Indian Railway: ટ્રેનમાંથી તકિયા-ચાદર ચોરશો તો ફસાઇ જશો, જાણો શું છે તેની સજા

ભારતીય રેલવે હંમેશા તેના મુસાફરોને શ્રેષ્ઠ સુવિધાઓ પૂરી પાડે છે. આવી જ એક સુવિધા એસી કોચમાં ઉપલબ્ધ બેડશીટ, ઓશીકું અને ધાબળો છે. પરંતુ જો કોઈ ચોરી કરે તો તેની સામે કાર્યવાહી કરવાની જોગવાઈ છે.

હકીકતમાં આમ કરવા બદલ દંડ અને જેલ બંનેની જોગવાઈ છે. રેલવે પ્રોપર્ટી એક્ટ, 1966 (Railway Property Act, 1966) મુજબ, જો પહેલીવાર પકડાય તો 5 વર્ષ સુધીની જેલ અથવા દંડ અથવા બંને થઈ શકે છે.

રેલવે સમયાંતરે આ અંગે માર્ગદર્શિકા પણ બહાર પાડે છે. રેલવેના આ સામાનની ચોરી કરવી કાયદાકીય રીતે ગુનો છે. આમ કરતા પકડાયેલા કોઈપણ મુસાફરને રેલવે પ્રોપર્ટી એક્ટ 1966 મુજબ કાર્યવાહીનો સામનો કરવો પડી શકે છે.

આવી ચોરીઓને કારણે રેલવેને પણ નુકસાન થાય છે. રેલવેએ તાજેતરમાં કહ્યું હતું કે મુસાફરો બેડશીટ, ધાબળા તેમજ ચમચી, કીટલી, નળ, ટોયલેટ બાઉલની ચોરી કરતા હતા, તેનાથી રેલવેને મોટું નુકસાન થઈ શકે છે.

એટલું જ નહીં, એવું પણ જણાવવામાં આવ્યું હતું કે બિલાસપુર ઝોનની ટ્રેનોમાં લોકો રેલવેનો વધુ સામાન ચોરી કરતા હતા. બિલાસપુર અને દુર્ગથી ચાલતી એક્સપ્રેસ ટ્રેનોમાં ધાબળા, ચાદર, તકિયાના કવર અને ચહેરાના ટુવાલની સતત ચોરી થઈ રહી છે.