કેનેડામાં બેરોજગારીની ડરામણી તસવીરો! એક નોકરી માટે હજારોની ભીડ ભેગી થઈ, આમાં કોને નોકરી મળશે?

જે ભારતીયો હાલ કેનેડા રહેતા હશે, તેમના માતાપિતા માટે આ દ્રશ્યો બહુ જ શોકિંગ છે. કેનેડામાં હાલ નોકરી માટે ફાંફાં મારવા પડી રહ્યાં છે. કેનેડાના બ્રેમ્ટનમાં તંદુરી ફ્લેમ રેસ્ટોરન્ટની આ તસવીરો સામે આવી છે. જેમાં નોકરી માટે યુવાઓની લાંબી લાઈન લાગી છે.   

કેનેડાથી પ્રાપ્ત માહિતી અનુસાર, રેસ્ટોરન્ટ દ્વારા સર્વન્ટ અને કિચનમાં કામ કરી શકે તે માટે હાયરિંગ કરવામાં આવી રહ્યું છે, આ નોકરી મેળવવા માટે લગભગ 3000 જેટલા યુવાનોએ પોતાના રિઝ્યુમ આપ્યા છે. હવે વિચાર કરો કે કેનેડામાં પરિસ્થિતિ કેટલી હદે ખરાબ હશે. 

આ ઉપરાંત આવી અનેક વેકેન્સી છે, જ્યાં યુવાઓ પોતાના રિઝ્યુમ લઈને ફરી રહ્યાં છે, પરંતુ માંડ માંડ નોકરીનો મેળ પડે છે. એક વેકેન્સી માટે એટલા બધા રિઝ્યુમ આવે છે કોની પસંદગી કરવી તે પણ મુશ્કેલી પડી જાય છે. 

જો આવુ જ રહ્યું તો કેનેડામાં રહેતા ભારતીયોના સ્થિતિ વધુ કફોડી બની જશે. એક તરફ માતાપિતા તેમને લાખોનો ખર્ચો કરાવીને ત્યાં મોકલે છે, અને બીજી તરફ સંતાનોને ડોલર કમાવવાના તો છોડો, પરંતુ નોકરી મળવાના પણ ફાંફા પડી રહ્યાં છે.