अभिनेत्री प्राजक्ता माळी विजयादशमीच्या औचित्याने राष्ट्रीय स्वयंसेवक संघाच्या मंचावर दिसली.

केंद्रीय मंत्री नितीन गडकरी यांच्यासोबत कार्यक्रमानिमित्त एका मंचावर उपस्थित राहण्याचा योग जुळून येता येता राहिल्याचे तिने सांगितले.

सहज शक्य झालं तर मला त्यांना भेटायला खूप आवडेल असं प्राजक्ताने आयोजकांना सांगितलं आणि नितीनजींनी तात्काळ वेळ दिला.

नवमीला नितीजींच्या निवासस्थानी ही ‘ग्रेट भेट’ झाली. त्यांच्या संपूर्ण परिवारालाही भेटता आल्याचे ती सांगते.

‘महाराष्ट्राची हास्यजत्रा, माझे आगामी projects, श्री श्री रविशंकरजी, प्राजक्तराज, समृद्धी महामार्ग’ .. अशा अनेक विषयांवर अर्ध्या तासाहून अधिक वेळ गप्पा झाल्या.

‘श्री श्रींचं माझ्यावर पुत्रवत प्रेम आहे आणि आम्ही तुमची हास्यजत्रा रोज बघतो’ असं गडकरींनी यावेळी सांगितलं. हे ऐकून आनंद झाल्याचे ती सांगते.

निघताना गडकरींनी त्यांच्या घरच्या देवीचं दर्शन घ्यायला लावलं.

त्यांच्या कामावर लिहीली गेलेली 8-9 पुस्तकं दिली. नैसर्गिक कापसापासून बनवलेली खादी साडी दिल्याचे प्राजक्ता सांगते.

ही साडी मी लगेच दुसऱ्या दिवशी विजयादशमी उत्सवात नेसल्याचेही ती सांगते.

ही भेट आयुष्यभर स्मरणात राहील. या भेटीसाठी वेळ दिल्याबद्दल प्राजक्ताने नितीन गडकरी यांचे मनापासून आभार मानले.