Taiwan Earthquake: ਤਾਇਵਾਨ 'ਚ ਆਇਆ ਸਭ ਤੋਂ ਜ਼ਬਰਦਸਤ ਭੂਚਾਲ, ਇੱਕ ਦੀ ਮੌਤ, ਜਾਪਾਨ ਨੇ ਜਾਰੀ ਕੀਤੀ ਚਿਤਾਵਨੀ

Taiwan Earthquake Today News: ਤਾਇਵਾਨ ਵਿੱਚ 7.5 ਤੀਬਰਤਾ ਦਾ ਜ਼ਬਰਦਸਤ ਭੂਚਾਲ ਦੇਖਿਆ ਗਿਆ ਹੈ। ਇਸ ਭੂਚਾਲ ਨੇ ਜਾਪਾਨ ਦੇ ਦੱਖਣੀ ਟਾਪੂਆਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਭੂਚਾਲ ਕਾਰਨ ਤਿੰਨ ਮੀਟਰ ਉੱਚੀਆਂ ਸੁਨਾਮੀ ਲਹਿਰਾਂ ਉੱਠਣ ਦੀ ਸੰਭਾਵਨਾ ਹੈ। ਤਾਈਵਾਨ ਦੇ ਫਾਇਰ ਵਿਭਾਗ ਮੁਤਾਬਕ ਇਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। 50 ਜ਼ਖਮੀ ਹਨ।

ਜਾਪਾਨ ਮੌਸਮ ਵਿਗਿਆਨ ਏਜੰਸੀ (ਜੇ.ਐੱਮ.ਏ.) ਨੇ ਭੂਚਾਲ ਤੋਂ ਬਾਅਦ ਸੁਨਾਮੀ ਦੀ ਚਿਤਾਵਨੀ ਜਾਰੀ ਕੀਤੀ ਹੈ। ਭੂਚਾਲ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 9 ਵਜੇ ਤੋਂ ਕੁਝ ਸਮਾਂ ਪਹਿਲਾਂ ਆਇਆ। ਤਾਈਵਾਨ ਵਿੱਚ ਵੀ ਭੂਚਾਲ ਕਾਰਨ ਵੱਡੀ ਤਬਾਹੀ ਹੋਈ ਹੈ। ਇਮਾਰਤਾਂ ਨੂੰ ਢਾਹ ਦਿੱਤਾ ਗਿਆ ਹੈ। ਭੂਚਾਲ ਕਾਰਨ ਢਹਿ-ਢੇਰੀ ਹੋਈਆਂ ਇਮਾਰਤਾਂ 'ਚ ਲੋਕ ਫਸ ਗਏ ਹਨ।

ਇਹ ਵੀ ਪੜ੍ਹੋ: Himachal Pradesh News: ਹਿਮਾਚਲ 'ਚ ਡੀਜੇ 'ਤੇ ਨੱਚਦੇ ਹੋਏ ਪੰਜਾਬੀ ਕਲਾਕਰ ਦੀ ਮੌਤ! ਪਹਿਲਾਂ ਫੜਿਆ ਸਿਰ, ਫਿਰ ਪਿਆ ਦਿਲ ਦਾ ਦੌਰਾ 

ਟਵਿੱਟਰ 'ਤੇ ਜੇਐਮਏ ਦੇ ਆਫ਼ਤ ਤਿਆਰੀ ਅਕਾਉਂਟ ਨੇ ਇੱਕ ਪੋਸਟ ਵਿੱਚ ਪ੍ਰਭਾਵਿਤ ਖੇਤਰਾਂ ਦੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ। ਉਨ੍ਹਾਂ ਨੂੰ ਅਗਲੀ ਸਥਿਤੀ ਸਪੱਸ਼ਟ ਹੋਣ ਤੱਕ ਇਲਾਕਾ ਨਾ ਛੱਡਣ ਲਈ ਕਿਹਾ ਗਿਆ ਹੈ। ਟਵੀਟ ਦੇ ਅਨੁਵਾਦ ਮੁਤਾਬਕ ਲਿਖਿਆ ਗਿਆ, '3 ਤਰੀਕ ਰਾਤ 9:01 ਵਜੇ ਤੱਕ ਸੁਨਾਮੀ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ।

ਸੁਨਾਮੀ ਵਾਰ-ਵਾਰ ਆਉਂਦੀ ਹੈ। ਚੇਤਾਵਨੀ ਹਟਾਏ ਜਾਣ ਤੱਕ ਆਪਣੀ ਸੁਰੱਖਿਅਤ ਥਾਂ ਨਾ ਛੱਡੋ। ਜੇਐਮਏ ਦਾ ਕਹਿਣਾ ਹੈ ਕਿ ਓਕੀਨਾਵਾ ਅਤੇ ਮੀਆਜੋਕਿਮਾ ਅਤੇ ਯਾਯਾਮਾ ਟਾਪੂ ਸਮੂਹਾਂ 'ਤੇ 10 ਫੁੱਟ ਉੱਚੀ ਸੁਨਾਮੀ ਦਾ ਖਤਰਾ ਹੈ।

Taiwan Earthquake Video

全台有感，花蓮6級地震，陸陸續續傳出多棟建物倒塌。

天佑台灣。 pic.twitter.com/kIlJ2qRHEy

— 風暴士兵 Taiwan only (@dabowagaga) April 3, 2024

ਇਸ ਭੂਚਾਲ ਤੋਂ ਬਾਅਦ ਤਾਈਵਾਨ, ਜਾਪਾਨ ਅਤੇ ਫਿਲੀਪੀਨਜ਼ 'ਚ ਸੁਨਾਮੀ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਜਾਪਾਨ ਦੇ ਮੌਸਮ ਵਿਭਾਗ ਨੇ ਸਮੁੰਦਰ ਵਿੱਚ 3 ਮੀਟਰ ਯਾਨੀ ਲਗਭਗ 10 ਫੁੱਟ ਤੱਕ ਦੀਆਂ ਲਹਿਰਾਂ ਦੀ ਭਵਿੱਖਬਾਣੀ ਕੀਤੀ ਹੈ।

ਤਾਈਵਾਨ ਦੇ ਕੇਂਦਰੀ ਮੌਸਮ ਬਿਊਰੋ ਦੇ ਅਨੁਸਾਰ, ਇਹ 25 ਸਾਲਾਂ ਵਿੱਚ ਤਾਈਵਾਨ ਵਿੱਚ ਆਉਣ ਵਾਲਾ ਸਭ ਤੋਂ ਖਤਰਨਾਕ ਭੂਚਾਲ ਹੈ। ਇਸ ਤੋਂ ਪਹਿਲਾਂ 1999 'ਚ 7.6 ਤੀਬਰਤਾ ਦਾ ਭੂਚਾਲ ਆਇਆ ਸੀ। ਉਦੋਂ 2 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ।