Good Friday 2023: ਜਾਣੋ ਇਸ ਦਿਨ ਹੀ ਕਿਉਂ ਮਨਾਇਆ ਜਾਂਦਾ ਹੈ ਗੁੱਡ ਫਰਾਈਡੇ!

Good Friday 2023: ਗੁੱਡ ਫਰਾਈਡੇ ਹਰ ਸਾਲ ਅਪ੍ਰੈਲ 2023 ਨੂੰ ਮਨਾਇਆ ਜਾਂਦਾ ਹੈ। ਇਸ ਦਿਨ ਈਸਾਈ ਧਰਮ ਦੇ ਲੋਕ ਪ੍ਰਭੂ ਯਿਸੂ ਦੀ ਕੁਰਬਾਨੀ ਨੂੰ ਯਾਦ ਕਰਕੇ ਸੋਗ ਮਨਾਉਂਦੇ ਹਨ। ਇਸ ਨੂੰ ਕਾਲੇ ਦਿਵਸ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਦਿਨ ਈਸਾਈਆਂ ਲਈ ਬਹੁਤ ਖਾਸ ਹੈ। ਗੁੱਡ ਫਰਾਈਡੇ ਦੀ ਤਾਰੀਖ ਈਸਟਰ ਸੰਡੇ ਦੀ ਮਿਤੀ ਦੁਆਰਾ ਨਿਰਧਾਰਤ ਕੀਤੀ ਜਾਂਦੀ ਹੈ। ਗੁੱਡ ਫਰਾਈਡੇ ਹਰ ਸਾਲ ਈਸਟਰ ਐਤਵਾਰ ਤੋਂ ਤਿੰਨ ਦਿਨ ਪਹਿਲਾਂ ਮਨਾਇਆ ਜਾਂਦਾ ਹੈ।

ਇਸ ਦਿਨ ਲੋਕ ਚਰਚਾਂ ਵਿੱਚ ਪ੍ਰਾਰਥਨਾ ਕਰਦੇ ਹਨ ਅਤੇ ਸਲੀਬ ਨੂੰ ਚੁੰਮ ਕੇ ਯਿਸੂ ਮਸੀਹ ਨੂੰ ਯਾਦ ਕਰਦੇ ਹਨ। ਇਹ ਦਿਨ ਅਕਸਰ ਵਰਤ ਰੱਖਣ ਅਤੇ ਚਰਚ ਦੀ ਸੇਵਾ ਕਰਨ ਵਿੱਚ ਸ਼ਾਮਿਲ ਹੋਣ ਲਈ ਵੀ ਮੰਨਿਆ ਜਾਂਦਾ ਹੈ। ਇਸ ਦਿਨ ਕਈ ਥਾਂਵਾਂ 'ਤੇ ‘ਪੈਸ਼ਨ ਪਲੇਅਜ਼’ ਜਾਂ ‘ਈਸਟਰ ਪੇਜੈਂਟ’ ਵੀ ਕੀਤੇ ਜਾਂਦੇ ਹਨ ਭਾਵ ਯਿਸੂ ਮਸੀਹ ਦੇ ਜਨਮ ਅਤੇ ਮੌਤ ਦਾ ਨਾਟਕੀ ਢੰਗ ਨਾਲ ਪ੍ਰਦਰਸ਼ਨ ਕੀਤਾ ਜਾਂਦਾ ਹੈ। 

ਈਸਟਰ ਐਤਵਾਰ ਨੂੰ ਪੂਰਨਮਾਸ਼ੀ ਅਤੇ ਵਰਨਲ ਈਕਨੌਕਸ ਤੋਂ ਬਾਅਦ ਪਹਿਲੇ ਐਤਵਾਰ ਦੁਆਰਾ ਨਿਰਧਾਰਤ ਕੀਤਾ ਜਾਂਦਾ ਹੈ। ਈਸਾਈ ਧਰਮ ਵਿੱਚ ਈਸਟਰ ਨੂੰ ਪਵਿੱਤਰ ਦਿਨ ਮੰਨਿਆ ਜਾਂਦਾ ਹੈ ਜਿਸ ਦਿਨ ਯਿਸੂ ਮਸੀਹ ਕੁਝ ਅਜਿਹੇ ਚਮਤਕਾਰ ਨਾਲ ਉਹ ਦੁਬਾਰਾ ਲੋਕਾਂ ਵਿੱਚ ਪ੍ਰਗਟ ਹੋਏ ਸਨ। ਇਸ ਤੋਂ ਠੀਕ ਤਿੰਨ ਦਿਨ ਪਹਿਲਾਂ ਈਸਾ ਮਸੀਹ ਨੂੰ ਸਲੀਬ 'ਤੇ ਟੰਗ ਦਿੱਤਾ ਗਿਆ ਸੀ ਜਿੱਥੇ ਉਨ੍ਹਾਂ ਨੂੰ ਬਹੁਤ ਹੀ ਦਰਦਨਾਕ ਤਰੀਕੇ ਨਾਲ ਮੌਤ ਦੀ ਸਜ਼ਾ ਦਿੱਤੀ ਗਈ ਸੀ।

ਇਹ ਵੀ ਪੜ੍ਹੋ: Punjabi commentary in IPL 2023: ਆਈਪੀਐਲ 'ਚ ਪੰਜਾਬੀ ਕੁਮੈਂਟਰੀ ਨੇ ਵਧਾਇਆ ਲੋਕਾਂ ਦਾ ਉਤਸ਼ਾਹ; ਵੇਖੋ ਰਿਐਕਸ਼ਨ  

ਯਿਸੂ ਨੂੰ ਸਲੀਬ ਕਿਉਂ ਦਿੱਤੀ ਗਈ ਸੀ? ਕਿਹਾ ਜਾਂਦਾ ਹੈ ਕਿ ਯਹੂਦੀਆਂ ਦੇ ਕੱਟੜਪੰਥੀ ਧਾਰਮਿਕ ਆਗੂ ਯਿਸੂ ਮਸੀਹ ਦੀ ਪ੍ਰਸਿੱਧੀ ਤੋਂ ਡਰਦੇ ਸਨ। ਇਸੇ ਲਈ ਉਹ ਯਿਸੂ ਮਸੀਹ ਦੇ ਖ਼ਿਲਾਫ਼ ਸੀ।  ਧਾਰਮਿਕ ਆਗੂ ਇਸ ਗੱਲ ਤੋਂ ਨਾਰਾਜ਼ ਹੁੰਦੇ ਸਨ ਕਿ ਯਿਸੂ ਆਪਣੇ ਆਪ ਨੂੰ ਰੱਬ ਦਾ ਪੁੱਤਰ ਕਹਿੰਦਾ ਸੀ। ਅਜਿਹੇ ਧਾਰਮਿਕ ਆਗੂਆਂ ਨੇ ਉਸ ਸਮੇਂ ਦੇ ਰੋਮੀ ਗਵਰਨਰ ਪਿਲਾਤੁਸ ਕੋਲ ਯਿਸੂ ਮਸੀਹ ਬਾਰੇ ਸ਼ਿਕਾਇਤ ਕੀਤੀ ਅਤੇ ਯਿਸੂ ਨੂੰ ਧਰਮ ਅਤੇ ਕੌਮ ਲਈ ਖ਼ਤਰਾ ਦੱਸਿਆ। ਕੱਟੜਪੰਥੀ ਯਹੂਦੀਆਂ ਦੁਆਰਾ ਕ੍ਰਾਂਤੀ ਦੇ ਡਰੋਂ, ਰੋਮਨ ਗਵਰਨਰ ਪਿਲਾਤੁਸ ਨੇ ਯਿਸੂ ਮਸੀਹ ਨੂੰ ਸਲੀਬ ਦੇਣ ਦੀ ਸਜ਼ਾ ਸੁਣਾਈ।

ਬਾਈਬਲ 'ਚ ਦੱਸਿਆ ਗਿਆ ਹੈ ਕਿ ਰੋਮਨ ਸਿਪਾਹੀਆਂ ਨੇ ਯਿਸੂ ਮਸੀਹ ਨੂੰ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ ਕੋੜੇ ਮਾਰੇ। ਉਨ੍ਹਾਂ ਨੂੰ ਕਈ ਤਰ੍ਹਾਂ ਦੇ ਤਸੀਹੇ ਦਿੱਤੇ ਗਏ। ਉਸ ਨੂੰ ਜ਼ਲੀਲ ਕੀਤਾ ਗਿਆ। ਅੰਤ ਵਿੱਚ, ਗੁੱਡ ਫਰਾਈਡੇ ਨੂੰ, ਉਨ੍ਹਾਂ ਨੂੰ ਸਲੀਬ 'ਤੇ ਟੰਗ ਦਿੱਤਾ ਗਿਆ। ਕਿਹਾ ਜਾਂਦਾ ਹੈ ਕਿ ਇੰਨੇ ਦੁੱਖ ਅਤੇ ਅਪਮਾਨ ਸਹਿਣ ਤੋਂ ਬਾਅਦ ਵੀ ਯਿਸੂ ਮਸੀਹ ਦਾ ਧਿਆਨ ਭਟਕਿਆ ਨਹੀਂ। ਉਸ ਨੇ ਆਖਰੀ ਪਲਾਂ 'ਤੇ ਵੀ ਸਾਰਿਆਂ ਲਈ ਪ੍ਰਾਰਥਨਾ ਕੀਤੀ ਅਤੇ ਸਾਰਿਆਂ ਦੇ ਪਾਪ ਆਪਣੇ ਸਿਰ ਲੈ ਲਏ।

ਮੌਤ ਤੋਂ ਬਾਅਦ, ਯਿਸੂ 3 ਦਿਨਾਂ ਬਾਅਦ ਦੁਬਾਰਾ ਪ੍ਰਗਟ ਹੋਏ ਅਤੇ ਆਪਣੇ ਚੇਲਿਆਂ ਨੂੰ ਮਿਲੇ ਅਤੇ ਉਨ੍ਹਾਂ ਨੂੰ ਧਰਮ ਦਾ ਪ੍ਰਚਾਰ ਕਰਨ ਦਾ ਸੰਦੇਸ਼ ਦਿੱਤਾ ਅਤੇ ਫਿਰ 40 ਦਿਨਾਂ ਬਾਅਦ ਸਵਰਗ ਚਲੇ ਗਏ। ਯਿਸੂ ਮਸੀਹ ਦੇ 12 ਚੇਲਿਆਂ ਨੇ ਯਿਸੂ ਦੇ ਜਾਣ ਤੋਂ ਬਾਅਦ ਯਿਸੂ ਦਾ ਸੰਦੇਸ਼ ਫੈਲਾਇਆ।

ਯਿਸੂ ਮਸੀਹ ਨੇ ਕਦੇ ਵੀ ਕਿਸੇ ਲਈ ਬੁਰਾਈ ਨਹੀਂ ਚਾਹੀ। ਉਨ੍ਹਾਂ ਲਈ ਵੀ ਨਹੀਂ ਜਿਨ੍ਹਾਂ ਨੇ ਉਸਨੂੰ ਮੌਤ ਦੀ ਸਜ਼ਾ ਅਤੇ ਤਸੀਹੇ ਦਿੱਤੇ ਸਨ। ਇਸ ਲਈ ਉਸ ਦੇ ਪੈਰੋਕਾਰ ਉਸ ਦਿਨ ਨੂੰ ਗੁੱਡ ਫਰਾਈਡੇ ਵਜੋਂ ਮਨਾਉਂਦੇ ਹਨ ਜਿਸ ਦਿਨ ਉਸ ਨੂੰ ਸਲੀਬ ਦਿੱਤੀ ਗਈ ਸੀ। ਵੈਸੇ, ਯਿਸੂ ਦੇ ਸਲੀਬ 'ਤੇ ਟੰਗੇ ਜਾਣ ਕਾਰਨ, ਇਸ ਨੂੰ ਬਲੈਕ ਫਰਾਈਡੇ ਵੀ ਕਿਹਾ ਜਾਂਦਾ ਹੈ।