Hamida Bano: ਪਾਕਿਸਤਾਨ 'ਚ ਫਸੀ ਹਮੀਦਾ ਬਾਨੋ 25 ਸਾਲਾਂ ਬਾਅਦ ਭਾਰਤ ਪਰਤੀ, ਏਜੰਟ ਨੇ ਧੋਖੇ ਨਾਲ ਭੇਜਿਆ

Hamida Bano: ਮੁੰਬਈ ਨਿਵਾਸੀ ਹਮੀਦਾ ਬਾਨੋ 25 ਸਾਲ ਬਾਅਦ ਆਪਣੇ ਦੇਸ਼ ਪਰਤੀ ਹੈ। ਉਸ ਨੂੰ ਇੱਕ ਟਰੈਵਲ ਏਜੰਟ ਨੇ ਦੁਬਈ ਵਿੱਚ ਨੌਕਰੀ ਦਾ ਝਾਂਸਾ ਦੇ ਕੇ ਪਾਕਿਸਤਾਨ ਭੇਜ ਦਿੱਤਾ ਸੀ। ਸਾਲ 2002 ਵਿੱਚ ਏਜੰਟ ਨੇ ਹਮੀਦਾ ਬਾਨੋ ਨੂੰ ਇਹ ਕਹਿ ਕੇ ਦੁਬਈ ਭੇਜਣ ਦਾ ਵਾਅਦਾ ਕੀਤਾ ਕਿ ਉਸ ਨੂੰ ਉੱਥੇ ਕੁੱਕ ਦੀ ਨੌਕਰੀ ਮਿਲ ਜਾਵੇਗੀ। ਪਰ ਇਸ ਦੀ ਬਜਾਏ ਉਹ ਉਨ੍ਹਾਂ ਨੂੰ ਪਾਕਿਸਤਾਨ ਦੇ ਸਿੰਧ ਸੂਬੇ ਦੇ ਹੈਦਰਾਬਾਦ ਜ਼ਿਲ੍ਹੇ ਲੈ ਗਿਆ।

ਹਮੀਦਾ ਬਾਨੋ ਚਾਰ ਬੱਚਿਆਂ ਦੀ ਮਾਂ ਸੀ ਅਤੇ ਆਪਣੇ ਪਤੀ ਦੀ ਮੌਤ ਤੋਂ ਬਾਅਦ ਪਰਿਵਾਰ ਦਾ ਗੁਜ਼ਾਰਾ ਚਲਾ ਰਹੀ ਸੀ। ਉਸ ਨੂੰ 25 ਸਾਲਾਂ ਤੱਕ ਟਰੈਵਲ ਏਜੰਟ 'ਤੇ ਭਰੋਸਾ ਕਰਨ ਦੀ ਕੀਮਤ ਚੁਕਾਉਣੀ ਪਈ।

ਸਾਲ 2022 ਵਿੱਚ, ਇੱਕ ਪਾਕਿਸਤਾਨੀ ਯੂਟਿਊਬਰ ਵਲੀਉੱਲ੍ਹਾ ਮਾਰੂਫ ਨੇ ਹਮੀਦਾ ਦੀ ਕਹਾਣੀ ਸਾਂਝੀ ਕੀਤੀ ਸੀ। ਉਸ ਵੀਲੌਗ ਰਾਹੀਂ ਹਮੀਦਾ ਦਾ ਆਪਣੇ ਪਰਿਵਾਰ ਨਾਲ ਸੰਪਰਕ ਹੋਇਆ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਬੇਟੀ ਯਾਸਮੀਨ ਨਾਲ ਫੋਨ 'ਤੇ ਗੱਲਬਾਤ ਵੀ ਕੀਤੀ।

ਪਾਕਿਸਤਾਨ ਵਿੱਚ ਰਹਿੰਦਿਆਂ ਹਮੀਦਾ ਨੇ ਇੱਕ ਸਿੰਧੀ ਵਿਅਕਤੀ ਦੇ ਨਾਲ ਵਿਆਹ ਕਰ ਲਿਆ, ਜਿਸਦੀ ਕੋਵਿਡ-19 ਦੌਰਾਨ ਮੌਤ ਹੋ ਗਈ। ਪਤੀ ਦੀ ਮੌਤ ਤੋਂ ਬਾਅਦ ਹਮੀਦਾ ਆਪਣੇ ਮਤਰੇਏ ਪੁੱਤਰ ਨਾਲ ਰਹਿ ਰਹੀ ਸੀ। ਭਾਰਤ ਪਰਤਣ ਤੋਂ ਬਾਅਦ ਹਮੀਦਾ ਨੇ ਆਪਣੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ ਅਤੇ ਨਵੀਂ ਜ਼ਿੰਦਗੀ ਦੀ ਉਮੀਦ ਪ੍ਰਗਟਾਈ ਹੈ।