આજે યોજાનારી જસદણની ચૂંટણી ભાજપ અને કોંગ્રેસ બંને માટે પ્રતિષ્ઠાનો જંગ છે. ત્યારે હવે આઠ વાગ્યાના ટકોરે મતદાન શરૂ થઈ ગયું છે. કુલ 8 ઉમેદવારોનું ભાવિ આજે મતદાન પેટીમાં સિલ થશે. પરંતુ મુખ્ય લડાઈ તો ગુરુ કુંવરજી બાવળીયા અને તેમનો પૂર્વ ચેલો અને આજના પ્રતિસ્પર્ધી અવસર નાકિયા વચ્ચે છે. આ સમયે કોંગ્રેસ માટે આ સીટ જાળવી રાખવાની, તો ભાજપના આયાતી ઉમેદવાર કુંવરજી બાવળીયા માટે પક્ષપલટા બાદ સીટ પરથી જીતવુ મહત્વનું બની ગયું છે. તેથી જ ભાજપ અને કોંગ્રેસે અહીં જીત મેળવવા માટે પોતાના સ્ટાર પ્રચારકોને મેદાનમાં ઉતાર્યા હતા.