ટીમ ઈન્ડિયાના ચાહકોને ઝટકો! જાણો કોહલીએ અચાનક કેમ માંગી રજા?

ટીમ ઈન્ડિયા આવતા મહિનાથી દક્ષિણ આફ્રિકાના પ્રવાસે જવાની છે. ટીમ ઈન્ડિયાએ સાઉથ આફ્રિકાના પ્રવાસ પર ત્રણ T20 ઈન્ટરનેશનલ, ત્રણ ODI ઈન્ટરનેશનલ અને બે ટેસ્ટ મેચ રમવાની છે. આ સમાચારથી ટીમ ઈન્ડિયાના ચાહકોને મોટો આંચકો લાગી શકે છે.

ટીમ ઈન્ડિયાના દિગ્ગજ બેટ્સમેન વિરાટ કોહલીનું દક્ષિણ આફ્રિકા સામેની ODI અને T20 ઈન્ટરનેશનલ શ્રેણીમાં રમવું શંકાસ્પદ માનવામાં આવી રહ્યું છે. ઈન્ડિયન એક્સપ્રેસના અહેવાલ અનુસાર, ટીમ ઈન્ડિયાના બેટ્સમેન વિરાટ કોહલીએ BCCI અને પસંદગીકારોને દક્ષિણ આફ્રિકા સામેની ODI અને T20 ઈન્ટરનેશનલ શ્રેણીમાંથી રજા માંગી છે.

ઈન્ડિયન એક્સપ્રેસના અહેવાલ મુજબ, વિરાટ કોહલીએ BCCI અને પસંદગીકારોને કહ્યું છે કે તેને દક્ષિણ આફ્રિકા સામેની ODI અને T20 ઈન્ટરનેશનલ શ્રેણીમાંથી બ્રેકની જરૂર છે અને તે ક્યારે રમશે તે અંગે તેઓ તેમનો સંપર્ક કરશે.

વિરાટ કોહલીએ BCCIને કહ્યું છે કે તે ટેસ્ટ ક્રિકેટ રમશે. આનો અર્થ એ થયો કે વિરાટ કોહલી દક્ષિણ આફ્રિકામાં બે મેચની ટેસ્ટ શ્રેણી માટે ઉપલબ્ધ રહેશે. ભારત અને દક્ષિણ આફ્રિકા વચ્ચે બે મેચની ટેસ્ટ શ્રેણી 26 ડિસેમ્બરથી 7 જાન્યુઆરી સુધી રમાશે.

તમને જણાવી દઈએ કે આવતા અઠવાડિયે સોમવારે અજીત અગરકરની અધ્યક્ષતાવાળી પસંદગી સમિતિ દક્ષિણ આફ્રિકા સામેની ODI અને T20 આંતરરાષ્ટ્રીય શ્રેણી માટે ટીમ ઈન્ડિયાની જાહેરાત કરી શકે છે.