छोट्या पडद्याच्या विश्वामधून एक वाईट बातमी समोर येत आहे. एजाज खान आणि पवित्रा पुनिया यांचं नातं संपुष्टात येण्याची चर्चा आहे.
एजाज खान आणि पवित्रा पुनिया यांच्या नात्याची वाटचाल ब्रेकअपच्या दिशेने सुरु असल्याचं वृत्त 'टाइम्स नाऊ'ने दिलं आहे.
सध्या एजाज खान आणि पवित्रा पुनिया एकत्र राहत असले तरी नातेसंबंधांमध्ये निर्माण झालेला तणाव कसा कमी करता येईल यासंदर्भात त्यांचे प्रयत्न सुरु असल्याचे समजते.
एजाज खान आणि पवित्रा पुनिया मागील 3 वर्षांपासून मुंबईतील मालाडमध्ये एकत्र राहतात. दोघेही अजून वेगळे झालेले नाहीत मात्र त्यांच्या नात्यात मिठाचा खडा पडलाय हे निश्चित.
सूत्रांनी दिलेल्या माहितीनुसार, एजाज खान आणि पवित्रा पुनिया त्यांच्यातील वाद मिटवण्याचा प्रयत्न करत आहेत. मात्र यामध्येही दोघांचे बरेच मतभेद आहेत.
एजाज खान आणि पवित्रा पुनियाने नात्यातील या गोंधळावर कोणतीही प्रतिक्रिया नोंदवलेली नसली तरी दोघांचे प्रयत्न नातं पूर्वव्रत करण्याचे आहेत.
बिग बॉस 14 मध्ये एजाज आणि पवित्राची जोडी तयार झाली होती. कार्यक्रमात एकमेकांशी भांडताना ते प्रेमात पडले होते. कार्यक्रमातून बाहेर पडल्यावर त्यांनी नात्याची औपचारिक घोषणा केलेली.
एजाज आणि पवित्रा दोघे फार आनंदाने एकत्र लिव्ह-इनमध्ये राहत होते. त्यांचा लग्नाचाही विचार होता. संपूर्ण कुटुंब लग्नाला यावं अशी एजाजची इच्छा आहे.
पवित्रालाही वयाने 11 वर्षांनी मोठा असलेल्या एजाजबरोबरच्या नात्याला नवं नाव देण्याची इच्छा होती. मात्र अचानक या दोघांमध्ये मतभेद वाढले असून याचा चाहत्यांना मोठा धक्का बसला आहे.
एजाज आणि पवित्रामधील हा वाद लवकरच संपावा आणि त्यांनी लग्नबंधनात अडकावे अशी चाहत्यांची इच्छा आहे. आता या दोघांचं पुढे काय होणार याचं उत्तर काळच देईल.