Test Team: ଟେଷ୍ଟରେ ନୈରାଶ୍ୟଜନକ ପ୍ରଦର୍ଶନ ପାଇଁ ଦଳରୁ ବାଦ ପଡିଛନ୍ତି ୫ ଷ୍ଟାର ଖେଳାଳି

ମୟଙ୍କ ଅଗ୍ରୱାଲ: 2018 ରେ ଭାରତ ପାଇଁ ଡେବ୍ୟୁ କରିଥିବା ମୟଙ୍କ ଅଗ୍ରୱାଲ ୪ ବର୍ଷ ମଧ୍ୟରେ ଦଳରୁ ବାଦ ପଡିଛନ୍ତି। ୨୦୨୨ ପରଠାରୁ ସେ ଟେଷ୍ଟ ଦଳରେ ସୁଯୋଗ ପାଇନାହାଁନ୍ତି। ମୟଙ୍କ ବେଶ ଜବରଦସ୍ତ ଆରମ୍ଭ କରିଥିଲେ। କିଛି ମ୍ୟାଚରେ ବିଫଳ ହେବା ପରେ ତାଙ୍କୁ ଦଳରୁ ବାଦ ଦିଆଯାଇଥିଲା। ମୟଙ୍କ ୨୧ଟି ଟେଷ୍ଟ ମ୍ୟାଚରେ ହାରାହାରି ୪୧.୩୩ ହାରରେ ୧୪୮୮ ରନ୍ ସଂଗ୍ରହ କରିଥିଲେ। ଏହି ଅବଧିରେ ସେ ୪ଟି ଶତକ ଏବଂ ୬ଟି ଅର୍ଦ୍ଧଶତକ ହାସଲ କରିଛନ୍ତି। ଲଗାତାର ୮ ଇନିଂସରେ ଅର୍ଦ୍ଧଶତକ ହାସଲ କରିନଥିବାରୁ ତାଙ୍କୁ ଛାଡି ଦିଆଯାଇଥିଲା। ବର୍ତ୍ତମାନ ଯଶସ୍ୱି ଜୟସ୍ୱାଲ, ଶୁବମନ ଗିଲ, ଋତୁରାଜ ଗାୟକ୍ୱାଡଙ୍କ ଭଳି ଖେଳାଳିଙ୍କୁ ଦେଖିବା ପରେ ଟେଷ୍ଟକୁ ଫେରିବା କଷ୍ଟକର ମନେହୁଏ। ଏହା ବ୍ୟତୀତ ସେ ୩୪ ବର୍ଷ ବୟସ ହେବାକୁ ଯାଉଛନ୍ତି। ବୟସ ମଧ୍ୟ ତାଙ୍କ ପକ୍ଷରେ ନାହିଁ।

ହନୁମା ବିହାରୀ ମୟଙ୍କ ଅଗ୍ରୱାଲଙ୍କ ଭଳି ହନୁମା ବିହାରୀ ମଧ୍ୟ ୨୦୧୮ରେ ଭାରତ ପାଇଁ ପଦାର୍ପଣ ମ୍ୟାଚ ଖେଳିଥିଲେ। ସେ ୨୦୨୨ରେ ଶେଷଥର ପାଇଁ ଟେଷ୍ଟ ମ୍ୟାଚରେ ନଜର ଆସିଥିଲେ। ୩୧ ବର୍ଷିୟ ହନୁମା ମାତ୍ର ୧୬ଟି ମ୍ୟାଚ ଖେଳିଛନ୍ତି। ଏଙି ସମୟରେ ସେ ୩୩.୫୬ ହାରରେ ୮୩୯ ରନ କରିଛନ୍ତି। ସେ ଗୋଟିଏ ଶତକ ଓ ୫ଟି ଅର୍ଦ୍ଧଶତକ ନିଜ ନାଁରେ କରିଛନ୍ତି। ଏହା ସତ୍ତ୍ୱେ ଟିମରେ ନିଜର ସ୍ଥାନ ପକ୍କା କରିବାରେ ବିଫଳ ହୋଇଛନ୍ତି ହନୁମା। ଚୟନକର୍ତ୍ତା ହନୁମାଙ୍କ ପାଇଁ ଅନେକ ବିକଳ୍ପ ସୃଷ୍ଟି କରିସାରିଛନ୍ତି। 

କରୁଣା ନାୟର ଭାରତ ପାଇଁ ୩୦୦ ରନ କରିବାରେ କରୁଣା ନାୟକ ଶେଷ ଖେଳାଳି ରହିଛନ୍ତି। କରୁଣାଙ୍କ ପରେ କୌଣସି ଖେଳାଳି ଏଭଳି ବଡ଼ ରେକର୍ଡ କରିପାରିନାହାନ୍ତି। କରୁଣାଙ୍କୁ ୨୦୧୬ ଓ ୨୦୧୭ରେ ଦଳରେ ଖେଳିବାକୁ ସୁଯୋଗ ମିଳିଥିଲା। ଏହି ସମୟ ମଧ୍ୟରେ ସେ ୬ଟି ମ୍ୟାଚ ଖେଳିଥିଲେ। ସେ ମୋଟ ୬୨.୩୩ ହାରରେ ୩୭୪ ରନ ସଂଗ୍ରହ କରିଥିଲେ। କରୁଣାଙ୍କର ସର୍ବଶ୍ରେଷ୍ଠ ପ୍ରଦର୍ଶନ ହେଉଛି ୩୦୩ ରନ। ଗୋଟିଏ ଇନିଂସରେ ସେ ଏହି ବୃହତ ସ୍କୋର କରିବାରେ ସକ୍ଷମ ହୋଇଥିଲେ। ଏହା ପରେ ସେ ସେଭଳି ଆଖିଦୃଷିଆ ପ୍ରଦର୍ଶନ କରିପାରିନଥିଲେ। ଫଳରେ ତାଙ୍କୁ ଦଳରୁ ବାଦ ଦିଆଯାଇଥିଲା। 

ଟି ନଟରାଜନ ୟର୍କର ସ୍ପେଶାଲିଷ୍ଟ ଭାବରେ ଜଣାଶୁଣା ଟି. ନାଟାରାଜନ ବର୍ତ୍ତମାନ ଭାରତୀୟ ଦଳ ବାହାରେ ଅଛନ୍ତି। ଆଇପିଏଲରେ ତାଙ୍କର କ୍ରମାଗତ ପ୍ରଦର୍ଶନ ପରେ ତାଙ୍କୁ ଏକ ସୁଯୋଗ ମିଳିଥିଲା, କିନ୍ତୁ ସେ ଅଯୋଗ୍ୟ ହେବା ପରେ ଦଳରୁ ବାଦ ପଡ଼ିଥିଲେ। ସେବେଠାରୁ ସେ ପ୍ରତ୍ୟାବର୍ତ୍ତନ କରିବାରେ ସକ୍ଷମ ହୋଇନାହାଁନ୍ତି। ଜାନୁଆରୀ ୨୦୨୧ରେ ଟି. ନାଟାରାଜନ ଅଷ୍ଟ୍ରେଲିଆ ବିପକ୍ଷରେ ଏକ ଟେଷ୍ଟ ମ୍ୟାଚ୍ ଖେଳିବାର ସୁଯୋଗ ପାଇଥିଲେ। ସେ ୩ ୱିକେଟ୍ ନେଇଥିଲେ। ସେବେଠାରୁ ସେ ଟେଷ୍ଟ ଦଳରେ ଅନ୍ତର୍ଭୁକ୍ତ ହୋଇନାହାନ୍ତି। 

ନଭଦୀପ ସୈନି ଗୌତମ ଗମ୍ଭୀରଙ୍କ ପ୍ରିୟ ନବଦୀପ ସାଇନି ତାଙ୍କ ପେସର ବୋଲିଂ ପାଇଁ ଜଣାଶୁଣା। ସେ ଖୁବ ଶୀଘ୍ର ବୋଲିଂ ପାଇଁ ଜଣାଶୁଣା। ତେବେ ବଲକୁ ନିୟନ୍ତ୍ରଣ କରିବାରେ ତାଙ୍କର ଅକ୍ଷମତା ମହଙ୍ଗା ପଡିଥିଲା। ସାଇନି ୨୦୨୧ରେ ତାଙ୍କର ଟେଷ୍ଟ ପଦାର୍ପଣ କରିଥିଲେ। ତାଙ୍କୁ ମାତ୍ର ୨ଟି ମ୍ୟାଚ୍ ଖେଳିବାର ସୁଯୋଗ ମିଳିଥିଲା। ଏହି ସମୟରେ ସେ ୪ ୱିକେଟ୍ ନେଇଥିଲେ। ନବଦୀପ ଅଷ୍ଟ୍ରେଲିଆରେ ଉଭୟ ଟେଷ୍ଟ ମ୍ୟାଚ୍ ଖେଳିଥିଲେ। ସେଠାରେ ମଧ୍ୟ ସେ ପ୍ରଭାବିତ କରିବାରେ ବିଫଳ ହୋଇଥିଲେ। ବର୍ତ୍ତମାନ ସେ ଚୟନକର୍ତ୍ତାଙ୍କ ରାଡାରରେ ନାହାଁନ୍ତି।