મુંબઇ સહિત મહારાષ્ટ્રમાં સતત વરસાદ વરસી રહ્યો છે. તેનાં કારણે જનજીવન અસ્તવ્યસ્ત થઇ ચુક્યા છે. જો કે ચિપલુનમાં એક અજબ ઘટના બની હતી. મગર નદીમાંથી કોઇ પ્રકારે ગટરમાં આવી ગયો હતો અને ગટરમાં ફસાઇ ગયો હતો. જેના પગલે સ્થાનિકોમાં કુતુહલવશ મગરને જોવા એકઠા થવા લાગ્યા હતા. જો કે ઘટનાની જાણ ફોરેસ્ટ વિભાગને કરાતા ફોરેસ્ટ દ્વારા મગરને પકડી લઇ તેને ફરી નદીમાં છોડી મુકવામાં આવ્યો હતો.