Skin Cancer: ସ୍କିନ୍ କ୍ୟାନସର୍ ହେବା ପୂର୍ବରୁ ଶରୀରରେ ଦେଖା ଦେଇଥାଏ ଏହି ସବୁ ଲକ୍ଷଣ...

Skin Cancer: ସ୍କିନ୍ ଟ୍ରିଟମେଣ୍ଟ କଥା ଆସିଲେ ପୁରୁଷମାନେ ପ୍ରାୟତଃ ପଛରେ ରହିଯାଆନ୍ତି। ଏହି ବିଷୟରେ ମୁମ୍ବାଇର କୋକିଲାବେନ୍ ଧୀରୁବାଇ ଅମ୍ବାନୀ ହସ୍ପିଟାଲର କନସଲଟାଣ୍ଟ ଡର୍ମାଟୋଲୋଜିଷ୍ଟ, ଟ୍ରାଇକୋଲୋଜିଷ୍ଟ ଏବଂ କସମେଟୋଲୋଜିଷ୍ଟ ଡକ୍ଟର ନୀତୁ କହିଛନ୍ତି ଯେ ତ୍ୱଚାକୁ ସୂର୍ଯ୍ୟ କିରଣରୁ ରକ୍ଷା କରିବା ଆବଶ୍ୟକ। କିନ୍ତୁ ଯଦି ଆପଣ ତାହା ନକରନ୍ତି ତେବେ ଏହା ଆପଣଙ୍କ ପାଇଁ କ୍ଷତିକାରକ ହୋଇପାରେ। 

ଡକ୍ଟର ନୀତୁ କହିଛନ୍ତି ଯେ ଲୋକମାନେ ଯେତିକି ଭାବୁଛନ୍ତି ତା'ଠୁ ଅଧିକ କ୍ଷତିକାରକ  ଅଲ୍ଟ୍ରାଟୋଇଲେଟ୍ (UV) କିରଣ। ଏହା ଦ୍ୱାରା ତ୍ୱଚା ଲାଲ ରଙ୍ଗ, ଛାଲ ପକାଇ ଦେବା ଏବଂ ଏପରିକି ସ୍କିନ୍ ଆଲର୍ଜି କିମ୍ବା ଡର୍ମାଟାଇଟିସ୍ ହୋଇପାରେ। ଏଥି ସହ ଦୀର୍ଘ ଦିନର ସୂର୍ଯ୍ୟ ଏକ୍ସପୋଜର ଦ୍ୱାରା ଫଟୋଏଜିଂ, ଟ୍ୟାନିଂ, ମେଲାସ୍ମା କିମ୍ବା ଫ୍ରେକ୍ଲେସ୍ ପରି ପିଗମେଣ୍ଟେସନ୍ ସମସ୍ୟା, ଏପରିକି ଡିଏନ୍ଏ ମ୍ୟୁଟେସନ୍ ହୋଇପାରେ ଯାହା ଚର୍ମ କର୍କଟ ରୋଗର କାରଣ ହୋଇପାରେ।

ପୁରୁଷମାନଙ୍କ ପାଇଁ ଅଧିକ ବିପଦ: ଡାକ୍ତର କହିଛନ୍ତି ଯେ ଅଧିକ ଚିନ୍ତାଜନକ ବିଷୟ ହେଉଛି ଏହା ପୁରୁଷଙ୍କଠାରେ ଅଧିକ ବଢ଼ିବାରେ ଲାଗିଛି। ଯଦି ଜଣେ ନିଜକୁ ସୂର୍ଯ୍ୟଙ୍କଠାରୁ ରକ୍ଷା କରିବା ପାଇଁ ଠିକ୍ ସମୟରେ ସନ୍ ସ୍କ୍ରିନ୍ ବ୍ୟବହାର କରେ କିମ୍ବା ତ୍ୱଚା ସମ୍ବନ୍ଧୀୟ ସମସ୍ୟା ପାଇଁ ଡାକ୍ତରଙ୍କ ସହିତ ପରାମର୍ଶ କରେ, ତେବେ ଏହି ରୋଗ ହେବାର ସମ୍ଭାବନା କମିଯାଇପାରେ। ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ ୧୦ ପ୍ରତିଶତରୁ କମ୍ ପୁରୁଷ ସନ୍ ସ୍କ୍ରିନ୍  କିମ୍ବା ସୂର୍ଯ୍ୟ ସୁରକ୍ଷା ବ୍ୟବସ୍ଥା ବ୍ୟବହାର କରୁଛନ୍ତି।

ଡକ୍ଟର ନୀତୁ ଏଥିପାଇଁ ଅନେକ ଭୁଲ ଧାରଣା ରହିଛି ବୋଲି ମତ ଦେଇଛନ୍ତି। ସେ କହିଛନ୍ତି ଯେ ଅନେକ ପୁରୁଷ ଭାବନ୍ତି ଯେ ସନ୍ ସ୍କ୍ରିନ୍  କେବଳ ଏକ ସୌନ୍ଦର୍ଯ୍ୟ ବଢ଼ାଇବାର ଏକ କ୍ରିମ୍ ଯାହା ପୁରୁଷମାନେ ପ୍ରୟୋଗ କରିପାରିବେ ନାହିଁ, ଯାହା ଆଦୌ ସତ୍ୟ ନୁହେଁ। ଏହା ବ୍ୟତୀତ ପୁରୁଷମାନଙ୍କୁ ପ୍ରାୟତଃ ସୂର୍ଯ୍ୟକିରଣରେ କାମ କରିବାକୁ ପଡ଼ିଥାଏ, ଯାହା ସେମାନଙ୍କର ତ୍ୱଚାକୁ କ୍ଷତି ପହଞ୍ଚାଏ। ପୁରୁଷମାନେ ବାହାରେ କାମ କରିବା କିମ୍ବା ଖେଳ-କୁଦରେ ଅଂଶଗ୍ରହଣ କରିବାର ସମ୍ଭାବନା ଅଧିକ, ଯାହା ସୂର୍ଯ୍ୟ କିରଣର ପ୍ରଭାବ ତାଙ୍କ ଉପରେ ବଢ଼ିଥାଏ।

କିପରି ରକ୍ଷା କରିବେ: ଏହି ବିପଦକୁ ଏଡାଇବା ପାଇଁ ଡକ୍ଟର ନୀତୁ କହିଛନ୍ତି ଯେ ସନ୍ ସ୍କ୍ରିନ୍ ବ୍ୟବହାର କରିବା କଷ୍ଟକର କାମ ନୁହେଁ। କର୍କଟ ରୋଗରୁ ରକ୍ଷା କରିବା ପାଇଁ, ସୂର୍ଯ୍ୟ କିରଣ ନଥିଲେ ମଧ୍ୟ ଉଚ୍ଚ-ଫ୍ୟାକ୍ଟର୍ SPF ବ୍ୟବହାର କରନ୍ତୁ। ବିଶେଷକରି ପହଁରିବା, ବ୍ୟାୟାମ କରିବା ଏବଂ ଗାଧୋଇବା ପରେ ପ୍ରତିଦିନ ଏହାକୁ ଦୁଇରୁ ତିନି ଘଣ୍ଟାରେ ପୁନର୍ବାର ପ୍ରୟୋଗ କରନ୍ତୁ।