odisha news: ଅପହରଣର ତିନିଦିନ ପରେ ଉଦ୍ଧାର ହେଲା ଯୁବକ, ଦୁଇ ଗିରଫ

odisha news: ଗଜପତି (ପ୍ରେମାନନ୍ଦ ପୂଜାରୀ): ଅପହରଣର ତିନି ଦିନ ପରେ ଅପହୃତାକୁ ଉଦ୍ଧାର କରିଛି ପୋଲିସ। ଗାଁରୁ ଲୋଭରେ ଡାକିଲେ, ସେଠାରେ ଅପହରଣ ଯୁବକ କୁ ନିର୍ଧୁମ ଛେଚିଲେ। ହେଲେ ଥାନାରେ ଅଭିଯୋଗ ପରେ ପୋଲିସ ଯୁବକକୁ ଉଦ୍ଧାର କରିବା ସହିତ ଅପହରଣକାରୀଙ୍କୁ ଗିରଫ କରିଛି ସ୍ଥାନୀୟ ପୋଲିସ। ଘଟଣା ଘଟିଛି ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଅନ୍ତରବା ଗ୍ରାମରେ।

Also Read: ହୋଲିରେ ରାଶି ବଦଳାଇବେ ଶନିଦେବ, ବର୍ଷ ତମାମ ଶୁଭ ଫଳ ପାଇବେ ୪ ରାଶି

Also Read: ନୂଆବର୍ଷ ପୂର୍ବରୁ କୁମ୍ଭକୁ ଚଳନ କରିବେ ସୂର୍ଯ୍ୟ, ବର୍ଷ ତମାମ ଚମକିବେ ୩ ରାଶି

ମିଳିଥିବା ସୂଚନା ଅନୁସାରେ ଗତ ଶନିବାର ଦିନ ଗଞ୍ଜାମ ଜିଲ୍ଲା ଶିବ ଗୌଡ଼ ଓ କାଳିଆ ଗୌଡ଼ ନାମକ ଯୁବକ ଅନ୍ତରବା ଗ୍ରାମର ଅଲିଫ ପାଳଙ୍କ ଘରକୁ ଆସି କିଛି ଶସ୍ତାରେ ସାମଗ୍ରୀ କିଣେଇବା ନାମରେ ବ୍ରହ୍ମପୁରକୁ ଡାକିନେଇଥିଲେ। ଏହି ଘଟଣାରେ ଅଲିଫ ଓ ସୁମିତ କରାଡ଼କୁ ଉଠାଇ ନେଇଥିଲେ ଅପହରଣକାରୀ। ହେଲେ ବ୍ରହ୍ମପୁର ରେ ପହଂଚିବା ପରେ ସୁମିତ କୌଶଳ କ୍ରମେ ଖସି ନିଜ ଗାଁ ଅନ୍ତରବାକୁ ଆସି ଅଲିଫର ଘରେ ଖବର ଦେଇଥିଲେ। ଏହା ଶୁଣିବା ପରେ ଅଲିଫର ସାନଭାଇ ସରୋଜ ପାଳ ଅଡବା ଥାନାରେ ଅଭିଯୋଗ କରିଥିଲେ। ଅଭିଯୋଗ ହେବାର ମାତ୍ର ତିନ ଦିନ ପରେ ପୋଲିସ ଅଲିଫକୁ ଉଦ୍ଧାର କରିବା ସହିତ ଶିବ ଗୌଡ଼ ଓ କାଳିଆ ଗୌଡ଼ କୁ ଗିରଫ କରିଛି। ଉକ୍ତ ଘଟଣାରେ ଗୋଟିଏ କାର ଜବତ ହେବା ସହିତ ୭୩ ହଜାର ଟଙ୍କା ଜବତ କରିଛି ପୋଲିସ।