Shaktimaan Video: ୧୯ ବର୍ଷ ପରେ ପୁଣି ପରଦାକୁ ଆସିବ ଶକ୍ତିମାନ, ଦେଖନ୍ତୁ ଏହି ଭିଡିଓ

ମାର୍ଭେଲ ଏବଂ ଡିସି ସୁପରହିରୋଙ୍କ ଆଗମନର ବହୁ ପୂର୍ବରୁ ଭାରତର ନିଜସ୍ୱ ସୁପରହିରୋ ଶକ୍ତିମାନ ଥିଲା । ଏବେ ଏହି ସବୁଠାରୁ ଆକର୍ଷଣୀୟ ଚରିତ୍ର ପରଦାକୁ ଫେରିବାକୁ ଯାଉଛି । ରବିବାର 'ଶକ୍ତିମାନ' ଭୂମିକାରେ ଅଭିନୟ କରୁଥିବା ମୁକେଶ ଖାନ୍ନା ତାଙ୍କ ଶୋ' ପ୍ରତ୍ୟାବର୍ତ୍ତନ କରିବାର ସଙ୍କେତ ଦେଇଥିଲେ, ଯାହା ସୋସିଆଲ ମିଡିଆରେ ପ୍ରଶଂସକଙ୍କ ମଧ୍ୟରେ ଲହର ସୃଷ୍ଟି କରିଛି। ଶନିବାର ମୁକେଶ ଇନଷ୍ଟାଗ୍ରାମରେ ଏକ ପୁରୁଣା ଫଟୋ ଏବଂ ଏକ ଭିଡିଓ କ୍ଲିପ୍ ସେୟାର କରିଛନ୍ତି ଏବଂ ଏବେ ସେ ଏକ ଫଟୋ ସହ ସୂଚନା ଦେଇଛନ୍ତି ଯେ 'ଶକ୍ତିମାନ' ଫେରୁଛି। ମୁକେଶ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଏହି ଫଟୋର କ୍ୟାପସନରେ ଲେଖିଛନ୍ତି, 'ଏବେ ସେମାନଙ୍କ ପାଇଁ ଫେରିବାର ସମୟ ଆସିଛି।