घरात एकच टॉवेल सगळे वापरतात? थांबा, तुम्ही आजारांच्या कचाट्यात सापडताय
तुम्हीही घरात दोघात एक किंवा अशा पद्धतीनं घाईघाईतच दुसऱ्यानं वापरेला टॉवेल वापरता का? लक्षात ठेवा तुम्ही मोठी चूक करत आहात.
अनेक निरीक्षणं आणि अभ्यासातून समोर आलेल्या माहितीनुसार घरातील टॉवेलमध्ये अनेक सूक्ष्म जीवजंतूंचा वावर असू शकतो.
सहसा अनेक घरांमध्ये एकच टॉवेल हातपाय पुसण्यासाठी किंवा तत्सम कारणांसाठी वापरला जातो. बऱ्याचदा दोन दिवस तो स्वच्छही केला जात नाही.
टॉवेल स्वच्छ न केल्यास अनेकदा आपण आणि कुटुंबीय स्वत:च आजारपणाच्या दिशेनं पुढे जात असतो.
अस्वच्छ आणि एकच टॉवेल सातत्यानं वापरत राहिल्यास त्यामुळं त्वचाविकार, फूड पॉईझनिंग अशा समस्या होऊ शकतात.
टॉवेल वापरून झाल्यानंतर तो सर्वप्रथम पूर्णपणे कोरडा करण्यावर भर द्या. शक्य असल्यास टॉवेल प्रखर सुर्यप्रकाशात कोरडा करा.
शक्य असल्यास वापरानंतर टॉवेल धुण्यासाठी टाका. इतरांनी वापरलेला टॉवेल न वापरण्यालाच प्राधान्य द्या.
ओलसर टॉवेल चुकूनही वापरू नका. टॉवेल पूर्णपणे कोरडा झाल्यानंतरच तो घडी घालून खणात ठेवा. या सवयी लहानसहान असल्या तरीही त्याचे परिणाम मात्र हितकारक आहेत हे विसरू नका.