પેટાચૂંટણી પહેલા કોંગ્રેસમાં આંતરીક ડખો સામે આવ્યો છે. અમદાવાદમાં ગુજરાત કોંગ્રેસ ભવનમાં સેવાદળના રાષ્ટ્રીય અધ્યક્ષ લાલજી દેસાઇ અને રઘુ દેસાઈ વચ્ચે ઉગ્ર બોલાચાલી થતા વાતાવરણ તંગ થયું હતુ. સિનિયર નેતાઓની હાજરીમાં લાલજી દેસાઈ અને રઘુ દેસાઈ વચ્ચે બોલાચાલી થઈ હતી. રઘુ દેસાઇ રાધનપુર બેઠકની પેટાચૂંટણી લડવા માંગે છે. જ્યારે કે લાલજી દેસાઈએ પણ રાધનપુરથી લડવાની તૈયારી બતાવી છે. એવામાં તેમની વચ્ચે બોલાચાલી થઈ હતી. ઉલ્લેખનીય છે કે અગાઉ ચાણસ્મા બેઠક માટે આ બંને ઉમેદવારો આમને સામને હતા.