નર્મદાના સાધુબેટ પર ચાલી રહેલી વાર્ષિક ઓલ ઈન્ડિયા ડીજી કોન્ફરન્સનો આજે બીજો દિવસ છે. ત્યારે આજે વડાપ્રધાન નરેન્દ્ર મોદી ડીજી કોન્ફરન્સમાં હાજરી આપવા પહોંચી ગયા છે. તેઓ પોણા આઠ વાગ્યાની આસપાસ વડોદરા એરપોર્ટ પર પહોંચી ગયા હતા. જ્યાં તેમનું મુખ્યમંત્રી વિજય રૂપાણી તથા નાયબ મુખ્યમંત્રી નીતિન પટેલ દ્વારા સ્વાગત કરાયું હતું. જ્યાંથી તેમનો કાફલો કેવડીયા તરફ જવા રવાના થયો હતો. તેઓ પહેલા સ્ટેચ્યુ ઓફ યુનિટી તથા બાદમાં ફ્લાવર ઓફ વેલીની મુલાકાત લેશે. જેના બાદ તે ડીજી કોન્ફરન્સમાં ભાગ લેશે.