Sonu Nigam: କେବଳ ଗୀତ ନୁହେଁ ବାଲିଯାତ୍ରା ଷ୍ଟେଜରେ ନାଚି ଧୂଳି ଉଡାଇଥିଲେ ସୋନୁ ନିଗମ

Sonu Nigam: ବାଲିଯାତ୍ରାରେ ଦେଖିବାକୁ ମିଳିଥିଲା ବଲିଉଡ ସିଙ୍ଗର ସୋନୁ ନିଗମଙ୍କ କ୍ରେଜ୍ । ମଙ୍ଗଳବାର ସନ୍ଧ୍ୟାରେ ଦର୍ଶକଙ୍କୁ ବାନ୍ଧି ରଖିଥିଲା ସୋନୁ ନିଗମ ନାଇଟ୍ । ଲାଗୁଥିଲା ଯେମିତି ଝୁମିଥିଲା କଟକ ଐତିହାସିକ ବାଲିଯାତ୍ରା ପଡିଆ । ଉଭୟ ହିନ୍ଦୀ ଏବଂ ଓଡ଼ିଆ ସଂଗୀତ ପରିବେଷଣ କରି ସୋନୁ ନିଗମ୍ ସମସ୍ତଙ୍କ ମନ ଜିଣିଥିଲେ । ଖାସ୍ କଥା ହେଲା, ଜଗନ୍ନାଥ ଭଜନ ଗାଇଲା ବେଳେ ପାଦରୁ ଜୋତା ଓହ୍ଲାଇ, ବେଶ ଶ୍ରଦ୍ଧାର ସହ ମହାପ୍ରଭୁଙ୍କୁ ସ୍ମରଣ କରିଥିଲେ ସୋନୁ। ଆଉ ଏହାର ଅନେକ ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ହେଲେ ବାଲିଯାତ୍ରା ଷ୍ଟେଜରେ ଜୋରଦାର ଡ୍ୟାନ୍ସ କରିବାର ଭିଡିଓ ଏବେ ବେଶ୍ ଭାଇରାଲ ହେବାରେ ଲାଗିଛି।