Guru Nanak Jayanti: ଗୁରୁ ନାନକ ଦେବ ଜୟନ୍ତୀ ଉତ୍ସବରେ ସାମିଲ ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

Prime Minister Narendra Modi: ପ୍ରଥମ ଶିଖ ଗୁରୁ ନାନକ ଦେବଙ୍କ ୫୫୫ ତମ ଜୟନ୍ତୀ ଉତ୍ସବରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଗୁରୁ ନାନକ ଦେବଙ୍କ ଜନ୍ମ ବାର୍ଷିକୀ ଅବସରରେ ଆୟୋଜିତ ହୋଇଥିବା ଏକ କାର୍ଯ୍ୟକ୍ରମକୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ମୋଦି। ସୋମବାର ସନ୍ଧ୍ୟାରେ ପହଞ୍ଚିଥିଲେ। ଏହି କାର୍ଯ୍ୟକ୍ରମକୁ ସଂଖ୍ୟାଲଘୁ ଆୟୋଗ ରାଷ୍ଟ୍ରୀୟ ଅଧ୍ୟକ୍ଷ ଇକବାଲ ସିଂହ ଲାଲ ପୁରାଙ୍କ ପକ୍ଷରୁ ଆୟୋଜିତ କରାଯାଇଛି। 

୧୦ ଶିଖ ଗୁରୁଙ୍କ ମଧ୍ୟରୁ ପ୍ରଥମ ଗୁରୁ ନାନକ ଦେବଙ୍କ ଜନ୍ମ କାର୍ତ୍ତିକ ମାସ ପୂର୍ଣ୍ଣିମା ତିଥିରେ ରାବି ନଦୀ କୂଳରେ ଅବସ୍ଥିତ ତଲୱାଣ୍ଡି ଗ୍ରାମରେ ହୋଇଥିଲା। ଶିଖ ଧର୍ମର ପ୍ରତିଷ୍ଠାତା ହେଉଛନ୍ତି ଗୁରୁ ନାନକ ଦେବ। ପ୍ରତିବର୍ଷ ଏହି ଦିନକୁ ଗୁରୁ ପରବ କିମ୍ବା ପ୍ରକାଶ ପର୍ବ ଭାବେ ପାଳନ କରାଯାଏ। ଗୁରୁ ନାନକ ଦେବଙ୍କ ଜନ୍ମଦିନରେ ସାରା ବିଶ୍ୱରେ ଗୁରୁ ପରବ ଭାବରେ ପାଳନ କରାଯାଏ। ପ୍ରଧାନମନ୍ତ୍ରୀ ମୋଦୀ ପ୍ରାୟତ ଶିଖ ଗୁରୁଙ୍କ ସହ ଜଡିତ କାର୍ଯ୍ୟକ୍ରମରେ ଅଂଶଗ୍ରହଣ କରିଥାନ୍ତି ଏବଂ ଗୁରୁଦ୍ୱାର ଯାଇ ଶିଖ ଗୁରୁଙ୍କୁ ପ୍ରଣାମ ଜଣାଇଥାନ୍ତି।

ଗୁରୁ ପରବ ଅବସରରେ ଆୟୋଜିତ ହୋଇଥିବା କାର୍ଯ୍ୟକ୍ରମକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ଗୁରୁ ନାନକ ଦେବଙ୍କ ଜନ୍ମ ବାର୍ଷିକୀ ଅବସରରେ ଆମ ଦେଶର ଲୋକ ଏବଂ ବିଦେଶରେ ବାସ କରୁଥିବା ଲୋକଙ୍କୁ ମୁଁ ମୋର ଶୁଭେଚ୍ଛା ଜଣାଉଛି। ଏହି ଅବସରରେ ମୁଁ ଗୁରୁ ନାନକ ଦେବଙ୍କ ନିକଟରେ ପ୍ରାର୍ଥନା କରୁଛି। ଭାରତ ବର୍ଷକୁ ଗୁରୁ ନାନକ ଦେବଙ୍କ ଭଳି ମହାନ ଗୁରୁଙ୍କ ଠାରୁ ଆଧ୍ୟାତ୍ମିକ ଏବଂ ନୈତିକ ମାର୍ଗଦର୍ଶନ ପାଇଛି। ଯିଏ ମାନବିକତାର ଅନ୍ତର୍ନିହିତ ଏକତାକୁ ଜନ୍ମ ଦେଇଥିଲେ। ଯାହା ସତ୍ୟ, ଦୟା ଏବଂ ଧର୍ମର ସର୍ବଭାରତୀୟ ଗୁଣ ଦ୍ୱାରା ବନ୍ଧା ହୋଇଛି। 

ଭାରତ ବର୍ଷରେ ଗୁରୁ ନାନକ ଦେବଙ୍କ ଭଳି ଗୁରୁ ଏବଂ ସେମାନଙ୍କ ଜ୍ଞାନ ସହିତ ଭାରତ ବର୍ଷ ବିଶ୍ୱଗୁରୁ ଭଳି ସମ୍ମାନଜନକ ମାନ୍ୟତା ହାସଲ କରିଛି। ଗୁରୁ ଆମକୁ ଏକ ଦୟାଳୁ ଗୁଣାତ୍ମକ ଜୀବନ ଏବଂ ଏକ ଅନ୍ତର୍ଭୂକ୍ତ ସମାଜର ପଥ ପ୍ରଦର୍ଶନ କରାଇଛନ୍ତି। ଗୁରୁଙ୍କ ଶବ୍ଦ  ହେଉଛି ସମସ୍ତ ମାନବିକତାର ଅସ୍ଥାୟୀ ଆଧ୍ୟାତ୍ମିକ ଉତ୍ତରାଧିକାରୀ। ଗୁରୁ ନାନକ ଦେବଙ୍କ ଅନନ୍ତ ବାର୍ତ୍ତା ଆମକୁ ଦୟାଳୁ, କରୁଣାମୟ ଏବଂ ଶାନ୍ତିପୂର୍ଣ୍ଣ ଜଗତ ସୃଷ୍ଟି କରିବାର ପଥରେ ମାର୍ଗଦର୍ଶନ କରିଥାଏ। 

ଶିଖ୍ ପରମ୍ପରା ଏବଂ ଐତିହ୍ୟକୁ ମଜବୁତ କରିବା ପାଇଁ ତାଙ୍କ ସରକାର ଉଦ୍ୟମ କରିଛନ୍ତି। ଆପଣ ସମସ୍ତେ ଜାଣନ୍ତି ଯେ ମୁଁ ଜଣେ କାର୍ଯ୍ୟକର୍ତ୍ତା ଭାବରେ ପଞ୍ଜାବରେ ବହୁତ ସମୟ ବିତାଇଥିଲି। ସେହି ସମୟ ମଧ୍ୟରେ ମୁଁ ଅନେକ ଥର ହରମନ୍ଦିର ସାହିବ ଠାରେ ପ୍ରଣାମ କରିବାର ସୁଯୋଗ ପାଇଛି।

ବିଭାଜନ ସମୟରେ ପଞ୍ଜାବ ଏବଂ ଦେଶର ଲୋକ ଯେଉଁ ବଳିଦାନ ଦେଇଛନ୍ତି ସେମାନଙ୍କ ସ୍ମୃତି ଉଦ୍ଦେଶ୍ୟରେ ଦେଶରେ ବିଭାଜନ ସ୍ମୃତି ଦିବସ ମଧ୍ୟ ଆରମ୍ଭ  କରାଯାଇଛି। ଆମ ସଂଶୋଧିତ ନାଗରିକତା ଆଇନ ଆଣି ବିଭାଜନ ଦ୍ୱାରା ପ୍ରଭାବିତ ହିନ୍ଦୁ-ଶିଖ ପରିବାରକୁ ନାଗରିକତ୍ୱ ପ୍ରଦାନ କରିବାର ଏକ ଉପାୟ ମଧ୍ୟ କରିଛନ୍ତି। କିଛି ସମୟ ପୂର୍ବରୁ ଆଫଗାନିସ୍ତାନରେ ପରିସ୍ଥିତି କିପରି ଖରାପ ହୋଇ ଯାଇଥିଲା ତାହା ସମସ୍ତେ ଜାଣିଛନ୍ତି। ସେଠାରେ ବସବାସ କରୁଥିବା ହିନ୍ଦୁ-ଶିଖ ପରିବାରକୁ ଫେରାଇ ଆଣିବା ପାଇଁ ଏକ ଅଭିଯାନ ଚଳାଯାଇଥିଲା। ଗୁରୁ ଗ୍ରନ୍ଥ ସାହିବ ସ୍ୱରୂପକୁ ମଧ୍ୟ ନିରାପଦରେ ଭାରତକୁ ଅଣା ଯାଇଥିଲା।

ପ୍ରଧାନମନ୍ତ୍ରୀ ମୋଦି କହିଛନ୍ତି ୨୬ ଡିସେମ୍ବରରେ ଗୁରୁ ଗୋବିନ୍ଦ ସିଂହଙ୍କ ସାହିବଜାଦଙ୍କ ମହାନ ବଳିଦାନକୁ ସ୍ମରଣ କରି ବୀର ବାଳ ଦିବସ ଉତ୍ସବ ଆରମ୍ଭ ହୋଇଛି। ପ୍ରକାଶ ପର୍ବର ଯେଉଁ ମହତ୍ତ୍ୱ ଶିଖ ପରମ୍ପରାରେ ରହିଲା ତାହା ଆଜି ଦେଶରେ କର୍ତ୍ତବ୍ୟ ଏବଂ ସେବା ପରମ୍ପରାକୁ ଆଗକୁ ବଢାଉଛି। ଗୁରୁ ନାନକ ଦେବ ଆମକୁ ଜୀବନ ବଞ୍ଚିବାର ମାର୍ଗ ଦର୍ଶନ କରିଛନ୍ତି। ପ୍ରାୟ ୩ ବର୍ଷ ପୂର୍ବେ ଗୁରୁ ନାନକ ଦେବଙ୍କ ୫୫୦ ତମ ପ୍ରକାଶ ପର୍ବ ପର୍ବ ଦେଶ ତଥା ବିଦେଶରେ ପାଳନ କରାଯାଇଥିଲା। ଏହି ବିଶେଷ ଉତ୍ସବରେ ଦେଶ ଏହାର ଗୁରୁଙ୍କ ଆଶୀର୍ବାଦ ଏବଂ ପ୍ରେରଣା ପାଇଛି। ଯାହା ଏକ ନୂତନ ଭାରତ ନିର୍ମାଣର ଶକ୍ତି ବୃଦ୍ଧି କରୁଛି।