CWG 2022: કોમનવેલ્થમાં ભારતને વધુ 2 ગોલ્ડ, કુસ્તીબાજ રવિ દહિયા અને વિનેશ ફોગાટની શાનદાર જીત

Commonwealth Games 2022: બર્મિંગહામમાં કોમનવેલ્થ ગેમ્સના 22 માં એડિશનના 9 માં દિવસે ભારતીય ખેલાડીઓ દ્વારા શાનદાર પ્રદર્શન કરવામાં આવી રહ્યું છે. પહેલવાન રવિ દહિયાએ નાઇજિરિયન કુસ્તીબાજ ઇ વેલ્સનને હરાવી ગોલ્ડ પોતાના નામે કર્યો છે. તો બીજી તરફ વિનેશ ફોગાટે ફાઈનલ મેચમાં શ્રીલંકાના કુસ્તીબાજને હરાવ્યો છે.

ભારતીય પહેલવાન રવિ દહિયાએ ભારતને 10 મો ગોલ્ડ મેડલ જીતાડ્યો છે. પહેલવાન રવિ દહિયાએ 57 કિલો વર્ગ કેટેગરીની ફાઈનલમાં નાઈજિરિયન પહેલવાન ઇ વેલ્સનને 10-0 થી હરાવ્યો. જોકે, ફાઈનલ મેચ પહેલા રવિ દહિયાએ પાકિસ્તાનના અસદ અલીને હરાવ્યો હતો. રવિ દહિયાએ અસદ અલીને 14-4 થી હરાવ્યો હતો. ત્યારે આ પહેલા ક્વોર્ટર ફાઈનલ મેચમાં ન્યૂઝીલેન્ડના પહેલવાન સૂરજને 1 મિનિટ 14 સેક્ન્ડમાં જ 10-0 થી હરાવ્યો હતો.

Olympic silver medallist Ravi Kumar Dahiya bags a gold medal in 57 Kg weight category in wrestling with a 10-0 victory in #CommonwealthGames2022 pic.twitter.com/RXSLzWGN4R

— ANI (@ANI) August 6, 2022

વિનેશ ફોગાટે કોમનવેલ્થ ગેમ્સમાં સતત ત્રીજી વખત ગોલ્ડ મેડલ જીત્યો છે. વિનેશ ફોગાટે શ્રીલંકાની ચામોડ્યા કેશાનીને 4-0 થી હરાવી આ મેચ પોતાના નામે કરી છે. વિનેશ ફોગાટે વિમેન્સ 56 કિલો વર્ગ કેટેગરીમાં આ મેડલ પોતાના નામે કર્યો છે. આ પહેલા વિનેશ ફોગાટે 2014 કોમનવેલ્થ ગેમ્સમાં 48 કિલો વર્ગ કેટેગરી અને 2018 કોમનવેલ્થ ગેમ્સમાં 50 કિલો વર્ગ કેટેગરીમાં પણ ગોલ્ડ જીત્યો હતો. કોમનવેલ્થ ગેમ્સ 2022 માં ભારતે અત્યાર સુધી 11 ગોલ્ડ, 11 સિલ્વર અને 11 બ્રોન્ઝ સહિત 33 મેડલ જીત્યા છે.

Wrestler Vinesh Phogat scripts history yet again, from being the 1st Indian woman to win Gold at both #CWG & Asian Games, to becoming the 1st Indian woman to bag 3 consecutive Gold at #CommonwealthGames

India gets a Gold medal in Women's Wrestling 53Kgs pic.twitter.com/oKPmeIQXjW

— ANI (@ANI) August 6, 2022

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube