपये मिळतात.
याशिवाय प्रत्येक कसोटी सामन्यासाठी 15 लाख, एकदिवसीय सामन्यासाठी 6 लाख, तर टी-20 सामन्यासाठी 3 लाख रुपये मिळतात.
आयपीएलमध्ये विराट आरसीबी संघाकडून खेळतो आणि त्याची वार्षिक कमाई 15 कोटी रुपये इतकी आहे.
क्रिकेट व्यतिरिक्त विराट तब्बल 18 कंपन्यांचा ब्रँड अॅम्बेसेडर आहे. जाहिरातीच्या माध्यमातून त्याला कोट्यवधी रुपये मिळतात.
प्रत्येक जाहीरातीसाठी विरोट 7.50 ते 10 कोटी रुपये मानधन घेतो. क्रीडा आणि बॉलिवूड क्षेत्रात जाहीरातीसाठी तो सर्वाधिक मानधन घेणारा सेलिब्रेटी आहे.
याशिवाय सात स्टार्ट-अप कंपन्यांमध्ये त्याने गुंतवणूक केली आहे. यात ब्ल्यू ट्राइब, युनिव्हर्सल स्पोर्ट्सबिज, एमपीएल, स्पोर्ट्स कॉन्वो या कंपन्यांचा समावेश आहे.
इन्स्टाग्राम आणि ट्विटरवर प्रत्येक पोस्टसाठी विराट 8.9 आणि 2.5 कोटी रुपये घेतो. मुंबई आणि गुरुग्राममध्ये त्याचे अलिशान बंगले आहेत.