ସାଧାରଣ ଲୋକଙ୍କୁ ଝଟକା! ମହଙ୍ଗା ହେଲା ଅମୁଲ କ୍ଷୀର, ଆସନ୍ତାକାଲି ଠାରୁ ଲାଗୁ ହେବ ନୂଆ ଦର

ନୂଆଦିଲ୍ଲୀ: ଗୋଟିଏ ପଟେ ପେଟ୍ରୋଲ-ଡିଜେଲ, ଖାଇବା ତେଲର ଦର ବୃଦ୍ଧି ଯୋଗୁଁ ସାଧାରଣ ଲୋକ ଅସୁବିଧାରେ ପଡିଥିବା ବେଳେ ଅନ୍ୟପଟେ ବର୍ତ୍ତମାନ ସାଧାରଣ ଲୋକଙ୍କୁ ଦୁଗ୍ଧ କମ୍ପାନୀ ତରଫରୁ ଆଉ ଏକ ଝଟକା ମିଳିଛି । ଅମୁଲ କ୍ଷୀର ଦରର ବୃଦ୍ଧି (Milk Price hike) ହୋଇଛି । ଅମୁଲ କ୍ଷୀରର (Amul Milk) ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି ପାଇଛି । ଏହି ବର୍ଦ୍ଧିତ କ୍ଷୀର ମୂଲ୍ୟ ଆସନ୍ତାକାଲି ଅର୍ଥାତ ୧ ଜୁଲାଇ ୨୦୨୧ ଠାରୁ ଲାଗୁ ହେବ ।

ଜାଣନ୍ତୁ କ’ଣ ହେବ ମୂଲ୍ୟ?
ପ୍ରାପ୍ତ ସୂଚନା ଅନୁଯାୟୀ ଦେଶର ରାଜଧାନୀ ଦିଲ୍ଲୀ, ଗୁଜୁରାଟ ଓ ପଞ୍ଜାବ ସମେତ ଅନେକ ରାଜ୍ୟରେ ଅମୁଲ କ୍ଷୀରର ନୂତନ ମୂଲ୍ୟ ପ୍ରଯୁଜ୍ୟ ହେବ । କମ୍ପାନୀ ଏହାର ସମସ୍ତ ବ୍ରାଣ୍ଡକୁ ଲିଟର ପିଛା ୨ ଟଙ୍କା ବୃଦ୍ଧି କରିଛି । ଏହା ସହିତ ବର୍ତ୍ତମାନ ଅମୁଲ ଗୋଲ୍ଡ କ୍ଷୀର (Amul Gold Milk) ଲିଟର ପିଛା ୫୮ ଟଙ୍କାରେ ଉପଲବ୍ଧ ହେବ । କୋରୋନାର (Coronavirus) କାରଣ ଦର୍ଶାଇ ଅନ୍ୟ କେତେକ ଦୁଗ୍ଧ ବ୍ୟବସାୟୀ (Dairy merchant) ମଧ୍ୟ କ୍ଷୀରର ମୂଲ୍ୟ ବୃଦ୍ଧି (Milk Price hike) କରିବାକୁ ନିଷ୍ପତ୍ତି ନେଇଛନ୍ତି । ଏଥିପାଇଁ ଦୁଗ୍ଧ ଉତ୍ପାଦନକାରୀ ସଂଘ ଦ୍ୱାରା ଦୁଗ୍ଧ ଅପରେଟରଙ୍କ ଉପରେ ଚାପ ମଧ୍ୟ ଆରମ୍ଭ ହୋଇଛି ।

ଅଧିକ ପଢ଼ନ୍ତୁ: Cyber Attacks ର ମୁକାବିଲା ପାଇଁ ଭାରତ ଆରମ୍ଭ କଲା ପ୍ରସ୍ତୁତି, ଏହା ହେଉଛି ସ୍ପେଶାଲ ପ୍ଲାନ

ଦୁଗ୍ଧ ଚାଷୀଙ୍କ ପାଇଁ Micro ATM
ସୂଚନାଯୋଗ୍ୟ ଯେ ଗୁଜୁରାଟର ରାଜକୋଟ ଗ୍ରାମରେ ଦୁଗ୍ଧ ଚାଷୀଙ୍କ ପାଇଁ ଅମୁଲ ନିକଟରେ ମାଇକ୍ରୋ ଏଟିଏମ୍ ଆରମ୍ଭ କରିଛନ୍ତି । ଏଠାରେ ପ୍ରାୟ ୪୦୦୦ ଲୋକସଂଖ୍ୟା ବିଶିଷ୍ଟ ଏକ ଛୋଟ ଗାଁ ଆନନ୍ଦପର୍ ପ୍ରତିଦିନ ପ୍ରାୟ ୨୦୦୦ ଲିଟର କ୍ଷୀର କିଣନ୍ତି ।