बॉलिवूड आणि मराठी चित्रपट सृष्टीतील अभिनेता रितेश देशमुख हा सध्या 'मराठी बिगबॉस ५' मुळे अधिक चर्चेत आहे. रितेश यंदा बिगबॉस मराठीचं होस्टिंग करत असून त्याचा विकेंडला येणारा 'भाऊचा धक्का' टीआरपीचे रेकॉर्डस् मोडत आहे.
रितेश देशमुखचे फॅन्स त्याच्या वैयक्तिक आयुष्याबद्दल जाणून घेण्यास खूप उत्सुक असतात. तेव्हा आज रितेश देशमुख याच्या बहिणीबद्दल जाणून घेऊयात.
रितेश देशमुख हा महाराष्ट्राचे माजी मुख्यमंत्री विलासराव देशमुख यांचा मुलगा आहे. रितेशला सख्खे दोन भाऊ अमित आणि धीरज हे दोघे सध्या विधानसभेवर आमदार आहेत.
रितेश याला सख्खी बहीण नाही, परंतू त्याचे सख्खे काका म्हणजेच विलासरावांचे बंधू दिलीपराव देशमुख यांची कन्या गौरवी हिच्यावर रितेश सख्ख्या बहिणीप्रमाणेच प्रेम करतो असे स्वतः त्याने एका मुलाखतीत सांगितले होते.
गौरवी देशमुख या उच्च शिक्षित असून ती जागृती साखर कारखान्याची चेअरपर्सन आहे. गौरवी यांचे लग्न कराडमधील राजकारणी आणि सध्या भाजपमध्ये असलेले अतुल देशमुख यांच्याशी झाले.
गौरवी आणि अतुल यांचे लग्न हे पुण्यातील आलिशान हॉटेलमध्ये झाले होते. या लग्नात गौरवी यांच्या भावाची सर्व कर्तव्य ही रितेश आणि त्याचे दोन भाऊ अमित आणि धीरज यांनी पार पाडली.
गौरवी या दिसायला खूपच सुंदर असून त्या सामाजिक कार्यात सुद्धा पुढे असतात. गौरवी सामाजिक कार्यांबाबत सभांमधून बोलून युवकांना देखील प्रेरणा देताना दिसतात.
गौरवी यांचा वाढदिवस 29 ऑगस्ट रोजी असून या निमित्ताने रितेश आणि त्याच्या भावांनी गौरवी हिला वाढदिवसाच्या शुभेच्छा दिल्या आहेत.