સુરત શહેરના સોસ્યો સર્કલ વિસ્તારમાં આવેલા લુમ્સના કારખાનામાં આગ ભભૂકી છે શોર્ટ સર્કિટથી આ કારખાનામાં અચાનક આગ લાગી હોવાનો પ્રાથમિક અહેવાલ છે. લુમ્સના કારખાનામાં કામ કરી રહેલા લોકોને સહી સલામત બહાર કાઢવામાં આવ્યા છે. કારખાનામાં રાખવામાં આવેલો કાપડનો જથ્થો બળીને ખાખ થઇ ગયો છે. આગ લાગવાની ઘટનાને પગલે ફાયર વિભાગની ગાડીઓ ઘટનાસ્થળે પહોંચીને સતત પાણીનો મારો ચલાવ્યો હતો અને આગ પર કાબુ મેળવવાનો પ્રયાસ કર્યો હતો.