અમદાવાદમાં ચાલુ વાનમાંથી ત્રણ વિદ્યાર્થીઓ પડી જવાના મામલે વડોદરામાં ગઈકાલથી જ ટ્રાફીક પોલીસ અને આરટીઓએ સ્કુલ વર્ધી ચાલકો સામે કાર્યવાહી કરી તેમના વાહનો ડિટેઈન કર્યા છે જેના વિરોધમાં વડોદરામાં સ્કૂલ વર્ધી એસોસિયેશને બે દિવસની હડતાડ પાડી છે. સ્કૂલ વાન ચાલકો હડતાડ પર હોવાથી પોલીસે માનવતા ભર્યો અભિગમ અપનાવી મોબાઈલ કે પીસીઆર વાન ચાલકોને વિદ્યાર્થીઓના તેમના ઘરેથી સ્કૂલ અને સ્કૂલથી ઘરે છોડવાના નિર્ણય લીધો છે. વાન ચાલકોના મનમાનીના કારણે વાલીઓ અને વિદ્યાર્થીઓ હેરાન પરેશાન થયા છે સાથે જ વાલીઓ હડતાડને અયોગ્ય ઠેરવી પોલીસની કાર્યવાહી યોગ્ય ગણી રહ્યા છે.