ਸੋਨਮ ਬਾਜਵਾ ਦਾ ਸ਼ੋਅ: "ਜੈਸਮੀਨ ਨਾਲ ਖੋਲਾਂਗੇ ਦਿਲ ਦੀ ਹਰ ਉਹ ਗੱਲ ਜਿਹੜੀ ਸ਼ਾਇਦ ਦਿਲ 'ਚ ਰਹਿ ਗਈ", ਵੇਖੋ SHOW

Jasmine Sandlas Dil Diyan Gallan 2: ਪੰਜਾਬੀ ਅਦਾਕਾਰ ਸੋਨਮ ਬਾਜਵਾ ਆਪਣੇ ਰਿਆਇਟੀ ਸ਼ੋਅ ਦਿਲ ਦੀ ਗੱਲਾਂ 2 (Dil Diyan Gallan) ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਪਹਿਲੇ ਸ਼ੋਅ ਵਾਂਗ ਦਰਸ਼ਕਾਂ ਨੂੰ ਦੂਜਾ ਸ਼ੋਅ ਬਹੁਤ ਪਸੰਦ ਆ ਰਿਹਾ ਹੈ। ਇਸ ਸ਼ੋਅ ਵਿਚ ਹੁਣ ਤੱਕ ਬਹੁਤ ਸਾਰੇ ਪੰਜਾਬੀ ਕਲਾਕਾਰ ਆ ਚੁੱਕੇ ਹਨ। ਹੁਣ ਇਸ ਸ਼ੋਅ ਵਿਚ ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਾਸ ਵੀ ਨਜ਼ਰ ਆਵੇਗੀ। ਦੱਸ ਦੇਈਏ ਕਿ ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਾਸ ਇੰਨੀਂ ਦਿਨੀਂ ਪੰਜਾਬ ਆਈ ਹੋਈ ਹੈ। 

ਤਕਰੀਬਨ 6 ਸਾਲਾਂ ਦੇ ਬਾਅਦ ਪੰਜਾਬ ਪਰਤੀ ਹੈ। ਜਦੋਂ ਤੋਂ ਜੈਸਮੀਨ ਆਈ ਹੈ, ਉਦੋਂ ਤੋਂ ਹੀ ਉਹ ਖੂਬ ਸੁਰਖੀਆਂ ਬਟੋਰ ਰਹੀ ਹੈ। ਉਸ ਨੇ ਆਉਂਦੇ ਹੀ ਸੋਸ਼ਲ ਮੀਡੀਆ ‘ਤੇ ਲੰਬੀ ਚੌੜੀ ਪੋਸਟ ਪਾ ਕੇ ਗੈਰੀ ਸੰਧੂ ‘ਤੇ ਨਿਸ਼ਾਨੇ ਲਗਾਏ।  ਪੰਜਾਬੀ ਗਾਇਕਾ ਜੈਸਮੀਨ ਸੈਂਡਲਾਸਹੁਣ ਉਹ ਸੋਨਮ ਦੇ ਸ਼ੋਅ ਨੂੰ ਲੈਕੇ ਚਰਚਾ ‘ਚ ਬਣੀ ਹੋਈ ਹੈ। ਸੋਨਮ ਬਾਜਵਾ ਦੇ ਸ਼ੋਅ ਦੇ ਉਸ ਐਪੀਸੋਡ ਦਾ ਟੀਜ਼ਰ ਆ ਗਿਆ ਹੈ, ਜਿਸ ਵਿੱਚ ਜੈਸਮੀਨ ਸੈਂਡਲਾਸ ਮਹਿਮਾਨ ਬਣ ਕੇ ਆਵੇਗੀ। ਇਹ ਐਪੀਸੋਡ ਅੱਜ ਯਾਨਿ 12 ਨਵੰਬਰ ਸ਼ਾਮੀਂ 7 ਵਜੇ ਟੈਲੀਕਾਸਟ ਹੋਵੇਗਾ। ਇਸ ਟੀਜ਼ਰ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਜੈਸਮੀਨ ਸ਼ੋਅ ਵਿੱਚ ਦਿਲ ਦੇ ਕਈ ਰਾਜ਼ ਖੋਲੇਗੀ।

ਬਹੁਤ ਸਾਰੀਆਂ ਅਜਿਹੀਆਂ ਗੱਲਾਂ ਕਹੇਗੀ, ਜੋ ਸ਼ਾਇਦ ਪਿਛਲੇ 6 ਸਾਲਾਂ ਤੋਂ ਉਸ ਦੇ ਮਨ ਵਿੱਚ ਹੀ ਸਨ। ਟੀਜ਼ਰ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਗਾਇਕਾ ਆਪਣੇ ਬੁਰੇ ਸਮੇਂ ਨੂੰ ਯਾਦ ਕਰਕੇ ਰੋਣ ਲੱਗ ਜਾਂਦੀ ਹੈ। ਸੋਨਮ ਬਾਜਵਾ ਨੇ ਸ਼ੋਅ ਦਾ ਟੀਜ਼ਰ ਸ਼ੇਅਰ ਕਰਦਿਆਂ ਕੈਪਸ਼ਨ ‘ਚ ਲਿਖਿਆ, “ਜੈਸਮੀਨ ਨਾਲ ਖੋਲਾਂਗੇ ਦਿਲ ਦੀ ਹਰ ਉਹ ਗੱਲ ਜਿਹੜੀ ਸ਼ਾਇਦ ਦਿਲ ਵਿੱਚ ਹੀ ਰਹਿ ਗਈ। 

 

 

 

 

View this post on Instagram

 

 

 

 

 

 

 

 

 

 

 

A post shared by Sonam Bajwa (@sonambajwa)

ਜੈਸਮੀਨ ਜਦੋਂ ਸ਼ੋਅ ‘ਤੇ ਆਪਣੇ ਦਿਲ ਦੀ ਗੱਲਾਂ ਕਰ ਰਹੀ ਸੀ ਤਾਂ ਇਸ ਦੌਰਾਨ ਗਾਇਕਾ ਕਾਫ਼ੀ ਭਾਵੁਕ ਹੋ ਗਈ। ਇਹੀ ਨਹੀਂ ਆਪਣੇ ਪੁਰਾਣੇ ਸਮੇਂ ਨੂੰ ਯਾਦ ਉਸ ਦੀਆਂ ਅੱਖਾਂ ‘ਚੋਂ ਹੰਝੂ ਵੀ ਆ ਗਏ। ਉਸ ਨੇ ਕਿਹਾ ਕਿ ਇੱਕ ਸਮਾਂ ਸੀ, ਜਦੋਂ ਉਹ ਬੁਰੀ ਤਰ੍ਹਾਂ ਟੁੱਟ ਗਈ। ਹੋ ਸਕਦਾ ਹੈ ਕਿ ਇੱਥੇ ਉਹ ਗੈਰੀ ਸੰਧੂ ਨਾਲ ਬਰੇਕਅੱਪ ਨੂੰ ਲੈ ਕੇ ਗੱਲ ਕਰ ਰਹੀ ਸੀ। ਇਸ ਤੋਂ ਬਾਅਦ ਜੈਸਮੀਨ ਨੇ ਕਿਹਾ ਕਿ “ਜਦੋਂ ਮੈਂ ਟੁੱਟ ਗਈ ਤਾਂ ਮੇਰਾ ਫੇਮ (ਪ੍ਰਸਿੱਧੀ) ਵੀ ਚਲੀ ਗਈ, ਮੈਂ ਕੋਈ ਗੀਤ ਨਹੀਂ ਕਰ ਰਹੀ ਸੀ। ਜਦੋਂ ਮੇਰੇ ਕੋਲ ਸਭ ਖਤਮ ਹੋ ਗਿਆ, ਤਾਂ ਸਾਰੇ ਦੋਸਤ-ਮਿੱਤਰ ਵੀ ਛੱਡ ਕੇ ਚਲੇ ਗਏ ਸੀ। ਅੱਜ ਦੇ ਸ਼ੋਅ ਵਿਚ ਜੈਸਮੀਨ ਨੇ ਸੋਨਮ ਨਾਲ ਅਜਿਹੀਆਂ ਬਹੁਤ ਸਾਰੀਆਂ Emotional ਗੱਲ੍ਹਾਂ ਕੀਤੀਆਂ ਜਿਸ ਨੇ ਸੋਨਮ ਦੀਆਂ ਅੱਖ ਭਰ ਆਈਆਂ।