ਇਕੋ ਦਿਨ 40 ਸੂਰਾਂ ਦੀਆਂ ਮਿਲੀਆਂ ਲਾਸ਼ਾਂ, ਪਸ਼ੂ ਪਾਲਨ ਵਿਭਾਗ ਦੀ ਉੱਡੀ ਨੀਂਦ

ਚੰਡੀਗੜ: ਪੰਜਾਬ ਦੇ ਪਟਿਆਲਾ ਵਿਚ ਇਕ ਛੋਟੀ ਨਦੀ ਦੇ ਕੋਲ ਸੂਰਾਂ ਦੀਆਂ 40 ਹੋਰ ਲਾਸ਼ਾਂ ਮਿਲੀਆਂ ਹਨ। ਇਸ ਮਾਮਲੇ 'ਚ ਖਾਸ ਗੱਲ ਇਹ ਹੈ ਕਿ ਹੁਣ ਤੱਕ ਜਿੰਨੇ ਵੀ ਸੂਰ ਮਰੇ ਹਨ, ਉਨ੍ਹਾਂ ਦੀਆਂ ਲਾਸ਼ਾਂ ਸੜੀਆਂ ਹੋਈਆਂ ਸਨ। ਜਿਸ ਕਾਰਨ ਜਾਂਚ ਵਿੱਚ ਮੌਤ ਦਾ ਖੁਲਾਸਾ ਨਹੀਂ ਹੋ ਸਕਿਆ। ਹੁਣ ਪਸ਼ੂ ਪਾਲਣ ਵਿਭਾਗ ਨੇ ਨਗਰ ਨਿਗਮ ਦੇ ਸਹਿਯੋਗ ਨਾਲ ਛੋਟੀ ਨਦੀ ਦੇ ਨੇੜੇ ਦੇ ਇਲਾਕੇ ਤੋਂ ਜ਼ਿੰਦਾ ਸੂਰਾਂ ਦੇ ਖੂਨ, ਚਮੜੀ ਅਤੇ ਝੁੰਡ ਦੇ ਨਮੂਨੇ ਲੈ ਕੇ ਬਰੇਲੀ ਦੀ ਲੈਬ ਵਿੱਚ ਭੇਜ ਦਿੱਤੇ ਹਨ। ਸੂਰਾਂ ਦੀ ਮੌਤ ਦੀ ਗਿਣਤੀ 290 ਤੱਕ ਪਹੁੰਚ ਗਈ ਹੈ।

ਪਸ਼ੂ ਪਾਲਨ ਵਿਭਾਗ ਨੂੰ ਪਈ ਹੱਥਾਂ ਪੈਰਾਂ ਦੀ

ਪਸ਼ੂਆਂ ਵਿਚ ਬਿਮਾਰੀ ਦੇ ਵਧਦੇ ਪ੍ਰਕੋਪ ਦੇ ਵਿਚਕਾਰ ਹੁਣ ਵੱਡੀ ਗਿਣਤੀ ਵਿਚ ਸੂਰਾਂ ਦੀ ਮੌਤ ਨੇ ਨਗਰ ਨਿਗਮ ਅਤੇ ਪਸ਼ੂ ਪਾਲਣ ਵਿਭਾਗ ਵਿਚ ਹੜਕੰਪ ਮਚਾ ਦਿੱਤਾ ਹੈ। ਸੂਚਨਾ ਮਿਲੀ ਸੀ ਕਿ ਛੋਟੀ ਨਦੀ ਦੇ ਨਾਲ ਲੱਗਦੇ ਇਲਾਕੇ ਵਿੱਚ ਕਈ ਹੋਰ ਸੂਰ ਮਰੇ ਹੋਏ ਹਨ। ਇਸ ਤੋਂ ਬਾਅਦ ਨਿਗਮ ਕਰਮਚਾਰੀਆਂ ਨੂੰ ਇਲਾਕੇ 'ਚੋਂ 40 ਹੋਰ ਮਰੇ ਹੋਏ ਸੂਰ ਮਿਲੇ ਹਨ। ਸਾਰੇ ਮਰੇ ਹੋਏ ਸੂਰਾਂ ਨੂੰ ਦਫ਼ਨਾਇਆ ਗਿਆ ਹੈ। ਹੁਣ ਨੇੜਲੇ ਜ਼ਿੰਦਾ ਸੂਰਾਂ ਦੇ ਖੂਨ, ਸਵੈਬ ਅਤੇ ਚਮੜੀ ਦੇ ਨਮੂਨੇ ਬਰੇਲੀ ਲੈਬ ਨੂੰ ਭੇਜੇ ਗਏ ਹਨ।

Lumpy Skin Disease ਦਾ ਪ੍ਰਕੋਪ ਵਧਿਆ

ਪਸ਼ੂਆਂ ਵਿਚ ਬਿਮਾਰੀ ਦਾ ਪ੍ਰਕੋਪ ਵੀ ਲਗਾਤਾਰ ਵੱਧਦਾ ਜਾ ਰਿਹਾ ਹੈ। ਹੁਣ ਤੱਕ 2273 ਪਸ਼ੂ ਇਸ ਬਿਮਾਰੀ ਦੀ ਲਪੇਟ ਵਿੱਚ ਆ ਚੁੱਕੇ ਹਨ ਜਿਨ੍ਹਾਂ ਵਿਚੋਂ 55 ਦੀ ਮੌਤ ਹੋ ਚੁੱਕੀ ਹੈ। ਇਸ ਸਬੰਧੀ ਪਸ਼ੂ ਪਾਲਣ ਵਿਭਾਗ ਦੇ ਡਿਪਟੀ ਡਾਇਰੈਕਟਰ ਡਾ. ਗੁਰਚਰਨ ਸਿੰਘ ਨੇ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ 44 ਟੀਮਾਂ ਬਣਾ ਕੇ ਪਿੰਡਾਂ ਵਿੱਚ ਪਸ਼ੂ ਮਾਲਕਾਂ ਨੂੰ ਇਸ ਬਿਮਾਰੀ ਸਬੰਧੀ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਬਿਮਾਰ ਪਸ਼ੂਆਂ ਦਾ ਵੀ ਇਲਾਜ ਕੀਤਾ ਜਾ ਰਿਹਾ ਹੈ।

WATCH LIVE TV