PF Withdrawal Rule: ਹੁਣ ਏਟੀਐਮ ਰਾਹੀਂ ਕਢਵਾ ਸਕੋਗੇ ਪੀਐਫ ਦੇ ਪੈਸੇ; ਸਰਕਾਰ ਪੁੱਟ ਰਹੀ ਵੱਡਾ ਕਦਮ

PF Withdrawal Rule: EPFO ਨੇ ਆਪਣੇ ਕਰੋੜਾਂ ਮੈਂਬਰਾਂ ਲਈ ਵੱਡੀ ਖੁਸ਼ਖਬਰੀ ਦਿੱਤੀ ਹੈ। ਹੁਣ ਤੁਹਾਨੂੰ ਆਪਣੇ PF ਦੇ ਖਾਤੇ ਵਿੱਚੋਂ ਪੈਸੇ ਕਢਵਾਉਣ ਲਈ ਲੰਬੀ ਪ੍ਰਕਿਰਿਆਵਾਂ ਵਿੱਚੋਂ ਨਹੀਂ ਲੰਘਣਾ ਪਵੇਗਾ। ਜਲਦੀ ਹੀ ਤੁਸੀਂ ਆਪਣੇ PF ਦੇ ਪੈਸੇ ਸਿੱਧੇ ATM ਤੋਂ ਕਢਵਾ ਸਕੋਗੇ। ਆਓ ਜਾਣਦੇ ਹਾਂ ਇਸ ਨਵੇਂ ਬਦਲਾਅ ਬਾਰੇ ਵਿਸਥਾਰ ਨਾਲ।

ਈਪੀਐਫਓ ਦੇ ਅਨੁਸਾਰ, ਗਾਹਕ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਆਪਣੇ ਪ੍ਰੋਵੀਡੈਂਟ ਫੰਡ ਜਾਂ ਪੀਐਫ ਖਾਤੇ ਤੋਂ ਸਿੱਧੇ ਏਟੀਐਮ ਤੋਂ ਪੈਸੇ ਕਢਵਾਉਣ ਦੀ ਉਮੀਦ ਕਰ ਸਕਦੇ ਹਨ, ਕਿਉਂਕਿ ਕਿਰਤ ਮੰਤਰਾਲਾ ਪੈਸੇ ਕਢਵਾਉਣ ਦੀ ਸਹੂਲਤ ਲਈ ਡੈਬਿਟ ਕਾਰਡ ਵਰਗਾ ਸਪੈਸ਼ਲ ਕਾਰਡ ਜਾਰੀ ਕਰਨ 'ਤੇ ਕੰਮ ਕਰ ਰਿਹਾ ਹੈ। ਧਿਆਨਯੋਗ ਹੈ ਕਿ ਮੌਜੂਦਾ ਸਮੇਂ ਵਿੱਚ EPFO ​​ਮੈਂਬਰਾਂ ਨੂੰ ਖਾਤੇ ਨਾਲ ਜੁੜੇ ਬੈਂਕ ਖਾਤੇ ਵਿੱਚ ਕਢਵਾਈ ਗਈ ਰਕਮ ਜਮ੍ਹਾਂ ਕਰਾਉਣ ਲਈ ਸੱਤ ਤੋਂ 10 ਦਿਨਾਂ ਤੱਕ ਇੰਤਜ਼ਾਰ ਕਰਨਾ ਪੈਂਦਾ ਹੈ। ਯਾਨੀ ਨਵੀਂ ਸਹੂਲਤ ਨਾਲ ਇਹ ਉਡੀਕ ਖਤਮ ਹੋ ਜਾਵੇਗੀ।

ਹੁਣ ਤਕ ਜੇਕਰ ਅਸੀਂ EPFO ​​ਤੋਂ ਪੈਸੇ ਕਢਵਾਉਣ ਦੇ ਨਿਯਮਾਂ 'ਤੇ ਨਜ਼ਰ ਮਾਰਦੇ ਹਾਂ, ਤਾਂ ਤੁਹਾਨੂੰ ਨੌਕਰੀ 'ਤੇ ਹੋਣ ਦੌਰਾਨ PF ਫੰਡ ਅੰਸ਼ਕ ਜਾਂ ਪੂਰੀ ਤਰ੍ਹਾਂ ਕਢਵਾਉਣ ਦੀ ਇਜਾਜ਼ਤ ਨਹੀਂ ਹੈ। ਜੇਕਰ ਤੁਸੀਂ ਘੱਟੋ-ਘੱਟ ਇੱਕ ਮਹੀਨੇ ਤੋਂ ਬੇਰੁਜ਼ਗਾਰ ਹੋ, ਤਾਂ ਤੁਸੀਂ ਆਪਣੇ PF ਬੈਲੇਂਸ ਦਾ 75% ਤੱਕ ਕਢਵਾ ਸਕਦੇ ਹੋ। ਦੋ ਮਹੀਨਿਆਂ ਦੀ ਬੇਰੁਜ਼ਗਾਰੀ ਤੋਂ ਬਾਅਦ, ਤੁਸੀਂ ਪੂਰੀ ਰਕਮ ਕਢਵਾਉਣ ਦੇ ਯੋਗ ਹੋ। ਪਰ ਨਵੀਂ ਸੇਵਾ ਦੇ ਜ਼ਰੀਏ, ਪੀਐਫ ਕਢਵਾਉਣ ਦੀ ਪ੍ਰਕਿਰਿਆ ਬਹੁਤ ਆਸਾਨ ਹੋ ਜਾਵੇਗੀ, ਜਿਵੇਂ ਕਿ ਬੈਂਕ ਖਾਤੇ ਦੇ ਏਟੀਐਮ ਤੋਂ ਪੈਸੇ ਕਢਵਾਉਣਾ।

ਇਹ ਸਹੂਲਤ ਜਨਵਰੀ 2025 ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਈਪੀਐਫਓ ਆਪਣੀ ਆਈਟੀ ਪ੍ਰਣਾਲੀ ਨੂੰ ਉੱਨਤ ਬਣਾ ਰਿਹਾ ਹੈ, ਜਿਸ ਨਾਲ ਪੀਐਫ ਦਾਅਵੇਦਾਰਾਂ ਅਤੇ ਲਾਭਪਾਤਰੀਆਂ ਨੂੰ ਘੱਟੋ-ਘੱਟ ਮਨੁੱਖੀ ਦਖਲਅੰਦਾਜ਼ੀ ਨਾਲ ਆਪਣੀ ਜਮ੍ਹਾਂ ਰਕਮ ਵਾਪਸ ਲੈਣ ਦਾ ਮੌਕਾ ਮਿਲੇਗਾ। ਜਨਵਰੀ 2025 ਤੋਂ, ਪੀਐਫ ਕਢਵਾਉਣ ਲਈ ਇੱਕ ਸਪੈਸ਼ਲ ਕਾਰਡ ਜਾਰੀ ਕੀਤਾ ਜਾਵੇਗਾ। ਇਸ ਕਾਰਡ ਰਾਹੀਂ ਮੈਂਬਰ ਏਟੀਐਮ ਦੀ ਵਰਤੋਂ ਕਰਕੇ ਆਪਣੇ ਖਾਤੇ ਤੋਂ ਸਿੱਧੇ ਪੈਸੇ ਕਢਵਾ ਸਕਣਗੇ।