આ એક્ટ્રેસે 21ની ઉંમરે કો-એક્ટર સાથે કરી હતી સગાઈ, 12 મહિનામાં સંબંધનો આવ્યો અંત, હવે આ સુપરસ્ટારને કરે છે ડેટ?

સાઉથ ફિલ્મ ઈન્ડસ્ટ્રીની ટોપની અભિનેત્રી જે આજે પાન ઈન્ડિયા સ્ટાર બની ગઈ છે. ઘણા વર્ષો સુધી સાઉથ સિનેમામાં પોતાની છાપ છોડ્યા બાદ હવે તે બોલિવૂડમાં પણ પોતાની ઓળખ બનાવી રહી છે. ફિલ્મ ઈન્ડસ્ટ્રીમાં પ્રવેશ કરતી વખતે આ અભિનેત્રીએ પોતાના પ્રથમ કો-સ્ટાર સાથે લગ્ન કરવાનો નિર્ણય લીધો હતો, પરંતુ તેમનો સંબંધ લાંબો સમય ટકી શક્યો નહીં. હાલમાં જ આ અભિનેત્રીએ પોતાના ઈન્ટરવ્યુમાં જણાવ્યું કે, તે તેમના માટે કેવા પ્રકારના પાર્ટનરની શોધ કરી રહી છે અને તેનામાં કયા ગુણ હોવા જોઈએ?

ઇન્ડસ્ટ્રીમાં એવી ઘણી અભિનેત્રીઓ છે જેમણે ઇન્ડસ્ટ્રીમાં પોતાના દમ પર એક મજબૂત ઓળખ બનાવી છે, પરંતુ આજે અમે વાત કરી રહ્યા છીએ 1996માં જન્મેલી રશ્મિકા મંદાનાની જેની ફિલ્મ 'પુષ્પા 2: ધ રૂલ'એ બોક્સ ઓફિસ પર બમ્પર કમાણી કરી રહી છે. ફિલ્મ પહેલા દિવસથી જ કમાણીનો રેકોર્ડ બનાવી રહી છે. 'પુષ્પા' અને 'પુષ્પા 2'ની શાનદાર સફળતાએ રશ્મિકા મંદન્નાને સમગ્ર ભારતની સ્ટાર બનાવી છે. જો કે, તે બોલિવૂડમાં પણ પોતાની ઓળખ બનાવી રહી છે, પરંતુ તે સાઉથની ટોપ અભિનેત્રી છે.

પોતાની ફિલ્મ 'પુષ્પા 2: ધ રૂલ' ની સફળતાને ઈનજોય કરી રહેલી રશ્મિકાએ તેના તાજેતરના ઈન્ટરવ્યુમાં તેના અંગત જીવન વિશે ખુલીને વાત કરી અને જણાવ્યું કે, તેને કેવો પાર્ટનર જોઈએ છે. તાજેતરમાં કોસ્મોપોલિટન ઈન્ડિયા સાથેની વાતચીતમાં તેણે પોતાના જીવન વિશે વાત કરતા કહ્યું કે, તે પોતાના જીવનમાં એવા જીવનસાથીની શોધમાં છે જે તેને દરેક મોડ પર સાથ આપી શકે. રશ્મિકાના કહેવા પ્રમાણે તેને સંબંધમાં આરામ, સુરક્ષા અને કન્ફર્ટની જરૂર છે, જેથી તેનું જીવન શાંતિપૂર્ણ રહે.

રશ્મિકાએ જણાવ્યું કે, તેના પાર્ટનરમાં કયા ગુણ હોવા જોઈએ. તેણે કહ્યું કે, તે એવા પાર્ટનરની શોધમાં છે જે તેની સાથેના સંબંધોમાં કાઈન્ડનેસ અને સન્માન જાળવી રાખે, કારણ કે તે સૌથી વધુ જરૂરી છે. તેણે વધુમાં કહ્યું કે, 'જ્યારે તમે બન્ને એકબીજાનો સન્માન કરો છો અને એકબીજા પ્રત્યે દયાળુ છો, ત્યારે આ બધું એક સારા સંબંધને મજબૂત બનાવે છે'. તેણીએ કહ્યું કે, તે એક એવા વ્યક્તિની શોધમાં છે જે દિલથી સારો હોય અને જે ખરેખર તેની કાળજી રાખે અને તેની સંભાળ રાખે.

હાલમાં રશ્મિકા મંદન્નાનું નામ સાઉથના સુપરસ્ટાર વિજય દેવેરાકોંડા સાથે જોડાઈ રહ્યું છે. એવા દાવા કરવામાં આવી રહ્યા છે કે, બન્ને એકબીજાને ડેટ કરી રહ્યા છે. જો કે, બન્નેએ હજુ સુધી આ દાવાઓની પુષ્ટિ કરી નથી, પરંતુ વિજય પહેલા અભિનેત્રીએ તેના એક કો-સ્ટારને લાંબા સમય સુધી ડેટ કરી હતી, જેની સાથે તેણે સગાઈ પણ કરી લીધી હતી. એ અભિનેતાનું નામ છે રક્ષિત શેટ્ટી. બન્નેની મુલાકાત તેમની ડેબ્યૂ ફિલ્મ 'કિરિક પાર્ટી'ના સેટ પર થઈ હતી. આ દરમિયાન તેમનો પ્રેમ ખીલ્યો અને તેમની સગાઈ થઈ ગઈ.

જો કે, સગાઈ પછી પણ તેમનો સંબંધ લાંબો સમય ટકી શક્યો નહીં અને 12 મહિનામાં જ તેઓ અલગ થઈ ગયા. તેમના સંબંધો ખૂબ જ વહેલા શરૂ થયા હતા અને બન્નેએ તેમના સંબંધોને ગંભીરતાથી લીધા હતા. જ્યારે રશ્મિકાની સગાઈ રક્ષિત સાથે થઈ ત્યારે તે માત્ર 21 વર્ષની હતી અને રક્ષિતની ઉંમર 34 વર્ષનો હતો. બન્નેની ઉંમરમાં 13 વર્ષનો તફાવત હતો. જો કે, તેમની સગાઈના 12 મહિના પછી તેમના સંબંધોમાં મતભેદ શરૂ થયા અને તેઓએ તેમનો સંબંધ સમાપ્ત કરી દીધો.