'ਆਪ' ਸਰਕਾਰ ਨੇ 3 ਮਹੀਨਿਆਂ 'ਚ ਲਿਆ 8,000 ਕਰੋੜ ਦਾ ਕਰਜ਼ਾ, ਵਿੱਤ ਮੰਤਰੀ ਨੇ ਕਿਹਾ- 10,500 ਕਰੋੜ ਕੀਤੇ ਵਾਪਸ

ਚੰਡੀਗੜ੍ਹ: ਪੰਜਾਬ ਦੇ ਵਿੱਤ ਮੰਤਰੀ ਨੇ ਵਿਧਾਨ ਸਭਾ ਵਿੱਚ ਦੱਸਿਆ ਕਿ 3 ਮਹੀਨਿਆਂ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ 8 ਹਜ਼ਾਰ ਕਰੋੜ ਦਾ ਕਰਜ਼ਾ ਲਿਆ ਹੈ। ਹਾਲਾਂਕਿ ਸਰਕਾਰ ਨੇ 10,500 ਕਰੋੜ ਦਾ ਕਰਜ਼ਾ ਵੀ ਵਾਪਸ ਕਰ ਦਿੱਤਾ ਹੈ। ਲਏ ਗਏ ਕਰਜ਼ੇ ਨਾਲੋਂ 2500 ਕਰੋੜ ਰੁਪਏ ਵੱਧ ਹਨ।

ਉਨ੍ਹਾਂ ਪਿਛਲੀ ਕਾਂਗਰਸ ਸਰਕਾਰ ਨੂੰ ਵੀ ਘੇਰਿਆ। ਚੀਮਾ ਨੇ ਦੱਸਿਆ ਕਿ ਸਾਲ 2020-21 ਵਿੱਚ 42 ਹਜ਼ਾਰ 386 ਕਰੋੜ ਰੁਪਏ ਦਾ ਕਰਜ਼ਾ ਲਿਆ ਗਿਆ ਸੀ। 2021-22 ਵਿੱਚ 41 ਹਜ਼ਾਰ 83 ਕਰੋੜ ਦਾ ਕਰਜ਼ਾ ਲਿਆ ਗਿਆ ਸੀ। ਪੰਜਾਬ ਸਰਕਾਰ ਦੀ ਕਰਜ਼ਾ ਸੀਮਾ 55 ਹਜ਼ਾਰ ਕਰੋੜ ਹੈ, ਪਰ ਸਾਡੀ ਸਰਕਾਰ ਨੇ ਫੈਸਲਾ ਕੀਤਾ ਹੈ ਕਿ ਅਸੀਂ ਇੱਕ ਸਾਲ ਵਿੱਚ 35 ਹਜ਼ਾਰ ਕਰੋੜ ਤੋਂ ਵੱਧ ਨਹੀਂ ਲਵਾਂਗੇ। ਇਸ ਦੌਰਾਨ 36 ਹਜ਼ਾਰ ਕਰੋੜ ਦਾ ਕਰਜ਼ਾ ਵੀ ਵਾਪਸ ਕੀਤਾ ਜਾਵੇਗਾ।

ਚੀਮਾ ਨੇ ਭ੍ਰਿਸ਼ਟਾਚਾਰ ਦੀ ਮਿਸਾਲ ਦਿੱਤੀ
ਵਿੱਤ ਮੰਤਰੀ ਚੀਮਾ ਨੇ ਕਿਹਾ ਕਿ ਪਹਿਲਾਂ ਵੀ ਬਹੁਤ ਭ੍ਰਿਸ਼ਟਾਚਾਰ ਹੁੰਦਾ ਸੀ। ਉਨ੍ਹਾਂ ਦੱਸਿਆ ਕਿ ਆਂਗਣਵਾੜੀ ਵਰਕਰ ਕੋਲ ਨਵ ਜੰਮੇ ਬੱਚੇ ਦਾ ਭਾਰ ਮਾਪਣ ਲਈ ਮਸ਼ੀਨ ਹੈ। ਇਸ ਦਾ ਮਾਰਕੀਟ ਰੇਟ 4200 ਤੋਂ 4500 ਰੁਪਏ ਹੈ। ਇਸ ਦੇ ਬਾਵਜੂਦ ਇਸ ਨੂੰ ਦੁੱਗਣੇ ਰੇਟ 'ਤੇ ਖਰੀਦਿਆ ਗਿਆ।

CM ਮਾਨ ਨੇ ਕਿਹਾ- ਅਗਲੀ ਵਾਰੀ ਵਿਧਾਨ ਸਭਾ ਤੋਂ
ਬਜਟ ਦੀ ਤਾਰੀਫ ਕਰਨ ਤੋਂ ਬਾਅਦ ਸੀਐਮ ਭਗਵੰਤ ਮਾਨ ਨੇ ਕਿਹਾ ਕਿ ਅਗਲੀ ਵਾਰ ਈ-ਅਸੈਂਬਲੀ ਹੋਵੇਗੀ। ਹਰ ਵਿਧਾਇਕ ਦੀ ਸੀਟ 'ਤੇ ਸਭ ਕੁਝ ਆਨਲਾਈਨ ਨਜ਼ਰ ਆਵੇਗਾ।