Stock Market Crash:ਪੱਛਮੀ ਏਸ਼ੀਆ 'ਚ ਤਣਾਅ ਕਾਰਨ ਸ਼ੇਅਰ ਬਾਜ਼ਾਰ ਟੁੱਟਿਆ; ਸੈਂਸੈਕਸ 995 ਅੰਕ ਡਿੱਗਾ

Stock Market Crash: ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਭਾਰੀ ਗਿਰਾਵਟ ਨਾਲ ਹੋਈ ਹੈ ਤੇ ਈਰਾਨ-ਇਜ਼ਰਾਈਲ ਤਣਾਅ ਦੇ ਪ੍ਰਭਾਵ ਕਾਰਨ ਸ਼ੇਅਰ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। BSE ਸੈਂਸੈਕਸ 1264.20 ਅੰਕ ਜਾਂ 1.50 ਫੀਸਦੀ ਡਿੱਗ ਕੇ 83,002.09 'ਤੇ ਖੁੱਲ੍ਹਿਆ। ਦੋ ਕਾਰਨਾਂ ਕਰਕੇ ਬਾਜ਼ਾਰ ਵਿੱਚ ਵੱਡੀ ਗਿਰਾਵਟ ਆਈ ਹੈ।

ਬੈਂਚਮਾਰਕ ਇਕੁਇਟੀ ਸੂਚਕਾਂਕ ਨੇ ਵੀਰਵਾਰ ਨੂੰ ਸ਼ੁਰੂਆਤੀ ਵਪਾਰ ਵਿੱਚ ਤੇਜ਼ ਗਿਰਾਵਟ ਦਿਖਾਈ ਦਿੱਤੀ। ਇਸ ਸਮੇਂ ਦੌਰਾਨ ਸੈਂਸੈਕਸ 1,250 ਅੰਕਾਂ ਤੋਂ ਵੱਧ ਡਿੱਗ ਗਿਆ ਅਤੇ ਨਿਫਟੀ 50 25,500 ਅੰਕਾਂ ਤੋਂ ਹੇਠਾਂ ਚਲਾ ਗਿਆ। ਬਾਜ਼ਾਰ 'ਚ ਇਹ ਗਿਰਾਵਟ ਪੱਛਮੀ ਏਸ਼ੀਆ 'ਚ ਤਣਾਅ ਤੋਂ ਬਾਅਦ ਨਿਵੇਸ਼ਕਾਂ ਦੀ ਸਾਵਧਾਨੀ ਕਾਰਨ ਆਈ ਹੈ।  F&O ਨੂੰ ਲੈ ਕੇ ਸੇਬੀ ਦਾ ਨਵਾਂ ਫਰੇਮਵਰਕ ਇਸ ਦਾ ਇਕ ਕਾਰਨ ਹੈ ਅਤੇ ਇਕ ਦਿਨ ਦੀ ਛੁੱਟੀ ਤੋਂ ਬਾਅਦ ਇਜ਼ਰਾਈਲ-ਇਰਾਨ ਤਣਾਅ ਦਾ ਅਸਰ ਦਿਖਾਈ ਦੇ ਰਿਹਾ ਹੈ।

NSE ਨਿਫਟੀ ਦਾ ਪੱਧਰ
NSE ਦਾ ਨਿਫਟੀ 344.05 ਅੰਕ ਜਾਂ 1.33 ਫੀਸਦੀ ਡਿੱਗ ਕੇ 25,452.85 'ਤੇ ਖੁੱਲ੍ਹਿਆ ਅਤੇ ਇਸ ਦੇ ਸ਼ੇਅਰ ਲਗਾਤਾਰ ਡਿੱਗਦੇ ਨਜ਼ਰ ਆ ਰਹੇ ਹਨ। ਐਨਐਸਈ ਨਿਫਟੀ ਦੇ ਨਾਲ-ਨਾਲ ਬੈਂਕ ਨਿਫਟੀ ਵੀ ਭਾਰੀ ਗਿਰਾਵਟ 'ਤੇ ਖੁੱਲ੍ਹਿਆ ਹੈ ਅਤੇ ਸ਼ੁਰੂਆਤੀ ਮਿੰਟਾਂ 'ਚ 550-600 ਅੰਕਾਂ ਤੱਕ ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।

ਐਨਐਸਈ ਨਿਫਟੀ ਦੇ 50 'ਚੋਂ 46 ਸ਼ੇਅਰ ਵਾਧੇ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ ਤੇ ਸਿਰਫ਼ 4 ਸ਼ੇਅਰਾਂ 'ਚ ਮਾਮੂਲੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਅੱਜ F&O ਹਿੱਸੇ ਦੇ ਨਵੇਂ ਢਾਂਚੇ ਕਾਰਨ ਸੈਂਸੈਕਸ ਤੇ ਨਿਫਟੀ 'ਤੇ ਗਿਰਾਵਟ ਦਾ ਪਰਛਾਵਾਂ ਹੈ। ਈਰਾਨ-ਇਜ਼ਰਾਈਲ ਤਣਾਅ ਦਾ ਵੱਡਾ ਕਾਰਨ ਵੀ ਇਸ ਦੇ ਪਿੱਛੇ ਹੈ।

ਅੱਧੇ ਘੰਟੇ ਬਾਅਦ ਸੈਂਸੈਕਸ ਦੇ ਸ਼ੇਅਰਾਂ ਦੀ ਸਥਿਤੀ
ਵਰਤਮਾਨ ਵਿੱਚ ਬੀਐਸਈ ਸੈਂਸੈਕਸ ਦੇ 30 ਵਿੱਚੋਂ 22 ਸ਼ੇਅਰਾਂ ਵਿੱਚ ਗਿਰਾਵਟ ਹੈ ਤੇ ਸਿਰਫ 8 ਸ਼ੇਅਰਾਂ ਵਿੱਚ ਵਾਧਾ ਦਿਖਾਈ ਦੇ ਰਿਹਾ ਹੈ। ਵਧ ਰਹੇ ਸ਼ੇਅਰਾਂ 'ਚ ਜੇਐੱਸਡਬਲਿਊ ਸਟੀਲ, ਟਾਟਾ ਸਟੀਲ, ਐੱਨਟੀਪੀਸੀ, ਐੱਸਬੀਆਈ, ਇੰਫੋਸਿਸ, ਅਲਟਰਾਟੈਕ ਸੀਮੈਂਟ, ਸਨ ਫਾਰਮਾ, ਇੰਡਸਇੰਡ ਬੈਂਕ ਅਤੇ ਟਾਈਟਨ 'ਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਡਿੱਗਣ ਵਾਲੇ ਸਟਾਕਾਂ ਵਿੱਚ ਏਸ਼ੀਅਨ ਪੇਂਟਸ, ਟਾਈਟਨ, ਐਲਐਂਡਟੀ, ਰਿਲਾਇੰਸ ਇੰਡਸਟਰੀਜ਼, ਕੋਟਕ ਬੈਂਕ, ਮਾਰੂਤੀ, ਐਚਡੀਐਫਸੀ ਬੈਂਕ, ਐਕਸਿਸ ਬੈਂਕ ਤੇ ਬਜਾਜ ਫਿਨਸਰਵ ਸ਼ਾਮਲ ਹਨ।

20 ਮਿੰਟ ਬਾਅਦ ਸ਼ੇਅਰ ਬਾਜ਼ਾਰ ਦੀ ਕੀ ਹੈ ਹਾਲਤ?
9.35 'ਤੇ ਸੈਂਸੈਕਸ 603.57 ਅੰਕ ਜਾਂ 0.72 ਫੀਸਦੀ ਡਿੱਗ ਕੇ 83,662.72 'ਤੇ ਆ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਜਿਸ ਗਿਰਾਵਟ 'ਤੇ ਇਹ ਖੁੱਲ੍ਹਿਆ ਸੀ, ਉਸ ਤੋਂ ਅੱਧੇ ਪੱਧਰ ਨੂੰ ਬਾਜ਼ਾਰ ਨੇ ਮੁੜ ਪ੍ਰਾਪਤ ਕਰ ਲਿਆ ਹੈ। ਨਿਫਟੀ ਅਜੇ ਵੀ 224.75 ਅੰਕ ਜਾਂ 0.87 ਫੀਸਦੀ ਡਿੱਗ ਕੇ 25,572.15 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਬੀਐਸਈ ਦੇ ਮਾਰਕੀਟ ਪੂੰਜੀਕਰਣ ਵਿੱਚ ਜ਼ਬਰਦਸਤ ਗਿਰਾਵਟ
BSE ਦਾ ਮਾਰਕੀਟ ਕੈਪ ਇਸ ਸਮੇਂ 471.82 ਲੱਖ ਕਰੋੜ ਰੁਪਏ ਹੈ ਅਤੇ ਨਿਵੇਸ਼ਕਾਂ ਨੂੰ ਬਾਜ਼ਾਰ ਖੁੱਲ੍ਹਣ ਦੇ 20 ਮਿੰਟ ਬਾਅਦ ਇਸ ਵਿੱਚ 5 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋਇਆ ਹੈ। ਇਹ ਘਟ ਕੇ 471 ਲੱਖ ਕਰੋੜ ਰੁਪਏ ਰਹਿ ਗਿਆ ਹੈ ਜੋ ਕਿ 476 ਲੱਖ ਕਰੋੜ ਰੁਪਏ ਤੋਂ ਵੱਧ ਸੀ।